Majha Katta : टीव्हीवर पाहिलं अन् म्हणाली हाच होणार माझा नवरा, जिंतेद्र जोशीच्या पत्नीचा भन्नाट किस्सा

मराठी चित्रपट सृष्टीतील आघाडीचा अभिनेता जितेंद्र जोशीने त्याचं आणि पत्नीचं लग्न कसं जमलं हे सांगताना एक भन्नाट किस्सा सांगितला आहे.

अभिनेता जितेंद्र जोशी पत्नी मितालीसह (सौजन्य - जितेंद्र जोशी Instagram)

Majha Katta : अभिनेता जितेंद्र जोशी (Jitendra Joshi) याने त्याच्या प्रेमकहाणीबद्दलचा एक भन्नाट किस्सा शेअर केला. जिंतेद्र त्याच्या गोदावरी (Godavari) या सिनेमाच्या निमित्ताने एबीपीच्या माझा कट्टा या विशेष कार्यक्रमात दिग्दर्शक निखिल महाजनसोबत आला होता. यावेळी जितेंद्रला त्याची पत्नी मिताली आणि त्याच्या पहिल्या भेटीबाबत विचारलं असताना त्याने त्यावेळीच्या काही आठवणी जागवल्या.

जितेंद्रची पत्नी मितालीने आधी जितेंद्रसमोर प्रेमाची साक्ष दिली असल्याचं जितेंद्रने सांगितलं. पण त्याआधी तिने मैत्रीणींसोबत असताना जिंतेद्रला टीव्हीवर पाहिलं असता हाच माझा नवरा होणार असं ठसकावून सांगितलं होतं. जितेंद्रने याबाबत मितालीच्या मैत्रींनीनाही विचारल्याचं त्याने सांगितलं. मिताली त्याच्यावर खूप प्रेम करत असल्याचंही जितेंद्रने यावेळी सांगितलं. दरम्यान जितेंद्र आणि मिताली यांना रेवा नावाची एक मुलगी देखील आहे.

प्रेक्षकांना भारावून टाकणारा सिनेमा

गोदावरी सिनेमाबाबत सांगताना जितेंद्रने सिनेमा प्रेक्षकांना किती भावला याबद्दल काही किस्से सांगितले. यावेळी सिनेमा पाहून अभिनेता पुष्कर क्षोत्री, अभिनेती अमृता खानविलकर असे अनेकजण भारावून जाऊन अक्षरश: रडत असल्याचं जितेंद्रने सांगितलं. तर दिग्दर्शक नागराज मंजुळे, सतीश कौशिक यांनीही सिनेमाचं खास कौतुक केल्याचं जितेंद्र म्हणाला. तर अनेक प्रेक्षकांनी सिनेमाचं कौतुक करताना सिनेमा पाहताना आपण स्वत: गोदावरी नदीत उतरल्यासारखं वाटत असल्याचंही सांगितलं. अशा सिनेमाबद्दलच्या अनेक भन्नाट गोष्टी जितेंद्र आणि निखिलने माझा कट्टा या कार्यक्रमात बोलताना शेअर केल्या.

   

हे ही वाचा