Raja Shivaji Box Office Collection: ‘राजा शिवाजी’चा भगवा बॉक्स ऑफिसवर दिमाखात फडकतोय, नवव्या दिवशी मुसंडी मारत जबरदस्त कमाई, अर्ध्याहून अधिक बजेट काढलं
गेल्या दोन-तीन दिवसांपासून या चित्रपटाच्या कमाईत काहीशी घट दिसून येत असली तरी वीकेंडला मुसंडी मारून परत 'राजा शिवाजी' ने (Raja Shivaji) कमाईचा नवा आकडा गाठलाय.
Raja Shivaji Box office collection: राजा शिवाजीचा बॉक्स ऑफिसवरील विजयाचा झेंडा दिवसेंदिवस अधिक उंचावताना दिसत आहे. नवव्या दिवशी चित्रपटाने पुन्हा एकदा जोरदार मुसंडी मारत कोट्यवधींची कमाई केली असून, अवघ्या काही दिवसांतच चित्रपटाने आपल्या एकूण बजेटपैकी अर्ध्याहून अधिक रक्कम वसूल केलीय. 100 कोटींचं बजेट असलेल्या या चित्रपटाने भारतभरात 76.42 कोटीं रुपयांची कमाई केलीय. 'राजा शिवाजी' या रितेश देशमुख (Riteish Deshmukh) दिग्दर्शित आणि अभिनित चित्रपटाने पहिल्याच आठवड्यात बॉक्स ऑफिसवर विक्रमी कमाई (Box Office Collection) करत दमदार सुरुवात केली होती. छत्रपती शिवाजी महाराजांच्या जीवनावर आधारित असलेल्या या शौर्य पटाने प्रेक्षकांची मने जिंकली आहेत. गेल्या दोन-तीन दिवसांपासून या चित्रपटाच्या कमाईत काहीशी घट दिसून येत असली तरी वीकेंडला मुसंडी मारून परत 'राजा शिवाजी' ने (Raja Shivaji) कमाईचा नवा आकडा गाठलाय.
दमदार कथानक, तगडी स्टारकास्ट, अजय अतुलचे अंगावर शहारे आणणार संगीत अशा अनेक कारणांमुळे आत्तापर्यंतचा सर्वाधिक कमाई करणाऱ्या चित्रपटांच्या रांगेत दुसऱ्या स्थानावर ' राजा शिवाजी ' पोहोचलाय . केवळ वीकेंडलाच नाही तर वीकडेजमध्ये हा चित्रपट चांगली कमाई करताना दिसतोय.
दुसऱ्या शनिवारी ‘राजा शिवाजी’ची मुसंडी
दुसऱ्या आठवड्यात अनेक स्क्रीन आणि शो कमी झाल्यानंतर शुक्रवारी चित्रपटाच्या कमाईत अपेक्षित घट दिसून आली होती. मात्र शनिवारी चित्रपटाने पुन्हा एकदा जोरदार कमबॅक केलं. सकाळच्या शोमध्ये 23 टक्के ऑक्युपन्सी नोंदवणाऱ्या चित्रपटाने दुपारच्या शोमध्ये थेट 40 टक्क्यांपर्यंत झेप घेतली. संध्याकाळच्या शोमध्ये ही संख्या 46 टक्क्यांपर्यंत पोहोचली, तर रात्रीच्या शोमध्ये ऑक्युपन्सी 50 टक्क्यांहून अधिक गेल्याची माहिती समोर आली आहे.
9 दिवसांत किती कमाई?
सॅकनिल्कच्या अहवालानुसार, आतापर्यंत ' राजा शिवाजी' या चित्रपटाने भारतीय बॉक्स ऑफिसवर 64.43 कोटी रुपयांची नेट कमाई केली आहे. तर ग्रॉस कलेक्शन 76.42 कोटी रुपयांपर्यंत पोहोचलं आहे.
पहिला आठवडा 52.65 कोटी
दिवस 8 – 3.20कोटी
दिवस 9 – 5.60 कोटी
एकूण – 76.42 कोटी (ग्रॉस )
मराठी चित्रपटसृष्टीतील दुसऱ्या क्रमांकाचा सर्वाधिक कमाई करणारा चित्रपट
सध्या ‘राजा शिवाजी’ हा मराठीतील सर्वाधिक कमाई करणाऱ्या चित्रपटांच्या यादीत दुसऱ्या क्रमांकावर पोहोचला आहे. दुसऱ्या क्रमांकावर असलेल्या बाई पण भारी देवा या चित्रपटाने 76.28 कोटींची कमाई केली होती. ‘राजा शिवाजी’ने धडाक्यात हा विक्रम मोडला आहे.
1. सैराट – 90 कोटी
2. बाई पण भारी देवा – 76.28 कोटी
3. राजा शिवाजी – 64.43 कोटी (9 दिवस)
4. वेड – 61.2 कोटी
5. नटसम्राट – 42 कोटी
6. पावनखिंड – 37.72 कोटी
7. लई भारी – 37 कोटी
8. कट्यार काळजात घुसली – 35 कोटी
9. ठाकरे – 31.6 कोटी
10. टाइमपास – 30 कोटी
हेही वाचा:
महत्त्वाच्या बातम्या
