Ramayana Makers To Take Big Step For Sai Pallavi: साई पल्लवीचा आमीरच्या लेकासोबतचा 'एक दिन' आपटला, तिकडे 'रामायण'च्या मेकर्सना घाम फुटला; सीता मातेच्या भूमिकेबाबत मोठा निर्णय घेणार?
Ramayana Makers To Take Big Step For Sai Pallavi: 'रामायणम्'च्या निर्मात्यांची साई पल्लवीच्या हिंदी शब्दांच्या उच्चारावरुन डोकेदुखी वाढली आहे.
Ramayana Makers To Take Big Step For Sai Pallavi: नितेश तिवारी (Nitesh Tiwari) यांच्या 'रामायणम्' (Ramayanam) सिनेमात माता सीतेची भूमिका साकारणारी साई पल्लवी (Sai Pallavi) सध्या सोशल मीडियावर चर्चेत आहे. 'रामायणम्' सिनेमाचे निर्माते साई पल्लवीचा (Actress Sai Pallavi) आवाज डब (Dubing) करुन घेण्याचा विचार करत असल्याचं समोर आलं आहे. 'रामायणम्'च्या निर्मात्यांची साई पल्लवीच्या हिंदी शब्दांच्या उच्चारावरुन डोकेदुखी वाढली आहे. अलिकडेच साई पल्लवी आणि बॉलिवूडचा (Bollywood News) मिस्टर परफेक्शनिस्ट आमीर खानच्या लेकासोबतचा 'एक दिन' सिनेमा (Ek Din Movie) आलेला. पण, हा सिनेमा बॉक्स ऑफिसवर (Ek Din Box Office Collection) सपशेल आपटला. याच सिनेमातल्या तिच्या हिंदी उच्चारांवरुन तिला ट्रोल केलं जात आहे. त्यामुळेच आता तिचा आगामी सिनेमा 'रामायणम्'चे मेकर्स तिच्या आवाजाचं डबिंग करण्याचा विचार करत आहेत.
रणबीर कपूरची (Ranbir Kapoor) मुख्य भूमिका असलेल्या आगामी सिनेमात 'सीता' हे पात्र साकारणारी अभिनेत्री साई पल्लवी सध्या 'एक दिन'मधील तिच्या हिंदी उच्चारांमुळे टीकेची धनी ठरली आहे. 1 मे रोजी प्रदर्शित झालेल्या या सिनेमात जुनैद खाननंही मुख्य भूमिका साकारली आहे. पण, हा सिनेमा बॉक्स ऑफिसवर आपली छाप पाडण्यात अपयशी ठरला. स्पष्टच बोलायचं झालं तर, हा सिनेमा पूर्णपणे आपटला. या पार्श्वभूमीवर, 'रामायणम्'चे निर्माते साई पल्लवीबाबत एक मोठा निर्णय घेण्याच्या तयारीत असल्याचं वृत्त आहे.
एबीपी न्यूजनं दिलेल्या एका वृत्तानुसार, 'रामायणम्'चे निर्माते साई पल्लवीचे सर्वच्या सर्व डायलॉग्ज डब करून घेण्याचा विचार करत आहेत. मीडिया रिपोर्टनुसार, 'रामायणम्'मधील भाषा अधिक अस्सल वाटावी, हे सुनिश्चित करण्यासाठी मेकर्सनी हे पाऊल उचलण्याचा निर्णय घेतल्याचं सांगितलं जात आहे. या निर्णयामागे आणखी एक कारण असल्याचं सांगितलं जातंय, ते म्हणजे साई पल्लवी या सिनेमात 'सीता' हे पात्र साकारतेय आणि या पात्रासाठी योग्य हिंदी उच्चार असणं अत्यंत आवश्यक आहे. दरम्यान, या संपूर्ण प्रकरणाबाबत अद्याप कोणतीही अधिकृत माहिती समोर आलेली नाही.
View this post on Instagram
'एक दिन'च्या प्रमोशनदरम्यान साई पल्लवी टीकेची धनी
'एक दिन' सिनेमाच्या प्रमोशनदरम्यानदरम्यान साई पल्लवीचे काही व्हिडीओ सोशल मीडियावर व्हायरल झाल्यानंतर, तिचं हिंदी बोलणं ऐकून नेटकऱ्यांनी नाराजी व्यक्त केलीय. एका युजरनं ट्विटरवर लिहिलंय की, "भेटा साई पल्लवीला : तिला हिंदीचे अगदी साधे शब्दही बोलता येत नाहीत... आणि आता, ती 'रामायण'मध्ये सीता मातेची भूमिका साकारणार आहे..." दुसऱ्या एका युजरनं लिहिलंय की, "मला असं वाटतंय की, साई पल्लवीनं हा सिनेमा केवळ 'रामायण'मधील सीतेच्या आगामी भूमिकेसाठी आपले हिंदी उच्चार सुधारण्याच्या उद्देशानंच स्विकारलाय..."
नितेश तिवारींच्या कास्टिंगवर प्रश्न उपस्थित
एका युजरनं तर कमेंट करत नितेश तिवारी यांच्या कास्टिंगवर प्रश्न उपस्थित केलेत. त्यानं लिहिलंय की, ""नितेश तिवारी यांनी सीता मातेच्या भूमिकेसाठी साई पल्लवीची निवड का केली? अशा व्यक्तीची, जिला धड हिंदीही बोलता येत नाही? ही निवड अत्यंत निराशाजनक आहे." दरम्यान, 'एक दिन' या सिनेमाबद्दल बोलायचं झाल्यास, या सिनेमानं देशांतर्गत केवळ 5.2 कोटी आणि जगभरात 5.47 कोटींची कमाई केली आहे..."
मीडिया रिपोर्टनुसार, साई पल्लवीच्या आधी 4 हजार कोटींच्या 'रामायणम्'मध्ये आलिया भट्ट सीता मातेची भूमिका साकारणार होती. पण, डेट्स नसल्यामुळे आलिया भट्टनं प्रोजेक्ट सोडून दिला.
'रामायणम्' सिनेमात साई पल्लवी सीता मातेची भूमिका साकारणार आहे, तर रणबीर कपूर रामाच्या भूमिकेत दिसणार आहे. या सिनेमात यश रावणाचं पात्र साकारणार आहे. 'रामायणम् पार्ट 1' या दिवाळीला थिएटर्समध्ये प्रदर्शित होणार आहे, तर दुसरा भाग दिवाळी 2027 मध्ये प्रदर्शित होईल. या सिनेमाचं बजेट अंदाजे 4,000 कोटी रुपये आहे.
महत्त्वाच्या इतर बातम्या :
Before You Go
Arjun Tendulkar Weds Saaniya Chandhok : अर्जुन-सानिया लग्नबंधनात ! स्टायलिश लूकने वेधलं लक्ष
महत्त्वाच्या बातम्या
