Natasa Stankovic : हार्दिक पांड्यासोबत घटस्फोटाच्या चर्चांनी जोर धरला, नताशाच्या 'तुम्हाला आठवण करुन देतेय' म्हणत ठेवलेल्या स्टोरीनं लक्ष वेधलं

Natasa Stankovic : विश्वचषक जिंकल्यानंतर हार्दिक पांड्याचं बरंच कौतुक करण्यात आलं. पण एका गोष्टीमुळे सध्या तो बराच चर्चेत आहे.

Natasa Stankovic

Source : Other

Natasa Stankovic : विश्वचषक जिंकल्यानंतर भारतीय संघातील प्रत्येकाचं भरभरुन कौतुक करण्यात आलं. काही महिन्यांपूर्वी ज्याच्या खेळावरुन बरंच ट्रोल करण्यात आलं होतं, त्या हार्दिक पांड्याची (Hardik Pandya) चाहत्यांनी माफी देखील मागितली. पण मागील काही दिवसांपासून हार्दिक एका वेगळ्याच कारणांमुळे चर्चेत आलाय. काही दिवसांपासून हार्दिक आणि त्याची पत्नी नताशाचा (Natasa Stankovic) घटस्फोट होणार असल्याच्या चर्चा सुरु आहेत. 

विश्वचषकाच्या विजयानंतर भारतीय संघातील प्रत्येक खेळाडूंच्या कुटुंबियांनी देखील पोस्ट करत त्यांचं कौतुक केलं. ज्या खेळाडूंच्या पत्नी या त्यावेळी मैदानात उपस्थित होत्या, त्यांचे व्हिडीओ देखील सोशल मीडियावर व्हायरल झाले. पण या सगळ्यात नताशाने हार्दिकसाठी एकही पोस्ट केली नाही. हार्दिकचा भाऊ कुणाल पांड्या, त्याच्या बायकोने देखील हार्दिकसाठी पोस्ट केली. पण नताशाची कोणतीही पोस्ट दिसली नाही. त्यातच हार्दिकने देखील फक्त त्याचा लेक अगस्त्यसोबतच त्याचा फोटो शेअर केला. त्यामुळे या चर्चांना आणखी उधाण आलं. पण आता नताशाची एक पोस्ट बरीच चर्चेत आलीये. 

नताशाची पोस्ट काय?

नताशाने तिच्या सोशल अकाऊंटवर व्हिडीओ शेअर केला आहे. त्यामध्ये तिने म्हटलं की, माझ्याकडून तुमच्यासाठी एक जेंटल रिमायंडर, देवाने लाल समुद्र कधीही हटवला नाही. त्याने त्याचं विभाजन केलं. याचाच अर्थ असा की, तुमच्या आयु्ष्यातल्या अडचणी देव काढून टाकणार नाही, पण तो त्यातून मार्ग नक्कीच काढेल. नताशाच्या या व्हिडीओमुळे हार्दिक आणि तिच्यात खरंच काहीतरी बिनसलं आहे का? अशा चर्चा सुरु आहे.

नताशाची एकही पोस्ट नाही

नताशाने हार्दिकसाठी विश्वचषक जिंकल्याची कोणतीही पोस्ट केलेली नाही. या विजयावर नताशाच्या बाजूने कोणतीही प्रतिक्रिया आलेली नाही. त्याचवेळी, हार्दिकच्या मेहुण्याने, म्हणजेच मोठा भाऊ कृणाल पांड्याची पत्नी पंखुरी शर्माने भारताच्या विजयानंतर हार्दिकसाठी एक भावनिक पोस्ट केली होती. पोस्ट शेअर करत हार्दिकने पंखुरी शर्माला आपला आधारस्तंभ असं म्हटलं आहे.    

My #1! Everything I do, I do for you ❤️❤️❤️ pic.twitter.com/g7KUzKgbAz

— hardik pandya (@hardikpandya7) July 5, 2024

ही बातमी वाचा :