Pravin Tarde On Deool Band Trolling Posts: 'एका बॉलीवूड स्टारचं नाव काय घेतलं तुमच्या..' प्रवीण तरडेंचा इंडस्ट्रीतील लेखक दिग्दर्शकांवर संताप; video करत थेट सुनावलं,म्हणाले..
या सगळ्यावर आता प्रवीण तरडेंनी ट्रोलर्सला आणि मराठी मनोरंजनसृष्टीतील काही लेखक दिग्दर्शकांना स्पष्ट शब्दात सुनावलं आहे.
Pravin Tarde on Deool Band Trolling Shahrukh Khan: प्रवीण तरडे दिग्दर्शित 'देऊळ बंद 2:आता परीक्षा देवाची ' (Deool Band 2) चित्रपट बॉक्स ऑफिसवर धुमाकूळ घालतोय. गेल्या काही दिवसांपासून या चित्रपटाची प्रचंड चर्चा आहे. दिग्दर्शक प्रवीण तरडे (Pravin Tarde) यानिमित्ताने गावागावात फिरताना दिसतात. 21 मे रोजी प्रदर्शित झालेल्या या चित्रपटाने 80 कोटींचा टप्पा ओलांडलाय. दरम्यान, काही दिवसांपूर्वी 'देऊळ बंद 2 'चित्रपटासंदर्भात दिलेल्या एका मुलाखतीत दिग्दर्शक प्रवीण तरडे यांनी बॉलीवूड किंग शाहरुख खानने (Shahrukh Khan)चित्रपटाला कशी मदत केली, असं सांगितल्यानंतर अनेकांनी त्याबाबतीत पोस्ट लिहिल्या. अनेकांनी सोशल मीडियावर चित्रपटाला आणि प्रवीण तरडे यांना ट्रोल करण्यास सुरुवात केली. मात्र, या सगळ्यावर आता प्रवीण तरडेंनी ट्रोलर्सला आणि मराठी मनोरंजनसृष्टीतील काही लेखक दिग्दर्शकांना स्पष्ट शब्दात सुनावलं आहे. सोशल मीडियावर व्हिडिओ करत सगळ्यांचीच खरडपट्टी त्यांनी काढली.
नेमकं काय म्हणाले प्रवीण तरडे?
दिग्दर्शक प्रवीण तरडे म्हणाले ' 'रामराम. मी प्रवीण विठ्ठल तरडे. गेल्या 29 दिवसांपासून ' देऊळ बंद 2: आता परीक्षा देवाची' चित्रपटासाठी अख्खा महाराष्ट्रभर मी फिरतोय. उन्हातान्हात,पावसात, मध्यरात्री, पहाटे, दिवसा.. तुम्ही माझ्या सगळ्यां वेळांना व्हिडिओ पाहिलेत. विदर्भ, खानदेश, पश्चिम महाराष्ट्र, पुणे ,मुंबई, ठाणे, सगळं झालं. दिवस रात्र फिरलो ना.. अमरावती, एरंडोल, पाचोरा, पारोळा, चाळीसगाव, मालेगाव, जळगाव, नाशिक ,शिर्डी.. सगळं फिरलो की.. उन्हातानात 48 डिग्रीत.. तेंव्हा तुम्ही कोणीही कुठल्या पोस्ट नाही टाकल्या हो. कुणी तेव्हा कोणी लिहिलं नाही. माझ्या मराठी फिल्म इंडस्ट्रीतील दिग्गजांनीही...एका बॉलीवुड स्टारचं मी नाव काय घेतलं, धडाधड तुमच्या लेखण्या चालू झाल्या. पब्लिसिटीसाठी मराठी माणसाने नक्की करायचं काय?खेड्यापाड्यातून, उन्हात फिरायचं की, मस्त एसीत बसून एखाद्या बॉलीवूड स्टारचं नाव घ्यायचं. तुम्ही मोकळे.. ' असं ते म्हणाले.
View this post on Instagram
तुम्ही कितीही थांबवायचा प्रयत्न करा ...
ते पुढे म्हणाले, 'मी वाचले आहेत तुमच्या पोस्ट. लक्षात ठेवा. तुम्ही कितीही थांबवायचा प्रयत्न करा. 'देऊळ बंद 2 ' शंभर कोटींना जाणार. चाललाय. तुमच्या ठिकाणी आणि पोस्टने त्याला फरक पडत नाही. चला मंडळी भेटू. 'देऊळ बंद ' चालला आहे. त्याच्या गतीने चाललाय. फक्त जाता जाता विंदा करंदीकरांची कविता सांगतो.
'उंची न वाढते आपली, फारसी वाटो न हेवा
श्रेय ज्याचे त्यास द्यावे, एवढे लक्षात ठेवा.'
मग तो पिट्या असू दे,नाहीतर शाहरुख खान असू दे. ज्याने आपल्याला मदत केली, जाहीरपणे त्याचे कौतुक आणि कबुली देता आली पाहिजे.धन्यवाद मंडळी. जय महाराष्ट्र .हाच आपला मराठी बाणा आहे. '
हेही वाचा:
महत्त्वाच्या बातम्या
