धुरंधर 2चा बॉक्स ऑफिसवर धडाका; दुसऱ्या दिवशी 21% घट, तरी 200 कोटी पार, चित्रपटाची स्टोरी काय?
Dhurandhar: The Revenge Roars at Box Office: धुरंधर २ या चित्रपटाने दुसऱ्या दिवशी 200 कोटींचा टप्पा पार केला.
Dhurandhar 2 Continues Strong Run Despite Day 2: धुरंधरनंतर आता या चित्रपटाच्या सिक्वेल बॉक्स ऑफिसवर अक्षरश: धुमाकूळ घातला आहे. धुरंधर द:रिवेंजने धुवांधार कमाईला देखील सुरुवात केली आहे. देशातील चौथ्या सर्वाधिक ओपनिंग डेचा विक्रम आपल्या नावे करत, रणवीर सिंहच्या या चित्रपटाने दोन दिवसांत 200 कोटींचा टप्पा ओलांडला आहे. दुसऱ्या दिवशी चित्रपटाचा वेग थोडा मंदावला असला तरी, लवकरच हा चित्रपट इतिहास रचेल एवढं मात्र नक्की. मीडिया रिपोर्ट्सनुसार, या चित्रपटाने दुसऱ्या 80 कोटींहून अधिक रुपये कमावले आहे. या चित्रपटाचे एकूण वर्ल्डवाईड कलेक्शन 269.39 कोटी रुपयांवर पोहोचला आहे. धुरंधरचीही घौडदौड थांबत नसल्याचं चित्र आता दिसत आहे.
18 मार्च रोजी प्रीव्ह्यू शोसह हा चित्रपट प्रदर्शित झाला होता. पेड प्रीव्ह्यू शोमध्ये या चित्रपटाने इतिहास रचला. धुरंधर 2 या चित्रपटाने प्रीव्ह्यू शोमध्ये तब्बल 43 कोटींची कमाई केली. तसेच ओपनिंग डेला 100 कोटींहून अधिक कमाई केली. दुसऱ्या दिवशीही चित्रपटाने डंका गाजवला. पण दुसऱ्या दिवशी बॉक्स ऑफिस कलेक्शनमध्ये 21.3% घट झाली असल्याची माहिती आहे. दरम्यान, विकेंडला या चित्रपटाला किती कोंटीचा फायदा होतो? हे पाहणं महत्त्वाचं ठरेल.
धुरंधर: द रिव्हेंजमध्ये रणवीर सिंहने भारतीय गुप्तहेर हमजा अली मझारीची भूमिका साकारली आहे. ज्याचा भूतकाळ जसकिरत सिंह रंगी म्हणून दाखवण्यात आला आहे. पाकिस्तानी गुंड रहमान डकैतला संपवल्यानंतर हमजा लियारीचा कारभार सांभाळतो. आपल्या देशावरील हल्ल्यांचा एक - एक करुन बदला घेतो. हा चित्रपट आपल्याला शेवटपर्यंत खिळवून ठेवतो. या चित्रपटात राकेश बेदी, अर्जून रामपाल, संजय दत्त, सारा अर्जून, दानिश पंडोर आणि दानिश इकबाल या कलाकारांनी उत्तम व्यक्तीरेखा साकारली आहे.
सॅकनिल्कच्या रिपोर्ट्सनुसार, धुरंधर या चित्रपटाने दुसऱ्या दिवशी 20,125 शोमधून 80.72 कोटी रुपये कमावले आहेत. दरम्यान, पहिल्या दिवसाच्या तुलनेत दुसऱ्या दिवशी चित्रपटाच्या कमाईत 21.3 टक्क्यांनी घट झाली आहे. आदित्य धरने धुरंधर 2 संपूर्ण भारतात प्रदर्शित केला. हिंदीसह 5 भाषांमध्ये हा चित्रपट प्रदर्शित झाला. दुसऱ्या दिवसाच्या चित्रपटाच्या कमाईला ब्रेकडाऊन केले तर, हिंदीतून धुरंधर 2 चित्रपटाला 78.94 कोटींची कमाई केली. तर, कन्नडमधून 3 लाख रुपये. मल्याळममधून 1 लाख. तामिळमधून 44 लाख. तर, तेलुगुमधून चित्रपटाने 1.30 कोटींची कमाई केली आहे. तर, ओपनिंग डेला हिंदी वर्जनने सर्वाधिक 99.10 कोटींची कमाई केली.
दरम्यान, धुरंधर चित्रपटाचे तिकिटे महाग असूनही, हा चित्रपट सिनेमागृहात गर्दी खेचण्यास यशस्वी ठरला आहे.
महत्त्वाच्या बातम्या
