'बड़े साहब'च्या भूमिकेत सलमान खान? धुरंधर 2 सेटवरील फोटो व्हायरल; AI की आणखी काही, नेमकं सत्य काय?
Salman Khans Viral Photo From Dhurandhar 2: सलमान खानचा धुरंधर सेटवरील फोटो सोशल मीडियावर व्हायरल झाला.
Salman Khan As ‘Bade Sahab’ In Dhurandhar 2: धुरंधर चित्रपट रिलीज झाला अन् बॉक्स ऑफिसवर अक्षरश: धुमाकूळ उडाला. या चित्रपटाला जगभरातून प्रसिद्धी मिळाली. आता या चित्रपटाचा दुसरा भाग लवकरच प्रेक्षकांच्या भेटीस येणार आहे. धुरंधर : द रिव्हेंजचा धमाकेदार टीझर रिलीज झाला आहे. या टीझरला प्रेक्षकांकडून भरभरून प्रतिसाद मिळत आहे. धुरंधर चित्रपटाच्या शेवटी 'बड़े साहब' कोण? हा प्रश्न अद्याप अनुत्तरीत आहे. दरम्यान, सोशल मीडियावर धुरंधर सेटवरील एक फोटो व्हायरल होत आहे. या व्हायरल फोटोंमध्ये अभिनेता सलमान खान दिसत आहे. सलमान खान धुरंधर चित्रपटात दिसणार का? या चित्रपटात तो 'बड़े साहब'ची भूमिका साकारणार का? असे अनेक प्रश्न उपस्थित केला जात आहे. दरम्यान, हा फोटो एआय असल्याचं बोललं जात आहे.
सोशल मीडियात धुरंधर सेटवरील फोटो व्हायरल होत आहे. या फोटोमध्ये सलमान खान दिसत आहे. सलमान खान धुरंधर चित्रपटात 'बड़े साहब'ची भूमिका साकारणार का? असे अनेक प्रश्न उपस्थित केले जात आहे. पण या फोटोमागचं सत्य पूर्णपणे वेगळं आहे. हा व्हायरल फोटो पूर्णपणे एआय - जनरेटेड असल्याची माहिती समोर आली आहे. हा फोटो देव पाल याने सोशल मीडियावर शेअर केला आहे. हा फोटो काही क्षणात समाजमाध्यमांमध्ये व्हायरल झाला आहे.
एआय क्रिएटर सध्या ट्रेंडिंग विषयावर एआय जनरेटेड फोटो आणि व्हिडिओ पोस्ट करत आहेत. हे फोटो सोशल मीडियात प्रचंड प्रमाणात व्हायरल होत आहे. देव पालने देखील एक पोस्ट शेअर केली आहे. या फोटोंमध्ये सलमान खान धुरंधरच्या सेटवर दिसत आहे.
धुरंधर 2 सेटवरील बीटीएस फोटो ऑनलाइन व्हायरल झाले आहेत. या फोटोमध्ये संजय दत्त (एसपी चौधरी अस्लम) आणि अर्जून रामपाल (आयएसआय चीफ मेजर इक्बाल) एकमेकांशी बोलत असल्याचं दिसत आहे. धुरंधर 2 चित्रकरणातील फोटो सोशल मीडियात व्हायरल झाले. दरम्यान, एआयद्वारे या फोटोला एडिट करण्यात आले. या फोटोमध्ये सलमान खानचा 'एक था टायगर' मधील लूक दिसत आहे. हा एआय फोटो काही क्षणता सोशल मीडियात व्हायरल झाला. काहींना हा फोटो खरा वाटला. सलमान खान 'बड़े साहब' आहेत का? असे अनेक प्रश्न उपस्थित करण्यात आले, तेव्हा हा फोटो एआय एडिटेड असल्याचं समोर आलं.
दरम्यान, धुरंधर चित्रपटात 'बड़े साहब' नक्की कोण? हे कदाचित धुरंधर 2 या चित्रपटातून उघड होईल.
महत्त्वाच्या बातम्या
