Mrunal Thakur Shuts Down Wedding Rumours: 'आज माझी हळद अन् उद्या संगीत...'; धनुषसोबतच्या लग्नाच्या चर्चांवर प्रश्न, मृणाल ठाकूरनं थेट आमंत्रणच दिलं

Mrunal Thakur Shuts Down Wedding Rumours: मृणाल ठाकूर आणि धनुष दोघेही लग्न करणार आहेत, अशातच आता लग्नाच्या चर्चांवर अभिनेत्री मृणाल ठाकूरनं मौन सोडलं आहे. 

Mrunal Thakur Shuts Down Wedding Rumours

Source : ABP Majha

Mrunal Thakur Shuts Down Wedding Rumours: सध्या बॉलिवूडमध्येही (Bollywood News) लगीनघाई सुरू झालीय. अशातच गेल्या काही काळापासून बॉलिवूडमध्ये एका जोडप्याचा लग्नाचा जोरदार चर्चा सुरू आहेत. ते जोडपं म्हणजे, बॉलिवूड अभिनेत्री (Bollywood Actress) मृणाल ठाकूर (Mrunal Thakur) आणि साऊथ सुपरस्टार (South Actor) धनुष (Dhanush) यांच्या लग्नाची. अशा चर्चा सुरू होत्या की, मृणाल आणि धनुष दोघेही 14 फेब्रुवारी रोजी लग्न करणार आहे. पण, आता लग्नाच्या चर्चांवर अभिनेत्री मृणाल ठाकूरनं मौन सोडलं आहे.                                                                      

इंडिया टुडेला दिलेल्या मुलाखतीत बोलताना मृणाल ठाकूरनं लग्नाच्या मुद्द्यावर स्पष्ट मत मांडलं. मृणाल ठाकूर म्हणाली की, तिला वाटतं की, केवळ लग्नासाठी लग्न करू नये. ती पुढे बोलताना म्हणाली की, "जेव्हा योग्य वेळ येईल, जेव्हा तुम्हाला तुमचा जीवनसाथी मिळेल, ज्यावर तुम्ही विश्वास ठेवू शकता असा परिपूर्ण माणूस मिळेल... ज्याच्याशी तुम्ही कम्फर्टेबल असाल... ज्याचं मौनही तुम्हाला त्रासदायक वाटणार नाही... तेव्हाच तुम्ही लग्न केलं पाहिजे..."               

 

 

 

 

 

View this post on Instagram

 

 

 

 

 

 

 

 

 

 

 

A post shared by Mrunal Thakur (@mrunalthakur)

जेव्हा 33 वर्षांच्या मृणाल ठाकूरला आठवण करून देण्यात आली की, मीडिया रिपोर्टनुसार, तिचं लग्न शनिवारी होणार आहे, तेव्हा मृणाल खळखळून हसली आणि म्हणाली, "मित्रांनो, आज माझी हळद आहे, उद्या संगीत आहे... जाण्यापूर्वी कृपया जेवून जा..." पुढे बोलताना मृणाल म्हणाली की, "कालच मी वडिलांना माझ्यासाठी एक चांगला मुलगा शोधा असं सांगितलं. त्यांच्या नजरेत सध्या कोणीच नाही असं ते म्हणाले. बघा, आता मी काय करु?"

"ज्या दिवशी मी प्रेमात पडेन, तेव्हा..."

मृणाल लग्नाच्या अफवांना पूर्णविराम देत पुढे म्हणाली की, "ज्या दिवशी मी प्रेमात पडेन, तेव्हा मी अख्ख्या जगाला अभिमानानं सांगेन. मला प्रेम लपवायला आवडत नाही, तर गर्वानं दाखवायला आवडतं... खरं सांगायचं तर मीही त्या दिवसाची वाट पाहतेय..."

महत्त्वाच्या इतर बातम्या :