Jai Shree Ram Song : दिवाळीपूर्वीच अक्षय कुमारच्या 'राम सेतू' मधील 'जय श्री राम' गाणं रिलीज; 25 ऑक्टोबरपासून चित्रपट प्रेक्षकांच्या भेटीला

Jai Shree Ram Song : अक्षय कुमारच्या आगामी 'राम सेतू' चित्रपटातील 'जय श्री राम' हे गाणे रिलीज झाले आहे. गाण्याचे बोलही भगवान रामाची प्रतिमा डोळ्यांसमोर ठेवून लिहिण्यात आले आहेत.

Jai Shree Ram Song

Jai Shree Ram Song : अक्षय कुमारच्या (Akshay Kumar) आगामी 'राम सेतू' (Ram Setu) चित्रपटातील 'जय श्री राम' (Jai Shree Ram Song) हे गाणं रिलीज झाले आहे. विक्रम मॉन्ट्रोज यांनी संगीतबद्ध केलेले आणि गायलेले, हे गाणे शेखर अस्तित्व यांच्या गीतांसह एक भन्नाट ऊर्जा देणारं भक्ति गीत आहे. चित्रपटाच्या थीमला साजेसं असं हे गाणं आहे. गाण्याचे बोलही भगवान रामाची प्रतिमा डोळ्यांसमोर ठेवून लिहिण्यात आले आहेत. हे गाणं म्हणजे या दिवाळीत राम भक्तांसाठी मनोरंजनाची पर्वणीच असणार आहे.   

राम-सेतू चित्रपटाचा ट्रेलर जेव्हा प्रदर्शित करण्यात आला तेव्हा या गाण्याचा काही भाग ट्रेलरमध्ये दिसला होता. या चित्रपटाच्या गाण्यात बहुतेक संस्कृत शब्द वापरले आहेत. त्यानुसार हे संगीत फार लाऊड म्युझिकचं आहे. गाण्यातील दृष्यांच्या माध्यमातून अक्षय कुमार राम सेतूचे पुरावे गोळा करण्यात कसा गुंतला आहे आणि ते गोळा करताना त्याला कोणत्या समस्यांना सामोरे जावे लागते हे दाखवण्यात आले आहे. यामध्ये त्याला अभिनेत्री जॅकलिन फर्नांडिसचीही साथ आहे.

पाहा व्हिडीओ : 

बॉक्स ऑफिसवर टक्कर

या चित्रपटाची टक्कर अजय देवगण, सिद्धार्थ मल्होत्रा ​​आणि रकुल प्रीत सिंग स्टारर 'थँक गॉड' या चित्रपटाशी होणार आहे. या संदर्भात फिल्म ट्रेड अनालिस्ट तरण आदर्श (Taran Adarsh) यांनी यापूर्वी सांगितले होते की, संघर्ष असूनही दोन्ही चित्रपटांना बॉक्स ऑफिसवर दमदार ओपनिंग मिळण्याची अपेक्षा आहे. ते म्हणाले, “अजय आणि अक्षय दोघेही ए-लिस्टर आहेत. या दोघांचाही चाहता वर्ग मोठा आहे. त्यामुळे दिवाळीमुळे चित्रपटाला चांगली सुरुवात झाली पाहिजे असे मला वाटते, पण शेवटी हे सर्व आशयावर अवलंबून असेल."

ट्रेड एक्सपर्ट गिरीश जोहर यांनी भविष्यवाणी दिली होती की, राम सेतू 16-18 कोटींत ओपनिंग करू शकेल. चित्रपट वितरक अक्षय राठी यांनी सांगितले की, “दिवाळी दोन सुपरस्टार चित्रपटांना सहज सामावून घेऊ शकते. याशिवाय मध्यम आणि लघुपट देखील प्रेक्षकांना भुरळ घालणारा हा काळ आहे. हा असा काळ आहे ज्या दरम्यान लोक आपल्या मित्र परिवाराबरोबर, कुटुंबियांबरोबर मोठ्या प्रमाणात बाहेर जातात, चित्रपट पाहतात. त्यामुळे लोकांना चित्रपट निवडण्याबाबत चॉईस दिली पाहिजे."

अक्षयसोबत राम सेतू या चित्रपटात सत्य देव, जॅकलीन फर्नांडिस, नुसरत भरुचा, नसीर, प्रवेश राणा आणि जेनिफर पिकिनाटो यांच्याही भूमिका आहेत. या चित्रपटाचे दिग्दर्शन द झोया फॅक्टर आणि तेरे बिन लादेन फेम अभिषेक शर्मा यांनी केले आहे. राम सेतू 25 ऑक्टोबरला सिनेमागृहात रिलीज होणार आहे.

महत्वाच्या बातम्या :