Priyadarshini Indalkar On Love And Marriage: 'आत्ताच्या पिढीलाच हे इतकं कठीण जातंय, पुढच्या पिढीचं काय होणार?'; प्रेमाबद्दल प्रियदर्शिनी इंदलकरनं मांडलं भयाण वास्तव
Priyadarshini Indalkar On Love And Marriage: प्रियदर्शनीला लग्न करायचंय, पण सध्याची परिस्थिती पाहता ती फारच द्विधा मनस्थितीत अडकल्याचं ती सांगतेय.
Priyadarshini Indalkar On Love And Marriage: आपल्या विनोदी अभिनयामुळे घराघरात पोहोचलेली अभिनेत्री प्रियदर्शनी इंदलकर (Priyadarshini Indalkar) म्हणजे, अनेक तरुणांच्या गळ्यातील ताईत. 'महाराष्ट्राची हास्यजत्रा' या कार्यक्रमातून घराघरांत पोहोचलेल्या प्रियदर्शनीनं अनेक मराठी सिनेमांमध्येही काम केलंय. तिचे 'रुखवत' आणि 'दशावतार' हे सिनेमे तुफान चालले. नुकत्याच दिलेल्या एका मुलाखतीत प्रियदर्शनीनं लग्न, प्रेम या विषयांवर भाष्य केलं.
प्रियदर्शनीला लग्न करायचंय, पण सध्याची परिस्थिती पाहता ती फारच द्विधा मनस्थितीत अडकल्याचं ती सांगतेय. प्रियदर्शनीनं नुकतीच 'लोकमत फिल्मी'ला मुलाखत दिली. या मुलाखतीत बोलताना तिनं प्रेमाबद्दलचं भयाण वास्तव मांडलं आहे.
अभिनेत्री प्रियदर्शनी इंदलकर काय म्हणाली?
अभिनेत्री प्रियदर्शिनी इंदलकर म्हणाली की, "आज सोशल मीडियावर 10 पोस्ट पाहिल्या तर एक पोस्ट म्हणते की, प्रेम सगळं काही आहे... दुसरी पोस्ट म्हणते की, प्रेमात आंधळे होऊ नका, करिअरकडे लक्ष द्या... पुढची पोस्ट म्हणते की, आत्मसन्मान महत्वाचा आहे, प्रेम वगैरे सगळं नंतर... पुढे कपल्सवर एखादी कॉमेडी रील दिसते, तर कधी कपल्सचे सुंदर फोटो पाहून आपल्यालाही असा पार्टनर हवा असं वाटतं..."
पुढे बोलताना प्रियदर्शनी इंदलकर म्हणाली की, "एवढी स्वप्न दाखवणारं सोशल मीडिया झालं आहे. एक खोटं जग आपल्या समोर तयार होतं... त्यामुळे लग्नाचा निर्णय घेणं आता आणखी कठीण झालं आहे. कारण एका निर्णयावर ठामच राहता येत नाही... खूप फाटे फुटतात... सोशल मीडियावर आपलं इतकं ब्रेन रॉटिंग सुरू आहे, त्यामुळे आपल्या पिढीला आता आयुष्यातला इतका मोठा निर्णय घेणं खूप कठीण झालं आहे. आत्ताच्या पिढीलाच हे इतकं कठीण जातंय पुढच्या पिढीचं काय होणार...?"
"सध्या घटस्फोटाचं प्रमाणही वाढतंय... तुम्ही जर वयाची तिशी ओलांडली असेल आणि अविवाहित असाल तर तुम्ही एक घटस्फोट चुकवला असं सध्या म्हटलं जातं. कारण अनेक असे लोक आहेत, ज्यांनी पंचविशीत लग्न केलंय आणि 30 व्या वर्षी त्यांचा घटस्फोट झालाय... ही खूप भयानक परिस्थिती आहे... पण तरी प्रेम, लग्न याबद्दल मी अजूनही आशावादी आहे. मला तर नक्कीच लग्न करायचंय पण एकंदर सगळी परिस्थिती पाहता जरा द्विधा मन:स्थिती आहे.", असं प्रियदर्शनी इंदलकरचं म्हणणं आहे.
Before You Go
Tiger Shroff Car Attack: बॉलिवूडमधली पहिली सुपारी ते टायगर श्रॉफवर गोळीबार, VIDEO
महत्त्वाच्या बातम्या
