Marathi Play : प्रेमाचा बहर आणि हास्यकल्लोळ करणार रंगभूमी 'हाऊसफुल्ल', नव्या नाटाकाचा शुभारंभ
Marathi Play : प्रेक्षकांना खुर्चीत खिळवून ठेवण्यास हाऊसफुल्ल हे नाटक सज्ज झालंय. मंगळवार 17 डिसेंबर रोजी या नाटकाच्या शुभारंभाचा प्रयोग संपन्न झाला.
Marathi Play : सध्या प्रेक्षकवर्गाचा कल हा नाट्यगृहाकडे अधिक आहे. अनेक दर्जेदार नाटकं रंगभूमी गाजवताना दिसतायत. या यादीत आता आणखी एका विनोदी नाटकाची एन्ट्री झालीये. प्रेक्षकांना खळखळून हसवणारे आणि त्यांना नाटक पाहण्याची रुची निर्माण करुन समाधान देणारे एक नवीन कोरं विनोदी नाटक व्यावसायिक रंगभूमीवर आलंय. 'हाऊसफुल' असे नाटकाचं नाव असून हास्याने प्रेक्षकांना खुर्चीत खिळवून ठेवण्यास हाऊसफुल्ल हे नाटक सज्ज झालंय. मंगळवार 17 डिसेंबर रोजी या नाटकाच्या शुभारंभाचा प्रयोग संपन्न झाला.
'राजीव पाटील फिल्म प्रॉडक्शन'च्या अंतर्गत हाऊसफुल या नाटकाची निर्मिती करण्यात आली आहे. रोमँटिक लव्ह-स्टोरीचा अँगल असलेलं हे नाटक प्रासंगिक विनोदाच्या माध्यमातून दोन तास लोकांचं निखळ मनोरंजन करणार आहे. या नाटकाचे लेखक-दिग्दर्शक म्हणून महेश रोहिणी यांनी बाजू सांभाळली आहे. तर निर्माते राजीव पाटील यांनी या नाटकाची निर्मिती केली आहे. अभिनेता सौरव कपडे, सागर पळशीकर, प्रतीक्षा बारवकर, शितल करंजे,संभाजी बारबोले, तेजस्विनी साळुंके, महेश रोहिणी ही कलाकार मंडळी विनोदाची निराळी शाळा या नाटकाद्वारे भरवताना दिसणार आहेत.
नाटकाचे भव्यदिव्य सेट्स गणेश राऊत आणि सुरज वांजळे यांनी बनवले असून या नाटकाचे संगीतही मंत्रमुग्ध करुन सोडणार आहे. हाऊसफुल्ल या विनोदी नाटकाच्या शुभारंभाचे प्रयोग पुणे येथील कोथरूड आणि हडपसरमधून झाला. त्यानंतर आता संपूर्ण महाराष्ट्रात या नाटकाचे प्रयोग होणार आहेत. प्रेक्षकांना खळखळून हसवण्यासाठी रोमँटिक लव्ह स्टोरीच्या मार्फत रसिकांना मंत्रमुग्ध करण्यासाठी हे नाटक सज्ज होत आहे.
या नाटकाबाबत बोलताना निर्माते राजीव पाटील असे म्हणाले की, "सुरुवातीपासूनच मला नाटक पाहण्याची आवड होती आणि ते पाहत असताना आपणही कधीतरी एखादया नाटकाची निर्मिती करावं असं माझ्या डोक्यात होतं आणि तो योग या 'हाउसफुल' नाटकाच्या निमित्ताने जुळून आला. या नाटकाचे दिग्दर्शक महेश रोहिणी आणि त्यांच्या टीमने भेटून नाटक दाखवलं आणि मला या नाटकाची कन्सेप्ट फार आवडली. त्यानंतर मी 'हाऊसफुल' या नाटकाची निर्मिती करायचं ठरवलं".
ही बातमी वाचा :
महत्त्वाच्या बातम्या
ट्रेंडिंग न्यूज
