Raja Shivaji: 'देऊळ बंद 2'ची टक्कर, तरीही 'राजा शिवाजी' सिनेमाची जादू कमी होईना; 29 व्या दिवशी किती कमावले?
Raja Shivaji Box Office Collection: 'राजा शिवाजी' सिनेमाची 29 व्या दिवशीही सिनेमागृहात जलवा कायम.
Raja Shivaji Box Office Collection Day 29: रितेश देशमुख (Riteish Deshmukh) दिग्दर्शित 'राजा शिवाजी' (Raja Shivaji) सिनेमानं चित्रपटगृहात (Box Office Collection) धुमाकूळ घातला आहे. हा ऐतिहासिक सिनेमा (Entertainment) रिलीज होऊन महिना उलटला तरीही या सिनेमाची क्रेझ काही कमी होईना. 'राजा शिवाजी' सिनेमाचं चित्रपटगृहातील वादळ काही शमेना. या अॅक्शन ड्रामा सिनेमानं मराठी सिनेसृष्टीतील अनेक रेकॉर्ड्स मोडले आहेत. 1 मे 2026 रोजी हा सिनेमा रिलीज झाला होता. या सिनेमाला रिलीज होऊन 4 महिने उलटले आहेत. अनेक विक्रम मोडीत केल्यानंतर हा सिनेमा आता पाचव्या आठवड्यात यशस्वीरित्या प्रवेश करीत आहे. चित्रपटाचे प्रदर्शनाचे चार आठवडे खूपच यशस्वी ठरले आहेत. दरम्यान, 29 व्या दिवशी 'राजा शिवाजी' या सिनेमानं किती कोटींचे बॉक्स ऑफिस कलेक्शन केले? जाणून घेऊयात.
'राजा शिवाजी' सिनेमानं किती कोटींचे बॉक्स ऑफिस कलेक्शन केले? (Raja Shivaji crosses 103 crore at box office)
'राजा शिवाजी' हा सिनेमा चित्रपटगृहांमध्ये रिलीज होऊन जवळपास एक महिना उलटला आहे. सॅकनिल्कच्या सुरुवातीच्या ट्रेंड डेटानुसार, या सिनेमानं प्रदर्शनाच्या 29 व्या दिवशी भारतात 35 लाखांचं बिझनेस केला आहे. तसेच कोईमोईच्या आकडेवारीनुसार, 'राजा शिवाजी' या चित्रपटानं 28 व्या दिवशी 45 लाख रुपयांची कमाई केली आहे. चौथ्या गुरुवारी ईदची सुट्टी असल्याकारणाने या सिनेमाला फायदा झाला.
दरम्यान, 'राजा शिवाजी' या सिनेमाची आता 'देऊळ बंद 2' या चित्रपटाशी कॉम्पिटिशन सुरू आहे. 'देऊळ बंद 2' हा सिनेमा 21 मे 2026 रोजी सिनेमागृहात रिलीज झाला होता. एका आठवड्यात या सिनेमानं बक्कळ कमाई केली. या सिनेमाचं नाव सध्या सुपरहिटच्या यादीमध्ये आहे. दरम्यान, याचा थेट परिणाम 'राजा शिवाजी' या सिनेमाच्या कमाईवर झाला.
रितेश देशमुख अभिनीत आणि दिग्दर्शित 'राजा शिवाजी' चे बजेट 75 कोटी रुपये असल्याचं सांगितलं जात आहे. मीडिया रिपोर्ट्सनुसार, 28 दिवसांत भारतात या सिनेमानं 103.15 कोटी रुपयांचे बॉक्स ऑफिस कलेक्शन केले आहे. म्हणजेच, चित्रपट निर्मात्यांनी प्रदर्शनानंतरच्या चार आठवड्यात 28.15 कोटी रुपयांचे प्रॉफिट कमावले आहे. महाराष्ट्राचे आराध्य दैवत छत्रपती शिवाजी महाराज यांच्या शौर्य गाथेवर आधारीत या सिनेमाला भारतात प्रचंड यश मिळालं.
महत्त्वाच्या इतर बातम्या:
ABP माझाच्या बातम्या LIVE..
महत्त्वाच्या बातम्या
