ऑस्कर विजेत्या अभिनेत्याचं दु:खद निधन; घरातच घेतला अखेरचा श्वास
Oscar winner Robert Duvall passes away at age 95: ऑस्कर विजेते अभिनेते रॉबर्ट डुव्हल यांचे वयाच्या 95 व्या वर्षी निधन झाले.
Robert Duvall death reason and latest updates: सिनेसृष्टीतून एक दु:खद बातमी समोर येत आहे. अमेरिकन अभिनेता आणि चित्रपट निर्माते रॉबर्ट डुव्हल यांचं निधन झालं आहे. वयाच्या 95 व्या वर्षी त्यांनी अखेरचा श्वास घेतला. द गॉडफादर या कल्ट क्लासिक चित्रपटात त्यांनी प्रमुख भूमिका साकारली होती. या चित्रपटातून त्यांना प्रसिद्धी मिळाली होती. आपल्या कारकिर्दीत त्यांना ऑस्करने सन्मानित करण्यात आले होते. रॉबर्ट यांच्या पत्नी लुसियाना डुव्हल यांनी त्यांच्या पतीच्या निधनाची माहिती दिली. मीडिया रिपोर्ट्सनुसार, रॉबर्ट यांनी व्हर्जिनियातील मिडलबर्ग येथील राहत्या घरात अखेरचा श्वास घेतला. त्यांच्या निधनानंतर हॉलिवूडमध्ये शोककळा पसरली आहे.
अभिनेते रॉबर्ट डुव्हल यांचा जन्म 5 जानेवारी 1939 रोजी कॅलिफोर्निया येथे झाला होता. त्यांनी आपल्या कारकिर्दीत अनेक हॉलिवूड चित्रपटांमध्ये काम केलं. सात दशकांहून अधिक काळ त्यांनी सिनेसृष्टीत काम केलं. त्यांनी 90 हून अधिक सिनेमांमध्ये प्रमुख भूमिका साकारली आहे. त्यांनी आपल्या प्रत्येक भूमिकेतून प्रेक्षकांच्या मनात घर तयार केलं. त्यांच्या निधनानंतर सिनेसृष्टीतील दिग्गज कलाकारांनी शोक व्यक्त केलं आहे. बॉलिवूड अभिनेता अनुपम खेर यांनीही रॉबर्ट डुव्हल यांच्या निधनाबद्दल शोक व्यक्त केलं आहे.
IN LOVING MEMORY OF ROBERT DUVALL… 💔🕉💔#RobertDuvall was the kind of actor who never needed noise to command attention. Quiet, precise, and profoundly truthful, he brought an extraordinary depth to every role he inhabited. For me, he was always one of the favourites — not… pic.twitter.com/7fGj5KDi7S
— Anupam Kher (@AnupamPKher) February 17, 2026
त्यांनी पोस्ट शेअर करत शोक व्यक्त केला आहे. 'रॉबर्ट डुव्हल हा एक असा उमदा कलाकार होता, ज्याला लक्ष वेधण्यासाठी कधीही आवाजाची गरज भासली नाही. त्यांनी आपल्या प्रत्येक भूमिकेतून प्रेक्षकांमध्ये उल्लेखनीय छाप सोडली . तो माझा आवडत्या अभिनेत्यांपैकी एक होता', असं म्हणत अनुपम खेर यांनी अभिनेत्याच्या निधनाबद्दल शोक व्यक्त केलं.
'गॉडफादरमध्ये त्यांनी साकारलेली भूमिका उल्लेखनीय होती. तर, टेंडर मर्सीजमधील त्यांची ऑस्कर विनिंग भूमिका अनेकांना आवडली होती. त्यांनी आपल्या अभिनयातून प्रेक्षकांमध्ये एक वेगळी छाप सोडली', असं अनुपम खेर म्हणाले. त्यांच्या निधनानंतर सिनेसृष्टीतून शोक व्यक्त केला जात आहे.
महत्त्वाच्या इतर बातम्या:
बिग बॉसच्या घरात प्रेमाचे रंग, तासनतास एकत्र; बाहेर पडताच करण सोनावणे स्पष्टच म्हणाला....
महत्त्वाच्या बातम्या
