Panchayat 5 Update: पुन्हा येणार सचिव जी! ‘पंचायत’च्या पाचव्या सीझनबाबत मेकर्सची मोठी अपडेट

मेकर्सनी काही फोटो शेअर करत महत्त्वाची अपडेट दिली आहे. पंचायत’ची सुरुवात 6 वर्षांपूर्वी झाली होती. 3 एप्रिल 2020 रोजी या सीरिजचा पहिला सीझन प्रदर्शित झाला होता.

Panchayat 5

Source : ABPLIVE AI

Panchayat season 5: प्राइम व्हिडिओवरील पंचायत (Panchayat) या लोकप्रिय वेब सीरिजच्या आतापर्यंत आलेल्या चारही सीझनना प्रेक्षकांकडून प्रचंड प्रेम मिळालं आहे. आता या सीरिजचा पाचवा सीझनही (Panchayat Season 5) लवकरच येणार असून मेकर्सनी त्याबाबत नवीन अपडेट शेअर केली आहे.

चार यशस्वी सीझननंतर अमेझॉन प्राइम व्हिडिओ यावर्षी ‘पंचायत 5’ प्रेक्षकांच्या भेटीला आणणार आहे. प्रधान जी, सचिव जी, प्रहलाद चा यांसारखी सर्व पात्रं पुन्हा एकदा प्रेक्षकांचं मनोरंजन करताना दिसणार आहेत. मात्र, हा नवा सीझन नेमका कधी रिलीज होणार याबाबत अद्याप कोणतीही अधिकृत माहिती समोर आलेली नाही. तरीही मेकर्सनी काही फोटो शेअर करत महत्त्वाची अपडेट दिली आहे.

पंचायत 5 चे शूटिंग सुरू

‘पंचायत’ची सुरुवात 6 वर्षांपूर्वी झाली होती. 3 एप्रिल 2020 रोजी या सीरिजचा पहिला सीझन प्रदर्शित झाला होता. या ६ वर्षांच्या निमित्ताने मेकर्सनी ‘पंचायत 5’च्या शूटिंगमधील काही फोटो शेअर केले आहेत. या फोटोंमध्ये सचिव जी, प्रधान जी, प्रहलाद चा, विकास, रिंकी, बनराकस यांसारखी पात्रं दिसत आहेत. या फोटोंसोबत मेकर्सनी स्पष्ट केलं आहे की सध्या ‘पंचायत 5’ची शूटिंग सुरू आहे.

6 वर्ष पूर्ण झाल्याच्या निमित्ताने मेकर्सनी कॅप्शनमध्ये लिहिलं, “फुलेरा गावात 6 वर्षे झाली आहेत आणि हे गाव आम्ही कधीच सोडू इच्छित नाही.” या फोटोमुळे चाहत्यांमध्ये नव्या सीझनबाबतची उत्सुकता अधिक वाढली आहे.

 

 

 

 

 

View this post on Instagram

 

 

 

 

 

 

 

 

 

 

 

A post shared by prime video IN (@primevideoin)

रिलीज डेट कधी?

मार्च महिन्यात प्राइम व्हिडिओने मुंबईत एक मोठा इव्हेंट आयोजित केला होता. या इव्हेंटमध्ये 2026 मध्ये कोणते प्रोजेक्ट्स रिलीज होणार याची माहिती देण्यात आली होती. त्यामध्ये ‘पंचायत 5’चाही समावेश असल्याचं सांगण्यात आलं. मात्र, रिलीज डेट अजून जाहीर करण्यात आलेली नाही.

‘पंचायत’च्या चारही सीझननी प्रेक्षकांचं भरपूर मनोरंजन केलं आहे. चौथ्या सीझनमध्ये प्रहलाद यांना निवडणूक लढवण्याची ऑफर मिळाल्याचं दाखवण्यात आलं होतं. त्यामुळे पाचव्या सीझनमध्ये ते निवडणुकीच्या मैदानात उतरलेले दिसू शकतात. त्यामुळे कथानक अधिक रंगतदार होण्याची शक्यता आहे.