Neel Salekar : 'सोशल मीडिया स्टार' नील सालेकरकडून चाहत्यांना खास गिफ्ट; 'जिंकलो' गाणं रिलीज
नील सालेकर (Neel Salekar) उर्फ जस्ट नील थिंग्सने गली गँगच्या डी'इव्हिल आणि कांचनसोबत 'जिंकलो' हे गाणं रिलीज केले आहे.
Neel Salekar : सोशल मीडियावरील (Social Media) स्टार असणारा नील सालेकर (Neel Salekar) हा इन्स्टाग्रामवर नेहमी आपल्या चाहत्यांसाठी वेगवेगळा कंटेन्ट घेऊन येत असतो. त्या नीलचं एक भन्नाट गाणं रिलीज झालं आहे. नील सालेकर उर्फ जस्ट नील थिंग्सने गली गँगच्या डी'इव्हिल आणि कांचनसोबत 'जिंकलो' हे गाणं रिलीज केले आहे. वाढदिवसाचं औचित्य साधत नीलनं त्याच्या चाहत्यांना हे गिफ्ट दिलं आहे. इंस्टाग्रामवर एक मिलियनचा टप्पा नीलनं पार केला. याचं सेलिब्रेशन करत नीलने त्याच्या मित्रांसोबत मिळून हे गाणं तयार केलं. सोशल मीडियावरील अनेक क्रिएटर्ससोबत नीलने आपला वाढदिवस साजरा केला. यावेळी नीलनं त्याचं 'जिंकलो' हे गाणं रिलीज केले. या गाण्यामध्ये त्याच्या मित्रांसोबतच अनेक कॉन्टेन्ट क्रिएटर्सचाही सहभाग आहे.
जिंकलो या गाण्याबद्दल नील सालेकर म्हणतो, "माझा इन्स्टाग्रामवरचा प्रवास आणि एक मिलियन्स फॉलोवर्सचा टप्पा गाठणं माझ्यासाठी खूप काही जिंकल्यासारखं आहे म्हणून या गाण्याचं नाव 'जिंकलो' असं आहे. मला नेहमी गली गँगची गाणी ऐकला आवडतात. म्हणूनच मी गली गँगच्या डी'इव्हिल आणि करण कांचन यांच्यासोबत हे गाणं तयार केले. ज्या गाण्यात माझ्या इन्स्टाग्रामवरच्या प्रवासाबद्दल सांगितलं आहे. हे गाणं त्या सगळ्या कॉन्टेन्ट क्रिएटर्ससाठी आहे ज्यांनी आपला स्वत:चा कॉन्टेन्ट तयार करुन प्रेक्षकांचं मनोरंजन केलं आहे. हे फक्त माझंचं यश साजरं करण्यासाठी नाही तर त्या प्रत्येकासाठी आहे ज्याने या क्षेत्रात आपलं अस्तित्व निर्माण करण्याचा प्रयत्न केला आहे. आणि माझा या प्रत्येकाला एकच संदेश आहे, 'मित्रा आपण जिंकलो'.."
पाहा गाणं:
नील हा एक यशस्वी अभिनेता आणि कॉन्टेन्ट क्रिएटर असून नीलचा चाहतावर्ग सुद्धा बराच मोठा आहे. इन्स्टाग्राम रील्सच्या माध्यमातून नील कायम मोठमोठ्या बॉलीवूड आणि मराठी स्टारसोबत विनोदी व्हिडिओ करत असतो. त्याचे इन्स्टाग्राम रिल्स प्रचंड व्हायरल आहेत नुकताच नीलने एक मिलियन फॉलोअर्सचा टप्पा पूर्ण केला आहे. नीलचं स्वत:चं यूट्यूब चॅनेल सुद्धा आहे.
वाचा इतर बातम्या:
महत्त्वाच्या बातम्या
