Shehar Phadke: प्रसिद्ध मराठी अभिनेत्यावर कोसळला दु:खाचा डोगर; वाढदिवसाच्या दिवशीच वडिलांनी घेतला अखेरचा श्वास
Shekhar Phadkes Father Passes Away: अभिनेता शेखर फडकेच्या वडिलांचे निधन झाले आहे. वयाच्या 76 व्या वर्षी अखेरचा श्वास घेतला.
Marathi Actor Shekhar Phadke Father Passes Away: मनोरंजनसृष्टीतून एक दु:खद बातमी समोर येत आहे. मराठी अभिनेता (Marathi Actor) शेखर फडकेवर (Shekhar Phadke) दु:खाचा डोंगर कोसळला आहे. अभिनेत्याच्या वडिलांचे निधन झाले आहे. 6 एप्रिल 2026 रोजी वयाच्या 76 व्या वर्षी त्यांनी अखेरचा श्वास घेतला. विजयकुमार फडके असे शेखरच्या वडिलांचे नाव असून, त्यांच्या निधनानंतर फडके कुटुंबावर दु:खाचा डोंगर कोसळला आहे. त्यांच्या निधनानंतर शेखरने सोशल मीडियावर एक पोस्ट शेअर केली आहे. या पोस्टमध्ये त्याने वडिलांच्या निधनाची माहिती आपल्या चाहत्यांना दिली. शेखरच्या पोस्टवर नेटकऱ्यांनी कमेंट करुन दु:ख व्यक्त केलं. तसेच श्रध्दांजली वाहिली. तसेच सेलिब्रिटींनीही कमेंटद्वारे श्रध्दांजली वाहिली.
मराठी अभिनेता शेखर फडकेला पितृशोक (Shekhar Phadke Father Death)
शेखर फडकेनं आपल्या वडिलांसाठी इन्स्टाग्रामवर एक पोस्ट शेअर केली आहे. या पोस्टमध्ये अभिनेत्याने वडिलांचा फोटो शेअर केला. तसेच कॅप्शनमधून आपलं दु:ख व्यक्त केलं. 'अतिशय दु:खद बातमी.. आज दिनांक 6 एप्रिल रोजी माझ्या बाबांना (विजयकुमार फडके) यांना देवाज्ञा झाली. पहाटे 2 वाजता त्यांचं निधन झालं. माझे बाबा 76 वर्षांचे होते. मुख्य म्हणजे आजच त्यांचा वाढदिवस होता. (6 एप्रिल 1949 - 6 एप्रिल 2026). बाबांच्या पुढील प्रवासासाठी तुमची प्रार्थना उपयोगी पडेल... यासाठी तुम्हाला कळवत आहोत (मी शेखर फडके आणि माझा भाऊ शिरीष फडके आणि परिवार)..' असं अभिनेत्यानं आपल्या कॅप्शनमध्ये म्हटलं आहे.
सेलिब्रिटी अन् नेटकऱ्यांनी अभिनेत्याच्या वडिलांवर श्रद्धांजली वाहिली (Shekhar Phadke Father Passes Away)
View this post on Instagram
शेखर फडकेच्या पोस्टवर नेटकरी तसेच सेलिब्रिटींनी कमेंटद्वारे श्रध्दांजली वाहिली आहे. 'ईश्वर त्यांच्या आत्म्यास चिरशांती देवो' असं म्हणत शेखरच्या चाहत्यांनी त्यांच्या बाबांना श्रध्दांजली वाहिली आहे. शेखर सध्या कठीण परिस्थितीतून जात असून, अनेकांनी त्याला धीर दिला आहे. शेखर फडकेबद्दल बोलायचं झाल्यास, अभिनेत्याने आपल्या कारकि‍र्दीत मराठी नाटक, चित्रपट आणि मालिकांमध्येही काम केलं आहे. त्यानं अनेक मराठी मालिकांमध्ये खलनायकाचीही भूमिका साकारलीये. त्यानं कायम आपल्या भूमिकेतून प्रेक्षकांचं लक्ष वेधून घेतलं आहे. त्याच्या अभिनयाचे अनेक पैलू आपल्याला पाहायला मिळतात. 'तू माझा सांगाती' या मालिकेतील त्याच्या भूमिकेनं प्रेक्षकांचं लक्ष वेधून घेतलं होतं. दरम्यान, शेखर सध्या 'तू ही रे माझा मितवा' या स्टार प्रवाहवरील मालिकेत झळकत आहे. त्याच्या अभिनयाचं कायम कौतुक होत आलं आहे.
महत्त्वाच्या इतर बातम्या:
प्लास्टिकच्या बरणीत श्वानाचं तोंड अडकलं, 3-4 दिवस अन्न, पाणीविना भटकला; मराठी अभिनेत्री धावली मदतीला
महत्त्वाच्या बातम्या
