Team India : पाकिस्तानच्या कलाकारांकडूनही भारतीय संघावर अभिनंदनाचा वर्षाव; 'किंग' म्हणत विराटचं कौतुक तर बुमराहसाठी केली खास पोस्ट
Pakistani Celebs On Team India World Cup Victory: पाकिस्तानच्या कलाकारांनी देखील भारतीय संघाचं कौतुक केलं आहे. यावेळी त्यांनी भारतीय खेळाडूंचंही अभिनंदन केलं आहे.
Pakistani Celebrities On Team India World Cup Victory: T-20 विश्वचषक 2024 (T-20 World Cup 2024) च्या अंतिम सामन्यात दक्षिण आफ्रिकेचा (South Africa) सात धावांनी पराभव करत भारताने 11 वर्षांनी ICC ट्रॉफी जिंकली आहे. त्यामुळे सध्या भारतीय संघ आणि भारतीय खेळाडू हे जगभरातील लोकांसाठी कौतुकाचा विषय ठरला आहे. भारतीयांसह जगभरातल्या प्रेक्षकांनाही खेळाडूंचं कौतुक केलं. विशेष म्हणजे पाकिस्तानच्या कलाकारांनाही (Pakistan Celebrities) भारतीय संघाचं आणि विशेष म्हणजे भारतीय खेळाडूंचं कौतुक केलं आहे.
भारताने तब्बल 17 वर्षांनी विश्वचषक जिंकला आहे. भारत आता दोन वेळा T20 विश्वचषक जिंकणारा संघ बनला आहे. 2007 मध्ये झालेल्या पहिल्या T-20 विश्वचषकात भारताने पाकिस्तानला हरवत विश्वचषकावर नाव कोरलं होतं. त्यानंतर आता 17 वर्षांनंतर टीम इंडिया पुन्हा T-20 चॅम्पियन बनली आहे.टीम इंडियाच्या विजयावर संपूर्ण देशात जल्लोषाचे वातावरण आहे.टीम इंडियाच्या विजयावर बॉलिवूड सेलिब्रिटींनीही शुभेच्छा दिल्या आहेत. त्याचवेळी टीम इंडियाच्या ऐतिहासिक विजयाने पाकिस्तानी स्टार्सही खूश झाले. पाकिस्तानच्या अनेक सेलिब्रिटींनी टीम इंडियासाठी सोशल मीडियावर पोस्ट केले आहेत.
माया अली म्हणाली...
माया अली पाकिस्तानातील आघाडीच्या अभिनेत्रींपैकी एक आहे. भारत आणि दक्षिण आफ्रिका यांच्यातील अंतिम सामन्याचा तिने टीव्हीवर आनंद घेतला. अभिनेत्रीने तिच्या इंस्टाग्राम स्टोरीमध्ये एक व्हिडिओ पोस्ट केला आहे, ज्यामध्ये सामन्याचा शेवटचा क्षण दिसत आहे. त्यामध्ये टीम इंडियाचं तिने कौतुक केलं आहे. मायाने लिहिले की, 'चॅम्पियन्स..., भारताचं खूप अभिनंदन, खूप छान खेळलात. तसेच माया अलीने भारतीय संघाचा सुपरस्टार किंग कोहलीचं देखील कौतुक केलं आहे. त्यामध्ये तिनं म्हटलं की, फक्त किंग कोहली, खूप आदर... 
पाकिस्तानी अभिनेत्री मावरानेही टीम इंडियाला विजयासाठी शुभेच्छा दिल्या आहेत. इंस्टा स्टोरीवर विराट कोहली आणि रोहित शर्माचा फोटो शेअर करताना त्याने लिहिले की, 'विजयाबद्दल भारताचे अभिनंदन. टीम इंडिया टी-20 विश्वचषकाची पात्र चॅम्पियन आहे. तसेच पाकिस्तानी अभिनेता मणीने रोहित शर्मा, विराट कोहली आणि जसप्रीत बुमराह यांच्यासाठी पोस्ट केली आहे. विजयासाठी टीम इंडियाचे अभिनंदन करताना त्याने लिहिले, 'भारत टी-20 वर्ल्ड चॅम्पियनसाठी पात्र आहे. भारताने किती छान कमबॅक केलं आहे. त्याने जसप्रीत बुमराहचे कौतुक करताना लिहिले आहे, 'सर्वोत्तम वेगवान गोलंदाज.
ही बातमी वाचा :
Before You Go
Majha Sanman Award 2026: अरुण फिरोदिया यांचा उद्योगक्षेत्रातील अतुलनीय कामगिरीबद्दल ‘माझा सन्मान’ पुरस्काराने गौरव
महत्त्वाच्या बातम्या
