Saami Saami Song : 'सामी सामी'चं मराठी व्हर्जन; चिमुकलीनं गायलेलं हे गाणं ऐकलं का?

'सामी सामी' (Saami Saami Song) या गाण्याचं मराठी व्हर्जन सोशल मीडियावर व्हायरल होत आहे.  

Pushpa The Rise,Saami Saami Song

Saami Saami Song : प्रसिद्ध स्टार अल्लू अर्जुनच्या (Allu Arjun) 'पुष्पा: द राइज' (Pushpa : The Rise) या चित्रपटानं बॉक्स ऑफिसवर धुमाकूळ घातला. हा चित्रपट अॅमेझॉन प्राइम व्हिडिओवर 14 जानेवारी रोजी हिंदी भाषेत प्रदर्शित झाला आहे. तर 7 जानेवारी रोजी हा सिनेमा  तमिळ, मल्याळम आणि कन्नड भाषेत प्रदर्शित झाला. या चित्रपटामधील गाण्यांना प्रेक्षकांची विशेष पसंती मिळाली. सामी सामी असो किंवा श्रीवल्ली या चित्रपटातील प्रत्येक गाण्यानं प्रेक्षकांचं मन जिंकलं. या गाण्यांचे हिंदी व्हर्जन तुम्ही ऐकलं असेल पण सध्या 'सामी सामी' या गाण्याचं मराठी व्हर्जन सोशल मीडियावर व्हायरल होत आहे.  

अनन्या मंगेश मोहोड या चिमुकलीनं सामी सामी या गाण्याचं मराठी व्हर्जन गायलं आहे. श्रीनिवास मोहोड यांनी हे गाणं लिहिले आहेत. एका यूट्यूब चॅनलनं हा व्हिडीओ शेअर केला असून या व्हिडीओला नेटकऱ्यांची पसंती मिळाली आहे. व्हिडीओला कमेंट करून अनेकांनी अनन्याचं कौतुक केलं आहे. 

सामी सामी हे ओरिजनल गाणं राजलक्ष्मी सेंतीगणेश यांनी गायलं आहे. गाण्यामधील अभिनेत्री रश्मिक मंदना आणि अभिनेता अल्लू अर्जुन यांच्या डान्सला प्रेक्षकांची पसंती मिळाली होती. अल्लू अर्जुन आणि रश्मिका मंदाना यांच्यासोबतच फहाद फासिलने देखील  'पुष्पा' या चित्रपटात प्रमुख भूमिका साकारली आहे. 

हेही वाचा :

LIVE TV | मराठी बातम्या, ब्रेकिंग न्यूज, महाराष्ट्रासह देश-विदेशातील प्रत्येक घडामोड पाहा लाईव्ह - ABP Majha