Ranbir Kapoor Bought Property In Ayodhya: 'मी केवळ त्या हाकेला साद दिलीय...', रणबीर कपूरचा रामनगरी अयोध्येत कोट्यवधींचा व्यवहार
Ranbir Kapoor Bought Property In Ayodhya: अभिनेता रणबीर कपूर यानं प्रभू श्रीरामांचं जन्मस्थान असलेल्या अयोध्येमध्ये जमिनीचा एक भूखंड खरेदी केलाय.
Ranbir Kapoor Bought Property In Ayodhya: बॉलिवूड (Bollywood News) अभिनेता रणबीर कपूर (Ranbir Kapoor) सध्या त्याचा आगामी सिनेमा, 'रामायणम्' (Ramayana) सिनेमामुळे चर्चेत आहे. या चित्रपटाचे दिग्दर्शन नितेश तिवारी (Nitesh Tiwari) यांनी केलं आहे. या सिनेमात तो प्रभू श्रीराम (Prabhu Shree Ram) यांची भूमिका साकारणार असून, साई पल्लवी (Sai Pallavi) देवी सीतेच्या भूमिकेत दिसणार आहे. गेल्या काही काळापासून रणबीर कपूर या सिनेमामुळे व्यस्त आहे. दरम्यान, सिनेमा प्रदर्शित होण्यापूर्वीच, रणबीर कपूरनं असं एक पाऊल उचललं आहे, ज्यामुळे सर्वजण थक्क झाले आहेत.
अभिनेता रणबीर कपूर यानं प्रभू श्रीरामांचं जन्मस्थान असलेल्या अयोध्येमध्ये जमिनीचा एक भूखंड खरेदी केलाय. त्यानं ही मालमत्ता 'अभिनंदन लोढा' यांच्या 'हाऊस ऑफ अभिनंदन लोढा' (HoABL) या संस्थेच्या 'द सरयू' (The Saryu) नावाच्या एका प्रतिष्ठित रिअल इस्टेट प्रकल्पांतर्गत खरेदी केली आहे. हा भूखंड 2,134 चौरस फूट क्षेत्रफळाचा आहे.
'हिंदुस्तान टाइम्स'च्या एका वृत्तानुसार, या मालमत्तेचं मूल्य 3.31 कोटी रुपये इतकं आहे. हा प्रकल्प अयोध्येमध्ये, शरयू नदीच्या काठावर 75 एकरांच्या विस्तीर्ण परिसरात विस्तारलेला, ऐश्वर्य आणि आध्यात्म यांचा एक भव्य संगम दर्शवतो. या स्थळाचं एक वैशिष्ट्य म्हणजे, आधुनिक सुखसुविधा पुरवण्यासोबतच, इथे 'द लीला' (The Leela) समूहाद्वारे संचालित पाच एकरांवर विस्तारलेलं, केवळ शाकाहारी भोजन उपलब्ध असलेलं एक आलिशान हॉटेलही असेल.
अयोध्येत जमीन खरेदी करण्याच्या आपल्या निर्णयानंतर रणबीर कपूर फारच इमोशनल झालाय. त्यानं म्हटलंय की, "माझा असा विश्वास आहे की, अयोध्येनंच माझी निवड केलीय आणि मी केवळ त्या हाकेला साद दिलीय... हे शहर आपल्या ऐतिहासिक मुळांचा आणि सांस्कृतिक जडणघडणीचा अत्यंत महत्त्वाचा भाग आहे..."
दरम्यान, रणबीर कपूर आता रुपेरी पडद्यावरही प्रभू श्रीरामांची भूमिका साकारणार आहे. नितेश तिवारी दिग्दर्शित आगामी 'रामायण' हा सिनेमा भारतीय सिनेसृष्टीच्या इतिहासातील सर्वात भव्य प्रकल्पांपैकी एक असून, त्याचं अंदाजे बजेट सुमारे 4,000 कोटी रुपये असल्याचं सांगितलं जातंय. रणबीरसोबतच, या सिनेमात यश (रावणाच्या भूमिकेत), साई पल्लवी (सीता मातेच्या भूमिकेत), सनी देओल (हनुमानाच्या भूमिकेत) आणि रवी दुबे (लक्ष्मणाच्या भूमिकेत) यांसारख्या दिग्गज कलाकारांचा समावेश असेल.
महत्त्वाच्या इतर बातम्या :
महत्त्वाच्या बातम्या
