Radhe Shyam Movie : 'राधे श्याम' (Radhe Shyam) हा या वर्षातील बहुप्रतिक्षित चित्रपटांपैकी एक आहे. कोरोनाच्या  तिसऱ्या लाटेमुळे चित्रपटाचे प्रदर्शन पुढे ढकलले गेले होते. परंतु, हा चित्रपट इतका भव्य आहे की, चित्रपटगृहात प्रदर्शित करणे हा एकच पर्याय होता. त्यामुळे निर्मात्यांनी 11 मार्च 2022 ही प्रदर्शनाची नवीन तारीख निवडली आहे. निर्मात्यांनी नवीन पोस्टरसह नवीन रिलीजची तारीख जाहीर केली आहे, जे खूपच इंटेन्स आहे.


आतापर्यंत, आपण प्रभासची (Prabhas) एक रहस्यमय लव्हर बॉय 'विक्रम आदित्य' म्हणून झलक पाहिली आहे, ज्याला असाधारण म्हणता येईल आणि जे आपण भारतीय चित्रपटात कधीही पाहिले नाही. ही झलक एका अनोख्या प्रेमकथेची गाथा सांगते. ट्रेलरमध्ये आपण पाहणार आहोत की, कथा कशी उलगडणार आहे आणि रहस्य कसे समोर येणार आहे. अशा परिस्थितीत चाहते आणि प्रेक्षक 'राधे श्याम' चित्रपटगृहात प्रदर्शित होण्याची आतुरतेने वाट पाहत आहेत.



पूजा हेगडे झळकणार मुख्य भूमिकेत!


दाक्षिणात्य सुपरस्टार प्रभास 'राधे श्याम' चित्रपटात मुख्य भूमिकेत झळकणार आहे. प्रभाससोबत पूजा हेडगेदेखील (Pooja Hegde) मुख्य भूमिकेत आहे. 'राधे श्याम' हा चित्रपट गेल्या वर्षीच प्रदर्शित होणार होता, पण कोरोनामुळे या चित्रपटाच्या प्रदर्शनाची तारीख पुढे ढकलण्यात आली. हा चित्रपट तमिळ, तेलुगु, मल्याळम सोबत हिंदी भाषेतदेखील प्रदर्शित होणार आहे. या चित्रपटात प्रभासचा रोमँटिक अंदाज प्रेक्षकांना पहायला मिळणार आहे. या चित्रपटाचे दिग्दर्शन राधा कृष्ण कुमारने केले आहे.


 





युवी क्रिएशन्स प्रॉडक्शनचा 'राधे श्याम' हा चित्रपट गुलशन कुमार आणि टी-सीरिज यांनी सादर केला असून हा चित्रपट राधा कृष्ण कुमार यांनी दिग्दर्शित केला आहे आणि कोटागिरी वेंकटेश्वर राव यांनी त्याचे संपादन केले आहे. या चित्रपटाची निर्मिती भूषण कुमार, वामसी आणि प्रमोद यांनी केली असून 11 मार्च 2022 रोजी तो सिनेमागृहांमध्ये प्रदर्शित होणार आहे.


हेही वाचा :



LIVE TV | मराठी बातम्या, ब्रेकिंग न्यूज, महाराष्ट्रासह देश-विदेशातील प्रत्येक घडामोडी पाहा लाईव्ह - ABP Majha