Mika Singh Swayamvar : नॅशनल टीव्हीवर मिका सिंह रचणार स्वयंवर! पतीपासून विभक्त झालेली राखी सावंतही सहभागी होणार?

Mika Singh : मिका सिंह हा लोकप्रिय गायक असून, त्याची अनेक गाणी सुपरहिट ठरली आहेत. विशेषतः तरुणाईची मिकाला अधिक पसंती आहे. अनेकदा त्याचे नाव वादातही अडकले आहे.

Mika Singh

Mika Singh : टीव्ही रिअॅलिटी शोच्या माध्यमातून अनेक सेलिब्रिटींनी त्यांचे स्वयंवर आयोजित केले होते. यात राखी सावंत (Rakhi Sawant), मल्लिका शेरावत (Mallika Sherawat), रतन राजपूत (Ratan Rajput), राहुल महाजन (Rahul Mahajan) यांच्यासह अनेक सेलिब्रिटींचा समावेश होता. आता या यादीत आणखी एका नावाची भर पडणार आहे. लोकप्रिय गायक मिका सिंहदेखील (Mika Singh)  रिअॅलिटी शोच्या माध्यमातून आपला जीवनसाथी शोधण्याच्या तयारीत आहे.

मिका सिंह हा लोकप्रिय गायक असून, त्याची अनेक गाणी सुपरहिट ठरली आहेत. विशेषतः तरुणाईची मिकाला अधिक पसंती आहे. अनेकदा त्याचे नाव वादातही अडकले आहे.

कसा असेल शो?

टीव्हीवर या प्रकारचे शो नेहमीच सुपरहिट ठरले आहेत. त्यामुळे हा शो रंजक होणार यात शंकाच नाही. मीडिया रिपोर्टनुसार शोबाबत सर्व नियोजन पूर्ण झाले आहे. हा एक रिअॅलिटी शो असेल, जो एखाद्या स्वयंवरासारखाच असेल. शोच्या स्वरूपाबाबतही संपूर्ण नियोजन करण्यात आले आहे. या शोमधून मिका केवळ एक साथी निवडेल. यानंतर तो वैयक्तिक आयुष्यात निर्णय घेईल आणि नात्याला पुढे नेईल. मिका सिंह स्वतः या शोमध्ये सहभागी होण्यासाठी खूप उत्सुक आहे.

राखी सावंतही सहभागी होणार?

‘ड्रामा क्वीन’ राखी सावंतदेखील या शोमध्ये सहभागी होणार असल्याची चर्चा आहे. याआधी दोघांमध्ये बरच वाद झाले होते. एका पार्टीत मिकाने राखी सावंतचे जबरदस्तीने चुंबन घेतले होते, त्यानंतर दोघांमध्ये बराच काळ वाद सुरु होता. मात्र, नंतर दोघांनी हा परस्पर वाद मिटवला. आता राखी सावंतदेखील मिका सिंहच्या या शोचा भाग असू शकते, अशी अटकळ बांधली जात आहे.

आता या नव्या शोमधून प्रेक्षकांना देखील मनोरंजनाची नवी मेजवानी मिळणार आहे. या शोमधून मिकाला त्याची जीवनसाथी मिळणार का, याकडे साऱ्यांचेच लक्ष लागले आहे.

हेही वाचा :

LIVE TV | मराठी बातम्या, ब्रेकिंग न्यूज, महाराष्ट्रासह देश-विदेशातील प्रत्येक घडामोडी पाहा लाईव्ह - ABP Majha