RRR Box Office Collection : आमिर खान अन् रजनीकांत यांच्या चित्रपटांना पछाडत आरआरआरची कोट्यवधींची कमाई; पाहा बॉक्स ऑफिस कलेक्शन

आरआरआर (RRR) या चित्रपटामध्ये आलिया भट्ट (Alia Bhatt), अजय देवगन (Ajay Devgn), ज्युनियर एनटीआर (Jr NTR) आणि राम चरण (Ram Charan) यांनी प्रमुख भूमिका साकारली आहे.

RRR Box office collection

RRR Box Office Collection : दिग्दर्शक एसएस राजामौली (S. S. Rajamouli) यांचे आरआरआर सध्या बॉक्स ऑफिसवर धुमाकूळ घालत आहे. या चित्रपटामध्ये आलिया भट्ट (Alia Bhatt), अजय देवगन (Ajay Devgn), ज्युनियर एनटीआर (Jr NTR) आणि राम चरण (Ram Charan) यांनी प्रमुख भूमिका साकारली आहे.  या चित्रपटानं 800 कोटींची कमाई केली आहे. आता या चित्रपटानं आमिर खान आणि रजनीकांत यांच्या चित्रपटाचं देखील रेकॉर्ड तोडले आहेत.  
  
एपिक पीरियड अॅक्शन ड्रामा फिल्स आरआरआरनं सोमवार (4 एप्रिल) पर्यंत 800 कोटीपेक्षा जास्त कामाई केली आहे. या चित्रपटानं आमिर खानच्या पिके आणि रजनीकांतच्या 2.0 चित्रपटाचं रेकॉर्ड तोडले आहे. ट्रेड एनालिस्ट  मनोबाला विजयबालन यांनी सोशल मीडियावर या गोष्टीची माहिती दिली. 

#RRR is now the 5th HIGHEST grossing Indian film of all time surpassing #PK movie.

— Manobala Vijayabalan (@ManobalaV) April 4, 2022

ट्रेड एनालिस्ट मनोबाला यांनी ट्वीट शेअर करून सांगितलं की, पिके चित्रपटानंतर हा भारतामधील सर्वात जास्त कमाई करणारा पाचवा चित्रपट ठरला आहे. या चित्रपटाच्या कलेक्शननं रजनिकांत यांच्या 2.0 चित्रपटाला देखील मागे टाकले आहे. 
 
आरआरआरनं 819  कोटींची कमाई केली आहे. हा चित्रपट 25 मार्च रोजी प्रदर्शित झाला होता.  हा सिनेमा तेलुगू, हिंदी,  तामिळ, मल्याळम आणि कन्नड या भाषांमध्ये प्रदर्शित झाला आहे. आंध्र प्रदेश आणि तेलंगणामध्ये 400 कोटींची कमाई करून या चित्रपटानं बाहुबली-2 या चित्रपटाचा रेकॉर्ड तोडला आहे. आंध्र प्रदेश आणि तेलंगणामध्ये या चित्रपटानं रिलीज झाल्यानंतर पहिल्याच दिवशी 73.92 कोटींची कमाई केली होती. 

संबंधित बातम्या

LIVE TV | मराठी बातम्या, ब्रेकिंग न्यूज, महाराष्ट्रासह देश-विदेशातील प्रत्येक घडामोडी पाहा लाईव्ह - ABP Majha