OTT Free webseries: प्राइम व्हिडीओवर मोफत उपलब्ध 'या' 7 वेब सीरिज चुकवू नका; क्राइम, कॉमेडी, रोमान्स सगळंच आहे!
क्राइम-थ्रिलर, कॉमेडी, रोमान्स आणि ड्रामा अशा विविध प्रकारातील या सीरिज सध्या प्राइम व्हिडीओच्या फ्री कॅटेगरीमध्ये ट्रेंड होत आहेत.
Prime Video Top Free Series : वीकेंडला घरी बसून काहीतरी मनोरंजक पाहायचं आहे, पण OTT चे सबस्क्रिप्शन नाही? मग काळजी करण्याचं कारण नाही. प्राइम व्हिडीओवर अशा अनेक वेब सीरिज उपलब्ध आहेत, ज्या कोणतेही अतिरिक्त सबस्क्रिप्शन न घेता मोफत पाहता येतात. क्राइम-थ्रिलर, कॉमेडी, रोमान्स आणि ड्रामा अशा विविध प्रकारातील या सीरिज सध्या प्राइम व्हिडीओच्या फ्री कॅटेगरीमध्ये ट्रेंड होत आहेत.
मेड इन इंडिया: ए टायटन स्टोरी
'मेड इन इंडिया: ए टायटन स्टोरी' ही बायोग्राफिकल ड्रामा वेब सीरिज 3 जून रोजी प्राइम व्हिडीओवर प्रदर्शित झाली होती. अभिनेता नसीरुद्दीन शाह आणि रॉबी ग्रेवाल यांच्यासह अनेक कलाकार या सीरिजमध्ये महत्त्वाच्या भूमिकेत आहेत. विनय कामत यांच्या पुस्तकावर आधारित या सीरिजचं दिग्दर्शनही रॉबी ग्रेवाल यांनी केलं आहे. सध्या ही सीरिज प्राइम व्हिडीओच्या फ्री कॅटेगरीमध्ये पहिल्या क्रमांकावर ट्रेंड करत आहे.
कॅम्पस बीट्स: द गेम ऑफ लव्ह
तरुणाईमध्ये लोकप्रिय असलेली 'कॅम्पस बीट्स: द गेम ऑफ लव्ह' ही डान्स आणि रोमँटिक ड्रामा वेब सीरिज प्राइम व्हिडीओसह एमएक्स प्लेयरवरही मोफत पाहता येते. या सीरिजचे आतापर्यंत सात सीझन आले असून सातवा सीझन सध्या फ्री कॅटेगरीमध्ये दुसऱ्या क्रमांकावर ट्रेंड होत आहे. या सीरिजची निर्मिती बनिजय एशियाने केली आहे.
कॉन्स्टेबल गिरपडे
कॉमेडी प्रकार आवडणाऱ्यांसाठी 'कॉन्स्टेबल गिरपडे' ही वेब सीरिज उत्तम पर्याय आहे. पोलिस ठाण्यात घडणाऱ्या मजेशीर घटना आणि विनोदी प्रसंगांवर आधारित या 11 भागांच्या सीरिजमध्ये प्रेक्षकांना भरपूर हास्याची मेजवानी मिळते. प्राइम व्हिडीओच्या फ्री कॅटेगरीमध्ये ही सीरिज तिसऱ्या क्रमांकावर आहे.
अराफ्ता (Arafta)
'अराफ्ता' या तुर्की ड्रामा सीरिजचा दुसरा सीझन प्राइम व्हिडीओ आणि एमएक्स प्लेयरवर मोफत उपलब्ध आहे. पहिल्या सीझनचे 100 भाग प्रदर्शित झाले होते, तर दुसऱ्या सीझनचे आतापर्यंत 3 भाग रिलीज झाले आहेत. प्रेम, सूड आणि भावनिक संघर्ष यांवर आधारित ही सीरिज हिंदी डबमध्येही पाहता येते. सध्या ती चौथ्या क्रमांकावर ट्रेंड करत आहे.
राज (Raaz)
सस्पेन्स, ड्रामा आणि मिस्ट्री थ्रिलर आवडणाऱ्यांसाठी 'राज (Raaz)' ही बंगाली वेब सीरिज हिंदी भाषेतही उपलब्ध आहे. 18 जून 2026 रोजी प्रदर्शित झालेल्या या सीरिजचं दिग्दर्शन अदिती रॉय यांनी केलं आहे. एकूण 8 भाग असलेली ही सीरिज फ्री कॅटेगरीमध्ये पाचव्या क्रमांकावर ट्रेंड होत आहे.
क्वीन्स (Queens)
'क्वीन्स (Queens)' ही रिव्हेंज-ड्रामा वेब सीरिजही प्राइम व्हिडीओवर मोफत पाहता येते. या सीरिजमध्ये एकूण 7 भाग असून चार विधवा महिलांच्या सूडाची आणि स्वतःचं साम्राज्य उभारण्याची कथा यात दाखवण्यात आली आहे. मिमी चक्रवर्ती, पायल डे आणि दुर्बार शर्मा यांच्या प्रमुख भूमिका असलेली ही सीरिज हिंदीमध्ये उपलब्ध असून सहाव्या क्रमांकावर ट्रेंड करत आहे.
अब होगा हिसाब
संजय कपूर, मौनी रॉय, शाहीर शेख आणि हरमन सिंघा यांच्या प्रमुख भूमिका असलेली 'अब होगा हिसाब' ही क्राइम-थ्रिलर वेब सीरिजदेखील प्राइम व्हिडीओवर मोफत उपलब्ध आहे.
3 जुलै 2026 रोजी प्रदर्शित झालेली ही सीरिज रिलीजपासूनच प्रेक्षकांच्या पसंतीस उतरली आहे. सध्या ती फ्री कॅटेगरीतील टॉप 10 यादीत सातव्या क्रमांकावर ट्रेंड करत आहे.
महत्त्वाच्या बातम्या
