Sachin Pilgaonkar on Marathi Movie: 'मुंबईपेक्षा पुण्यात मराठी चित्रपट जास्त चालतो'; मराठी चित्रपटांबाबत सचिन पिळगावकर नेमकं काय म्हणाले?

Sachin Pilgaonkaron Marathi Films: मराठी चित्रपटांबाबत सचिन पिळगावकर नेमकं काय म्हणाले?

Sachin Pilgaonkar on Marathi Films

Source : canva

Sachin Pilgaonkar: मराठीसह हिंदी सिनेसृष्टीतील (Bollywood) अष्टपैलू अभिनेते सचिन पिळगावकर (Sachin Pilgaonkar) केवळ आपल्या अभिनयासाठी ओळखले जात नाहीत तर, त्यांनी आपल्या कारकि‍र्दीत दिग्दर्शनातही आपला ठसा उमटवला आहे. सचिन पिळगावकर यांचा चाहतावर्ग (Sachin Pilgaonkar fan) खूप मोठा आहे. त्यांनी आपल्या कारकि‍र्दीत बऱ्याच सिनेमांमध्ये काम केलं आहे. सचिन पिळगावकर आपल्या बेधडक वक्तव्यांसाठी ओळखले जातात. बरेच किस्से सचिन पिळगावकर आपल्या मुलाखतीत शेअर करत असतात. अलिकडेच त्यांनी मुलाखत दिली होती. या मुलाखतीत त्यांनी बरेच किस्से शेअर केले आहेत. यावेळी त्यांनी पुण्यातील लोकांचं कौतुक केलं आहे.  'पुण्यातील लोकांनी मराठी जास्त जोपासली आहे', असं त्यांनी म्हटलं आहे. सचिन पिळगावकर नेमकं काय म्हणाले? पाहूयात.

सचिन पिळगावकर म्हणाले की, पुण्यातील लोकांनी मराठी जोपासली आहे, कारण... (Sachin Pilgaonkar Says Marathi Films Perform Better in Pune)

सचिन पिळगावकर यांनी अलिकडेच अमुक तमूकला मुलाखत दिली होती. या मुलाखतीत सचिन पिळगावकर म्हणाले की, 'एवढं मात्र नक्की की, मुंबईपेक्षा जास्त चित्रपट पुण्यात चालतो. त्याचं मूळ कारण म्हणजे, मुंबईपेक्षा जास्त पुण्यातल्या लोकांनी मराठी जोपासली आहे, आणि  ही वस्तुस्थिती आहे. मुंबई म्हणालात तर, इतर भाषा सुद्धा महत्त्वाच्या आहेत. मराठी नाही असं आपण नाही म्हणू शकत नाही. मुंबईमध्ये सुद्धा उत्तम चित्रपटांचाही चांगला बिझनेस होतो.  नाही असं नाही'.

'पूर्वी बघावं लागायचं नाही, पण आता बघावं लागतं की, त्यात किती मराठीपण आहे. तुम्ही पुणे, मुंबई, कोल्हापूर म्हणताय, मी तर त्याच्याहून दुसरीकडे जाऊन म्हणतोय की, ते तर आहेच, पण त्या आधी बघा चित्रपट मराठी आहे की नाही. फक्त भाषाच मराठी असली की, त्याला आपण मराठी सिनेमा कसा म्हणायचा? त्याचा गाभा मराठी पाहिजे. मराठी चित्रपट पाहत असताना, प्रेक्षकांना वाटलं पाहिजे की, हा मराठी सिनेमा आहे. त्यामुळे तुम्ही मराठीपण टिकवू शकता.  या सिनेसृष्टीत आहेत, असे काही फिल्ममेकर्स आहेत, ज्यांनी मराठीपण टिकवून ठेवंल आहे', असं सचिन पिळगवकर म्हणाले.

महत्त्वाच्या इतर बातम्या: