Video | सौभाग्याची मंगल घटिका! मिताली- सिद्धार्थच्या विवाहसोहळ्याचा टीझर व्हायरल
भावनांचं चित्रण आणि प्रेमाचा एक सुरेख प्रवास, मित्रमंडळींचा कल्ला हे सारंकाही अवघ्या काही मिनिटांच्या व्हिडीओतून पाहायला मिळत आहे.
मुंबई : प्रत्येक मुलीच्या लग्नसोहळ्याला यथासांग पार पडताना पाहून तिच्या आई-वडिलांचे डोळे नकळतच पाणवतात. शब्दांतही व्यक्त करता येणार नाही, अशाच या निस्वार्थ भावना. अशाच या भावनांचं चित्रण आणि प्रेमाचा एक सुरेख प्रवास, मित्रमंडळींचा कल्ला हे सारंकाही अवघ्या काही मिनिटांच्या व्हिडीओतून पाहायला मिळत आहे. निमित्त आहे ते म्हणजे अभिनेत्री मिताली मयेकर हिनं केलेली एक सोशल मीडिया पोस्ट.
साधारण काही दिवसांपूर्वीच मितालीनं अभिनेता सिद्धार्थ चांदेकर याच्यासह सहजीवनाच्या नव्या प्रवासाची सुरुवात केली. पुण्यानजीक असणाऱ्या ढेपे वाडा इथं त्यांचा विवाहसोहळा पार पडला. या सुरेख क्षणांची एक अतिशय गोड आठवणरुपी झलक मितालीनं सर्वांच्या भेटीला आणली आहे. अर्थात तिच्या लग्नसोहळ्याचा टीझर तिनं इन्स्टाग्रामवर शेअर केला आहे.
In Pics | मिताली- सिद्धार्थचं 'शुभमंगल'
लग्नसोहळ्यामध्ये मित्रमंडळींची धमाल आणि सुरु असणारी धांदल या टीझरमध्ये पाहायला मिळत आहे. तर, भावनांचा ओलावाही यामध्ये दिसत आहे. अस्सल मराठमोळा राजेशाही थाट आणि लग्नविधी हेसुद्धा या टीझरमधील मुख्य आकर्षण. 'आनंदी गोपाळ' या चित्रपटातील रंग मांळियेला या गाण्याची जोड आणि काही दृश्यांसाठी उडत्या तालाचं संगीत असा सुरेख मेळ साधत साधारण दीड मिनिटांचा हा व्हिडीओ पाहताना नकळतच हसू येतं.
View this post on Instagram
मिताली आणि सिद्धार्थच्या विवाहसोहळ्याती ही झलक पाहिल्यानंतर अनेकांनीच पुन्हा एकदा नव्यानं या जोडीला शुभेच्छा दिल्या आहेत. सोशल मीडियावर सक्रिय असणाऱ्या या दोन्ही कलाकारांनी कायमच त्यांच्या नात्याची अगदी मनमोकळेपणानं ग्वाही दिली. मितालीला प्रपोज करण्यापासून ते सप्तपदीपर्यंतचा प्रत्येक क्षण आणि प्रेमाचा हा प्रवास त्यांनी सातत्यानं चाहत्यांच्या भेटीला आणला.
महत्त्वाच्या बातम्या
