रितेश देशमुख डिजिटल डेब्यूसाठी सज्ज; नेटफ्लिक्सवरील Plan A Plan B चित्रपटात झळकणार
Netflix Upcoming Movies : नेटफ्लिक्सवर रितेश देशमुख आणि तमन्ना भाटिया आगामी चित्रपटात स्क्रिन शेअर करणार आहेत. या चित्रपटातून रितेश देशमुख आपला डिजिटल डेब्यू करणार आहे.
Netflix Upcoming Movies : बॉलिवूडमधील प्रसिद्ध अभिनेता रितेश देशमुख नेटफलिक्सवरुन आपला डिजिटल डेब्यू करणार आहे. रितेश आगामी चित्रपटप्लान ए प्लान बी (Plan A Plan B) मध्ये दिसून येणार आहे. हा चित्रपट लवकरच नेटफ्लिक्सवर प्रदर्शित करण्यात येणार आहे. या चित्रपटात रितेशसोबत अभिनेत्री तमन्ना भाटिया स्क्रिन शेअर करणार आहे. या चित्रपटात दिग्दर्शन शशांक घोष करणार आहे.
शशांक घोष कार्तिक आर्यनच्या येणाऱ्या 'फ्रेडी' या आगामी चित्रपटाचं दिग्दर्शनसुद्धा करत आहेत. Plan A आणि Plan B या चित्रपटाची पटकथा रजत अरोरा यांनी लिहिली आहे. लेखकासोबत या सिनेमाचं निर्मितीसुध्दा रजत अरोरा करणार आहेत. याशिवाय रजत अरोरा यांनी बॉलीवूडमधील 'वन्स अपॉन अ टाईम इन मुंबई' , 'द डर्टी पिक्चर', 'किक' आणि 'गब्बर इज बॅक' यांसारख्या ब्लॉकबस्टर चित्रपटांची पटकथाही त्यांनी लिहिली आहे.
View this post on Instagram
रितेश आणि तमन्नासोबत पूनम ढिल्लन आणि कुशा कपिला देखील या चित्रपटात भूमिका साकारणार आहेत. नेटफ्लिक्सनं इंस्टाग्राम अकाउंटवरुन पोस्ट करत या चित्रपटातील काही दृश्य शेअर केली आहेत. चित्रपटाचं कथानक काहीशी वेगळी आहे. यामध्ये एकमॅचमेकर आहे. ज्याला असं वाटतं की, त्याच्याशिवाय सर्वांचं लग्न होणार आहे. दुसरीकडे एक यशस्वी डिवोर्स लॉयर आहे, ज्याचं एक सीक्रेट आहे. याच मुख्य भूमिका रितेश आणि तमन्ना साकारणार आहेत. ज्यावेळी या दोन व्यक्ती भेटणार तेव्हा काय होणार? यावर चित्रपटाची कथा अवलंबून आहे. अद्याप या चित्रपटाची रिलीज डेट जाहीर करण्यात आलेली नाही. पण प्रदर्शनापूर्वीच या चित्रपटाबाबत चर्चा सुरु झाल्या आहेत.
रितेशनं सांगितलं चित्रपटाबाबतचं मत
रितेश देशमुखनं आपल्या इन्स्टाग्राम अकाउंटवर चित्रपटातील काही फोटो शेअर करत चित्रपटाची एक झलक प्रेक्षकांसोबत शेअर केली आहे. त्यानं कॅप्शनमध्ये 'मी खूप खूश आहे कारण आगामी चित्रपट प्लान ए प्लान बी याचा एक भाग आहे. तसेच मी माझ्या डिजिटल डेब्यूबाबतही खूप उत्सुक आहे. दिग्दर्शक शंशांकसोबत काम करणं खरंच खूप मजेशीर होतं. यामधील मला सर्वात आवडलेली गोष्ट म्हणजे, या चित्रपटाची पटकथा आणि आगळीवेगळी लव्ह स्टोरी आहे"
महत्त्वाच्या इतर बातम्या :
महत्त्वाच्या बातम्या
