Drishyam 3: 1 ट्विस्ट अन् स्टोरीला रंजक वळण, सस्पेन्स थ्रिलर 'दृश्यम 3' बॉक्स ऑफिसवर सुस्साट, किती कोटी कमावले?
Mohanlals Drishyam 3: 'दृश्यम 3' सिनेमाला प्रेक्षकांकडून भरभरुन प्रतिसाद. आठव्या दिवशी किती कोटींचा गल्ला जमवला?
Drishyam 3 Box Office Collection Day 8: दाक्षिणात्य सुपरस्टार मोहनलाल (Mohanlal) सध्या सस्पेन्स थ्रिलर 'दृश्यम 3' (Drishyam 3) या सिनेमामुळे चर्चेत आहे. 'दृश्यम' आणि 'दृश्यम 2' या दोन्ही सिनेमांना मिळालेल्या प्रचंड यशानंतर 'दृश्यम 3' (Entertainment) पाहण्यासाठी प्रेक्षकांनी सिनेमागृहात गर्दी केलीये. मोहनलाल यांनी पुन्हा एकदा दमदार अभिनय आणि रंजक कथेतून प्रेक्षकांचं मनोरंजन केलं. 21 मे रोजी प्रदर्शित झालेल्या 'दृश्यम 3' या सिनेमाने पहिल्याच दिवशी आपली बॉक्स ऑफिसवर (Box Office Collection) पकड मजबूत केली आहे. निरंतर 7 दिवस या सिनेमाने जबरदस्त घौडदौड केली आहे. दरम्यान, 8व्या दिवशी या सिनेमाने किती कोटींचे बॉक्स ऑफिस कलेक्शन केले? जाणून घेऊयात.
'दृश्यम 3' या सिनेमानं 8व्या दिवशी किती कोटींचे कलेक्शन केले? (Drishyam 3 Worldwide Box Office Collection)
मोहनलाल अभिनीत आणि जीतू जोसेफ दिग्दर्शित बहुप्रतिक्षित 'दृश्यम 3' या सिनेमानं बॉक्स ऑफिसवर अक्षरश: धुमाकूळ घातला आहे. पहिल्याच दिवशी या सिनेमानं बॉक्स ऑफिसवर शानदार ओपनिंग केली. 15.85 कोटींचे कलेक्शन करुन या सिनेमानं आपले बॉक्स ऑफिसवर खाते खोलले. ओपनिंग विकेंडलाही या सिनेमानं कमालीचे बॉक्स ऑफिस कलेक्शन केले.
View this post on Instagram
दरम्यान, वीकडेजमध्ये या सिनेमाच्या कमाईत बरेच चढ - उतार पाहायला मिळाले. तरीही पहिल्या आठवड्यात या सिनेमानं 75.30 कोटींचे जबरदस्त बॉक्स ऑफिस कलेक्शन केले आहे. 8 व्या दिवशीही 'दृश्यम 3' या सिनेमाची बॉक्स ऑफिसवर जादू चालली. सॅकनिल्कच्या अर्ली ट्रेंड रिपोर्ट्सनुसार, 'दृश्यम 3' या सिनेमानं प्रदर्शनाच्या आठव्या दिवशी 6.50 कोटींचे बॉक्स ऑफिस कलेक्शन केले आहे. म्हणजेच या सिनेमाचे 8 दिवसांचे बॉक्स ऑफिस कलेक्शन 81.80 कोटी इतके आहे.
विदेशातही 'दृश्यम 3'चा डंका (Drishyam 3 Overseas Box Office Collection)
क्राइम थ्रिलर 'दृश्यम 3' या सिनेमानं आंतरराष्ट्रीय स्तरावरही चांगली कामगिरी केली आहे. परदेशात या सिनेमानं आठव्या दिवशी 5.50 कोटींचे बॉक्स ऑफिस कलेक्शन केले आहे. 8 दिवसांत या सिनेमानं एकूण 103.00 कोटींचे बॉक्स ऑफिस कलेक्शन केले आहे. आतापर्यंत या सिनेमानं वर्ल्डवाइड 197.91 कोटींची कमाई केली आहे.
महत्त्वाच्या इतर बातम्या:
मोहन जोशी यांची 'देऊळ बंद'साठी कशी निवड झाली? प्रवीण तरडेंनी सांगितला खास किस्सा, म्हणाले...
ABP माझाच्या बातम्या LIVE..
महत्त्वाच्या बातम्या
