Pooja Sawant Siddhesh Chavan Wedding : अभिनेत्री पूजा सावंत (Pooja Sawant) ही सिद्धेश चव्हाण (Siddhesh Chavan) सोबत लवकरच लग्नबंधनात अडकणार आहेत. सध्या पूजा आणि सिद्धेशच्या घरी लगीनसराई सुरु असून लग्नाचे विधी पार पडत आहे. पूजा आणि सिद्धशचा धम्माल संगीत सोहळा पार पडल्यानंतर आता पूजाचा मेहंदी सोहळाही पार पडला आहे. पूजाच्या मेहंदीचे फोटो सध्या सोशल मीडियावर व्हायरल होत आहेत. तसेच तिच्या चाहत्यांनी देखील तिचे हे फोटो सोशल मीडियावर व्हायरल केलेत. 


 काही दिवसांपूर्वी पूजाने तिच्या सोशल मीडिया अकाऊंटवरुन सिद्धेशसोबतच्या नात्याविषयी कबुली दिली होती. त्यानंतर त्यांचा साखरपुडा देखील पार पडला. पूजा मित्रमंडळींनी पूजा आणि सिद्धेशच्या साखरपुड्याला हजेरी लावली होती. तसेच आता पूजा आणि सिद्धेशच्या लग्नसोहळ्यात देखील त्यांच्या मित्रमंडळींनी हजेरी लावली. आता लवकरच हे जोडपं लग्नबंधनात अडकणार आहेत. 






पूजा सावंतच्या मेहंदीचे फोटो


पूजा सावंत हीच्या मेहंदीचे फोटो सध्या समोर आले आहेत. गुलाबी रंगाचा लेहंगा पूजाने तिच्या मेहंदीसाठी निवडला होता. या लेहंग्यामध्ये पूजाचे सौंदर्य देखील खुलले आहे. पूजाने तिच्या संगीत सोहळ्यासाठी जांभळ्या रंगाच्या लेहंग्याची निवड केली होती. 


पूजाचा साखरपुडा संपन्न


पूजा सावंत कधी लग्न करणार? अभिनेत्री सिंगल आहे की कोणाला डेट करतेय? असे प्रश्न चाहत्यांना पडले होते. पण पूजाने साखरपुडा करत तिच्या चाहत्यांना गुडन्यूज दिली. पूजाच्या साखरपुड्यापासून तिच्या लग्नाची चर्चा होती. तसेच आता ती लवकरच लग्नबंधनात अडकणार आहे. 






पूजा सावंतच्या अभिनयाचा प्रवास


पूजा सावंतने आपल्या अभिनयासह सौंदर्याने प्रेक्षकांच्या मनावर अधिराज्य गाजवलं आहे. तसेच ती एक उत्तम नृत्यांगनाही आहे. पूजा सावंतचं नाव अभिनेता वैभव तत्तववादी (Vaibhav Tatwawadi) आणि भूषण प्रधान (Bhushan Pradhan) बरोबरही जोडलं गेलं होतं. पूजाने दगळी चाळ, क्षणभर विश्रांती, पोस्टर बॉइज, नीळकंठ मास्तर, भेटली तू पुन्हा, बोनस अशा अनेक गाजलेल्या सिनेमांत काम केलं आहे. तिचे अनेक सिनेमे सुपरहिट ठरले आहेत. 


ही बातमी वाचा : 


Titeeksha Tawde Siddharth Bodke Wedding : हळद लागली! तितिक्षा आणि सिद्धार्थ रंगले प्रेमाच्या हळदीत, नवरदेवाचा डान्सही होतोय व्हायरल, समोर आला व्हिडिओ