Aaplich Hawa : निवडणूकीच्या माहोलात 'आपलीच हवा', आदर्श शिंदेच्या दमदार आवाजातील गाणे तुफान व्हायरल!

Aaplich Hawa : सध्या महाराष्ट्रात निवडणूकांचे वारे वाहत आहेत त्याच पार्श्वभूमीवर प्रशांत नाकती निर्मीत 'आपलीच हवा' गाणं नुकतचं रीलीज झालं आहे.

Aaplich Hawa

Aaplich Hawa : 'मिलीनीयर' म्हणून ओळख असणाऱ्या प्रशांत नाकतीच्या मराठी गाण्यांनी महाराष्ट्राला वेड लावलयं. त्याने लिहीलेली, गायलेली सर्व गाणी अवघ्या काही तासातच हीट होतात. सोशल मीडियावर त्याच्या गाण्यांचा मोठा चाहता वर्ग देखील आहे. प्रशांतची 'पोरी तुझ्या नादानं’, ‘माझी बायगो’, ‘लाजरान साजरा मुखडा’, ‘मी नादखुळा’, ‘आपली यारी’ अशी एकाहून एक भन्नाट गाणी तुफान व्हायरल झाली आहे. प्रेमकहाणीसोबतचं सामाजिक विषय देखील त्याच्या गाण्यात दिसून येतात. 

सध्या महाराष्ट्रात निवडणूकांचे वारे वाहत आहेत त्याच पार्श्वभूमीवर 'नादखुळा म्युझिक' रेकॉर्ड लेबल प्रस्तुत, निखिल नमित आणि प्रशांत नाकती निर्मीत 'आपलीच हवा' गाणं नुकतचं रीलीज झालं. या गाण्यात ग्रामीण भागातील निवडणूकीचं हुबेहूब दर्शन घडवलं आहे. प्रशांत नाकती ‘आपलीच हवा’ या गाण्याचे गीतकार आणि संगीतकार आहेत. तर, गायक आदर्श शिंदे आणि गायिका सोनाली सोनावणे हीने हे गाणं गाऊन या त्याला चार चांद लावले आहेत. या गाण्यात संजना पंडीत, विशाल फाले, निक शिंदे, रितेश कांबळे, सचिन कांबळे हे कलाकार प्रमुख भूमिकेत आहेत. सध्या सोशल मिडीयावर सर्वत्र 'आपलीच हवा' गाण्याची चर्चा आहे.

पाहा गाणे :

‘आपलीच हवा’ या गाण्याविषयी बोलताना प्रशांत नाकती सांगतो की, ‘सध्या महाराष्ट्रात निवडणूकांचा माहोल आहे. या निवडणूकांमध्ये तरूण वर्ग फक्त प्रचार करताना दिसतो. पण, जेव्हा उमेदवार पदाची वेळ येते, तिथे कोणतीच तरूण मंडळी दिसत नाही. आपल्या भारतात निम्याहून अधिक युवा आहेत. मग आपला तरूण वर्ग उमेदवारीसाठी पुढे का येत नाही? त्यांच्यात क्षमता आहे तर ते राजकारणात का उतरत नाही? हाताच्या बोटावर मोजण्या इतपत तरूण नेते या देशात आहेत. 'आपलीच हवा' हे गाणं लिहीताना माझ्या डोक्यात हे सर्व विषय होते. आणि मी ते गाण्यामार्फत मांडले.’

पुढे तो सांगतो की, ‘महाराष्ट्राचा बुलंद आवाज असणारे आदर्श शिंदे यांनी हे गाणं गायलं आहे. त्यांची साथ गायिका सोनाली सोनावणे हीने दिली आहे. याआधी आदर्श दादाने गायलेली 'मी नादखुळा'आणि 'आपली यारी' ही दोन गाणी सुपरहीट झाली आहेत. तसंच दादासोबतचं हे तिसरं गाणं आहे. त्यामुळे मी फार उत्सुक आहे.’

गाण्यात स्थानिकांना संधी!

या गाण्याचं चित्रीकरण हे नाशिकमधील मोहाडी या गावात झालं आहे. तर, गाण्यातील काही दृश्यं जानोरी गावात शुट केली आहेत. जिथे या आधी ‘माझी बायगो’ या गाण्याचं शुट केलं होतं. रोहीत जाधव आणि त्याच्या टीमने सर्व व्यवस्था केली होती. नाशिकमध्ये शुटं करताना खूप मजा आल्याचे कलाकार सांगतात. या गाण्यातील काही कलाकार हे त्या गावातलेच आहेत, त्यामुळे या गाण्याला गावरान लुक मिळाला आहे.

हेही वाचा :

LIVE TV | मराठी बातम्या, ब्रेकिंग न्यूज, महाराष्ट्रासह देश-विदेशातील प्रत्येक घडामोडी पाहा लाईव्ह - ABP Majha