Marathi Actor Nachiket Lele: मराठी अभिनेत्याची चांदीच चांदी; 'तुला पाहता' सिनेमात अभिनेता म्हणून झळकणार, सोबतच सिनेमासाठी गाणंही गाणार
Marathi Actor Nachiket Lele: 'तुला पाहता' चित्रपटाचं लेखन दिग्दर्शन मयूरा प्रधान यांचंच आहे. पुष्कर झोटिंग यांनी छायांकन, रोहित प्रधान यांनी ध्वनी आरेखन, रोहन प्रधान, रोहन गोखले यांनी संगीत दिग्दर्शन, तर दीपाली विचारे यांनी नृत्य दिग्दर्शनाद्वारे साथ दिली आहे.
Marathi Actor Nachiket Lele: आजवर अनेक रिऍलिटी शोच्या (Reality television) माध्यमातून आपल्या सुमधुर आवाजानं घराघरांत पोहचलेला नचिकेत लेले (Nachiket Lele) आता आपली एक वेगळी इनिंग सुरू करण्यासाठी सज्ज झाला आहे. ब्रेव्ह व्हील प्रॉडक्शन्सच्या मयुरा प्रधान यांची निर्मीती असलेल्या, आगामी 'तुला पाहता' (Tula Pahta) या सिनेमाच्या निमित्तानं नचिकेत हा अभिनेता आणि सिनेमाचा पार्श्वगायक (Film Playback Singer) म्हणून पदार्पण करण्यासाठी सज्ज झाला आहे. येत्या 10 जुलैला 'तुला पाहता' (Tula Pahta) हा सिनेमात जगभरात प्रदर्शित होणार आहे.
'तुला पाहता' चित्रपटाचं लेखन दिग्दर्शन मयूरा प्रधान यांचंच आहे. पुष्कर झोटिंग यांनी छायांकन, रोहित प्रधान यांनी ध्वनी आरेखन, रोहन प्रधान, रोहन गोखले यांनी संगीत दिग्दर्शन, तर दीपाली विचारे यांनी नृत्य दिग्दर्शनाद्वारे साथ दिली आहे. चित्रपटात सतीश पुळेकर, इला भाटे यांच्यासह नचिकेत लेले, मानसी पाटील, निशिगंधा वाड, आनंद काळे, दीपाली विचारे, पल्लवी अजय, स्वप्नील परजाणे, आकाश शिंदे अशी उत्तम स्टारकास्ट आहे. नव्या-जुन्या पिढीच्या कलाकारांचा दर्जेदार अभिनय या चित्रपटातून पाहता येणार आहे.
मनाला भुरळ घालणाऱ्या या चित्रपटातील 'दूर दूर' हे गाणं सोशल मीडियावर लाँच करण्यात आलं आहे. नचिकेत लेले आणि सई गोडबोले यांच्या सुमधुर आवाजात स्वरबद्ध करण्यात आल असून संगीतकार रोहन-रोहन या जोडीनं या गीताला संगीत दिलंय. संगीतकार रोहन गोखले यानं हे गीत लिहीलं असून गीतकार म्हणून त्याचं ही या चित्रपटाच्या निमित्तानं पदार्पण आहे.
'तुला पाहता' हा चित्रपट माझ्यासाठी खरंच लकी आहे. करिअरमधील पहिल्याच चित्रपटात मुख्य नायक आणि पार्श्वगायक अशा दोन्ही महत्वपूर्ण भूमिका मला साकारण्याची संधी मला दिल्याबद्दल मी या चित्रपटाच्या लेखिका, दिग्दर्शिका आणि निर्मात्या मयुरा प्रधान यांचं मनापासून आभार मानतो असं अभिनेता, पार्श्वगायक नचिकेत लेले यानं सांगितलं.
महत्त्वाच्या इतर बातम्या :
ABP Majha च्या बातम्या LIVE
महत्त्वाच्या बातम्या
