Sara Arjun As Madhubala: कन्फर्म! भन्साळींच्या सिनेमाची 'मधुबाला' ठरली; काळजाचा ठाव घेणार 'ही' लोकप्रिय अभिनेत्री, चर्चांना पूर्णविराम

Sara Arjun to Play Legendary Actress Madhubala: 'धुरंधर' नंतर सारा अर्जून साकारणार 'मधुबाला'ची भूमिका.

Sara Arjun Set to Portray Madhubala

Source : canva

Sara Arjun Set to Portray Madhubala: आदित्य धर दिग्दर्शित 'धुरंधर 2' (Dhurandhar 2) चित्रपटाने धुमाकूळ घातला.  या सिनेमानं भारतात 1000 कोटींची बॉक्स ऑफिस कमाई केली. या सिनेमात रणवीर सिंहसह  सारा अर्जूनची (Sara Arjun) भूमिका जबरदस्त होती. तिनं रणवीर सिंहने (Ranveer Singh) साकारलेल्या हमजा अली मझारी या भारतीय गुप्तहेराच्या बायकोची भूमिका साकारली होती. या सिनेमामुळे सारा अर्जूनला विशेष प्रसिद्धी मिळाली.  दरम्यान, सारा अर्जूनला एक मोठा प्रोजेक्ट मिळाला आहे. पाकिस्तानी मुलीची भूमिका साकारल्यानंतर सारा अर्जून आता बॉलिवूडची  दिग्गज अभिनेत्री मधुबालाच्या भूमिकेत दिसणार असल्याची माहिती आहे.  मिळालेल्या माहितीनुसार,  दिग्दर्शक  जसमीत के रीन हे एका मोठ्या प्रोजेक्टवर काम करत असून, या चित्रपटाची निर्मिती संजय लीला भन्साळी करणार असल्याची माहिती आहे.

मधुबाला यांची जीवनगाथा रुपेरी पडद्यावर

पिंकव्हिलीच्या रिपोर्ट्सनुसार, जसमीत यांचा आगामी चित्रपट सध्या प्री - प्रॉडक्शनमध्ये आहे. या वर्षी चित्रीकरणाला सुरुवात होण्याची शक्यता आहे. हा चित्रपटातून हिंदी सिनेसृष्टीतील गोल्डन एरा दाखवण्यात येणार आहे.  या चित्रपटातून सारा अर्जूनला मधुबालांसारख्या दिग्गज अभिनेत्रीची भूमिका साकारण्याची संधी मिळणार आहे.  जी सारासाठी निश्चितच सुवर्णसंधी  आणि मोठे आव्हान ठरणार आहे. रिपोर्टनुसार, 'अष्टपैलू आणि सौंदर्याची खाण असलेली अभिनेत्री मधुबाला यांची भूमिका साकारण्यासाठी सारा अर्जूनला फिजिकल  ट्रान्सफॉर्मेशन करावं लागेल.  कॉस्ट्यूम डिटेलिंगपासून ट्रेनिंगपर्यंत, तसेच लूक टेस्टही द्यावं लागेल.  निर्माते हा लूक अचूकपणे  चित्रित करण्यासाठी कोणतीही कसर सोडत नाहीयेत'.

जसमीत रिन यांचा 'डार्लिंग्स' हा चित्रपट प्रचंड गाजला (Dhurandhar Fame Sara Arjun as Madhubala)

 

 

 

 

 

 

View this post on Instagram

 

 

 

 

 

 

 

 

 

 

 

A post shared by Sara Arjun (@saraarjunn)

या चित्रपटातून फिल्ममेकर्स  मधुबाला यांना आदरांजली देणार असल्याचं म्हटलं जात आहे.  जसमीत रिन यांनी याआधी आलिया भट्ट आणि विजय वर्मा स्टारर डार्लिंग्स चित्रपटाचे दिग्दर्शन केलं होतं.  या चित्रपटाला चांगला प्रतिसाद मिळाला होता.  नेटफ्लिक्सवर या चित्रपटाला भरपूर प्रतिसाद मिळाला. 

मधुबाला म्हणजे सौंदर्याची खाण

अभिनेत्री  मधुबाला यांनी 1950 ते 1960 चा काळ प्रचंड  गाजवला. तिच्या दिखेचक अदा आणि  सौंदर्यावर लाखो प्रेक्षक  फिदा होते.  त्या काळातील सर्वाधिक मानधन घेणारी मधुबाला पहिली अभिनेत्री ठरली होती. त्यांनी आपल्या कारकि‍र्दीत दोन दशकं  70 हून अधिक चित्रपटांमध्ये काम केलं.  मधुबाला यांनी आपल्या करिअरची सुरुवात बसंत या चित्रपटातून केलं.  हा चित्रपट 1942 रोजी रिलीज झाला होता.   त्यांनी आपल्या करिअरची सुरुवात चाइल्ड अॅक्ट्रेस म्हणून केलं होतं.  त्यांचा शेवटचा चित्रपट शराबी होता.  मधुबाला  यांचा शेवटचा चित्रपट 1964 रोजी रिलीज झाला होता. ह्रदयविकारामुळे 23 फेब्रुवारी 1969 रोजी अभिनेत्रीचं निधन झालं. 

महत्त्वाच्या इतर बातम्या: