Pandit Shivkumar Sharma Death : पंडित शिवकुमार शर्मांना दिग्गजांची आदरांजली; पंतप्रधान मोदी म्हणाले, 'संगीत विश्वाचं मोठं नुकसान'
सोशल मीडियावर पोस्ट शेअर करुन अनेक दिग्गजांनी शिवकुमार शर्मा (Pandit Shivkumar Sharma) यांना श्रद्धांजली वाहिली आहे.
Pandit Shivkumar Sharma Death : प्रसिद्ध संतूरवादक पंडित शिवकुमार शर्मा (Pandit Shivkumar Sharma) यांचं निधन झालं आहे. वयाच्या 84व्या वर्षी त्यांनी अखेरचा श्वास घेतला. त्यांच्या निधनानं संगीत क्षेत्रात शोककळा पसरली. त्यांनी अनेक चित्रपटांना संगीत दिलं. सोशल मीडियावर पोस्ट शेअर करुन अनेक दिग्गजांनी शिवकुमार शर्मा यांना श्रद्धांजली वाहिली आहे.
नरेंद्र मोदी यांची पोस्ट
पंतप्रधान नरेंद्र मोदी यांनी ट्वीट शेअर करुन शिवकुमार शर्मा यांना श्रद्धांजली वाहिली आहे. 'पंडित शिवकुमार शर्मा यांच्या निधनाने आपले संगीत विश्वाचं मोठे नुकसान झालं आहे. त्यांनी संतूर वाद्याला जागतिक स्तरावर लोकप्रिय केले. त्यांचे संगीत येणाऱ्या पिढ्यांना प्रेरणा देईल. त्यांच्यासोबत झालेला संवाद मला अजूनही लक्षात आहे. ओम शांती.'
Our cultural world is poorer with the demise of Pandit Shivkumar Sharma Ji. He popularised the Santoor at a global level. His music will continue to enthral the coming generations. I fondly remember my interactions with him. Condolences to his family and admirers. Om Shanti.
— Narendra Modi (@narendramodi) May 10, 2022
ममता बॅनर्जी यांची पोस्ट
'प्रख्यात संतूर वादक आणि आंतरराष्ट्रीय ख्यातीचे भारतीय संगीतकार शिवकुमार शर्मा यांच्या निधनाचं वृत्त कळताच मला दु:ख झालं. त्यांच्या निधनामुळे संगीत विश्वाचं पोकळी निर्माण झाली आहे. त्यांच्या आत्म्याला शांती लाभो', असं ममता बॅनर्जी यांनी त्यांच्या ट्वीटमध्ये लिहिलं.
Sad to know about the demise of Pandit Shiv Kumar Sharma, eminent Santoor player and internationally celebrated Indian music composer. His departure impoverishes our cultural world. My deepest condolences.
— Mamata Banerjee (@MamataOfficial) May 10, 2022
देवेंद्र फडणवीस यांनी देखील ट्वीट शेअर केलं आहे. त्यांनी शिवकुमार शर्मा यांचा फोटो शेअर करुन त्यांना श्रद्धांजली वाहिली.
Pained to hear demise of eminent Santoor Maestro & music composer Pandit Shivkumar Sharma ji.
— Devendra Fadnavis (@Dev_Fadnavis) May 10, 2022
He was from J&K & popularised santoor at global level.His contributions to Indian music world will be remembered forever.
My deepest condolences to his family & followers.
ॐ शान्ति 🙏 pic.twitter.com/B6frW5pJrQ
मुख्यमंत्री उद्धव ठाकरे यांनी वाहिली श्रद्धांजली
संतूर या वाद्याची जगाला ओळख करून देणारा, संतूरच्या अलौकिक तरंगांनी जगाला भुरळ घालणारा भारतीय संगीत क्षेत्राचा एक मानबिंदू अस्ताला गेला आहे, अशा शब्दांत मुख्यमंत्री उद्धव ठाकरे यांनी ज्येष्ठ संगीतकार, संतूरवादक पद्मविभूषण पंडित शिवकुमार शर्मा यांना निधनाबद्दल श्रद्धांजली अर्पण केली आहे. पंडित शर्मा यांच्या पार्थिवावर शासकीय इतमामात अंत्यविधी करण्यात येणार आहेत. अशी माहिती देखील उद्धव ठाकरे यांनी दिली.
मुख्यमंत्री शोकसंदेशात म्हणाले, 'पंडित शर्मा आणि संतूर वाद्य यांचे अतूट असे नाते आहे. त्यांच्या नावानेच संतूरला ओळख मिळाली. तर भारतीय संगीताला संतूर मिळाले. पंडित शर्मा यांच्या संतूरच्या अलौकिक स्वरांनी केवळ भारतीयांना नाही, तर जगाला भूरळ घातली. जम्मू काश्मिरला पृथ्वीवरील स्वर्ग म्हणतात, तर याच भूमीतील संतूर या एका लोकवाद्याच्या स्वर्गीय अशा तरंगांची पंडितजींनी जगाला ओळख करून दिली. जगभरात जिथे भारतीय संगीत पोहचले आहे, तिथे संतूर पोहचले. हे पंडित शर्मा यांच्या अखंड साधनेचे योगदान आहे. विनम्र स्वभावाच्या पंडित शर्मा यांनी संगीत क्षेत्राची अखंड सेवा केली. पंडित शर्मा यांचे योगदान भारतीय संगीत क्षेत्राला कदापिही विसरता येणार नाही. शिवकुमार शर्मा हे भारतीय संगीत क्षेत्राच्या मानबिंदूपैकी एक होते. त्यांच्या निधनामुळे भारतीय संगीताचा एक मानबिंदू अस्ताला गेला आहे. पद्मविभूषण पंडित शिवकुमार शर्मां यांना भावपूर्ण श्रद्धांजली. '
प्रसिद्ध सरोद वादक अमजद अली खान यांनी देखील पोस्ट शेअर केली आहे.
The passing away of Pandit Shiv Kumar Sharmaji marks the end of an era. He was the pioneer of Santoor and his contribution is unparalleled. For me, it’s a personal loss and I will miss him no end. May his soul rest in peace. His music lives on forever! Om Shanti 🙏🙏 pic.twitter.com/GcLSF0lSh2
— Amjad Ali Khan (@AAKSarod) May 10, 2022
प्रसिद्ध संगीतकार विशाल ददलानीनं पोस्ट शेअर पंडित शिवकुमार शर्मा यांना आदरांजली वाहली आहे. त्यांच्या निधनानं संगीत क्षेत्रातच मोठं नुकसान झालं आहे, असं ही विशाल पोस्टमध्ये लिहिलं.
Yet another massive loss to music.#PanditShivkumarSharma ji is irreplaceable. His playing redefined the Santoor along with Indian music itself. His film songs with Pt. Hariprasad Chaurasia ji as "Shiv-Hari" will also be beloved forever.
— VISHAL DADLANI (@VishalDadlani) May 10, 2022
Strength to his family, fans & students. pic.twitter.com/KDJQVedci4
हेही वाचा :
महत्त्वाच्या बातम्या
