Anshuman Vichare Third Home In Mumbai: 'महाराष्ट्राची हास्यजत्रा' फेम अभिनेत्यानं मुंबईत घेतलं हक्काचं तिसरं घर; पत्नीनं VIDEO शेअर करुन दाखवली झलक
Marathi Actor Anshuman Vichare Third Home In Mumbai: गुढीपाडव्याच्या मुहुर्तावर अंशुमन आणि पल्लवीनं मुंबईत नवं घर खरेदी केल्याची बातमी चाहत्यांना दिली होती. तर आता हे कुटुंब नव्या घरात शिफ्ट झालं आहे.
Marathi Actor Anshuman Vichare Third Home In Mumbai: सूंपर्ण महाराष्ट्राला (Maharashtra News) खळखळून हसवणारा शो म्हणजे, 'महाराष्ट्राची हास्यजत्रा' (Maharashtrachi Hasyajatra). या शोमधून घराघरांत पोहोचलेला मराठमोळा अभिनेता (Marathi Actor) अंशुमन विचारे (Anshuman Vichare) नेहमीच चर्चेत असतो. तो त्याचे वेगवेगळे अनुभव, व्हिडीओच्या माध्यमातून शेअर करत असतो. तसेच, त्याची पत्नी पल्लवी विचारे (Pallavi Vichare सुद्धा सोशल मीडियावर कमालीची अॅक्टिव्ह असते. गुढिपाडव्याच्या मुहूर्तावर अंशुमन विचारे आणि त्याची पत्नी पल्लवी हिनं नवं घर घेतल्याची गूड न्यूज चाहत्यांसोबत शेअर केलेली. आता पुन्हा एकदा त्यांनी चाहत्यांसोबत या नव्या घरातला व्हिडीओ शेअर केला आहे.
गुढीपाडव्याच्या मुहुर्तावर अंशुमन (Anshuman Vichare Third Home In Mumbai) आणि पल्लवीनं मुंबईत नवं घर खरेदी केल्याची बातमी चाहत्यांना दिली होती. तर आता हे कुटुंब नव्या घरात शिफ्ट झालं आहे. विशेष म्हणजे, हे त्यांचं तिसरं घर आहे. पल्लवी विचारे हिनं सोशल मीडियावर व्हिडीओ शेअर केला आहे.
पल्लवी विचारे हिनं शेअर केलाय VIDEO
अभिनेता अंशुमन विचारे याची पत्नी पल्लवी विचारे हिनं आपल्या नव्या घराचा एक व्हिडीओ सोशल मीडियावर शेअर केलाय. पल्लवी विचारेनं इन्स्टाग्रामवर व्हिडीओ पोस्ट केला असून त्यांच्या नव्या घराची झलक दाखवली आहे. व्हिडीओमध्ये दिसतंय की, हॉलमध्ये छोटी पूजा मांडण्यात आलीय. नैवेद्य दाखवला आहे. दाराबाहेर रांगोळी, भिंतीवर स्वस्तिक काढलेलं आहे. तर चुलीवर दूध तापवलेलं दिसतंय. पल्लवी म्हणते, "अधिक महिना सुरू होण्याआधी आम्ही घरी गणेशपूजन केलंय. कारण आम्हाला शिफ्ट व्हायचंय. काम अजून सुरू आहे, थोडं बाकी आहे... बऱ्यापैकी बाकी आहे. नंतर घराची टूर नक्कीच दाखवेन..."
"अन्वीनं बनवली छोटीशी चूल... गणेश पूजन अधिक महिना सुरू होण्याआधीच करून घेतलंय...", असं कॅप्शन तिनं इन्स्टा पोस्टला दिलं आहे. याआधी गुढीपाडव्याला पल्लवीनं पोस्ट करुन नवं घर घेतल्याची गूड न्यूज शेअर केली होती. त्यात तिनं लिहिलेलं की, "गुढी पाडव्याच्या सगळ्यांना खूप खूप शुभेच्छा आणि आजच्या दिवशी आमच्या आयुष्यात आलेल हे तिसरं घर आणि आभाळभर झालेला आनंद तुम्हा सगळ्यांसोबत साजरा करण्यासाठी ही छोटीशी Post...", असं अंशुमन विचारे यांनी लिहिलेलं.
अभिनेता अंशमन विचारे आणि त्याची पत्नी पल्लवी यांना त्यांच्या नव्या घरासाठी सेलिब्रिटी आणि चाहत्यांकडून शुभेच्छा दिल्या जात आहे. पल्लवीनं शेअर केलेल्या पोस्टवर अनेकांनी कमेंट करुन आनंद व्यक्त केला आहे. त्यासोबत जोडप्यावर अभिनंदानाचा वर्षाव केला जात आहे.
महत्त्वाच्या इतर बातम्या :
Before You Go
Arjun Tendulkar Weds Saaniya Chandhok : अर्जुन-सानिया लग्नबंधनात ! स्टायलिश लूकने वेधलं लक्ष
महत्त्वाच्या बातम्या
