Mansi Kulkarni on Second marriage: दुसऱ्या लग्नाबाबत मानसी कुलकर्णीचा विचार काय? म्हणाली, ' लेक लहान अन् सासरचे म्हणतात दुसरं लग्न...'
Mansi Kulkarni on Second marriage: मानसी कुलकर्णी दुसऱ्या लग्नाबाबत नेमकं काय म्हणाली?
Mansi Kulkarni on Second Marriage: ग्लॅमरच्या पडद्यामागे कलाकारांच्या आयुष्यात बरेच चढउतार येतात. पण अभिनयाच्या मुखवट्यामागे कलाकार बऱ्याच गोष्टी लपवतात अन् शो मस्ट गो ऑन असं म्हणतात. काही प्रोफेशनल तर, काही जण वैयक्तिक आयुष्यामुळे चर्चेत असतात. अभिनेत्री मानसी कुलकर्णी (Mansi Kulkarni) सध्या आपल्या वैयक्तिक आयुष्यामुळे चर्चेत आहे. अनेक कलाकार आपल्या पार्टनरपासून विभक्त होतात. मानसी कुलकर्णी सध्या सिंगल पॅरेंट म्हणून आपल्या लेकीला सांभाळत आहे. दरम्यान, तिला घरातील सदस्यांकडून दुसरं लग्न करण्यासाठी सल्ला दिला जात आहे. पण तिने अद्याप दुसरं लग्न करण्याचा विचार केला नसल्याचं मुलाखतीत सांगितलं. मानसी कुलकर्णीचा दुसरं लग्न (Second Marriage) करण्याविषयी विचार काय? तिने दुसरं लग्न का केलं नाही? (Actress) यावर तिने मुलाखतीत (Entertainment) प्रतिक्रिया दिली आहे.
दुसऱ्या लग्नाबाबत मानसी कुलकर्णी नेमकं काय म्हणाली? (Mansi Kulkarni Shars How in laws Supports her for second marriage)
अलिकडेच मराठी अभिनेत्री मानसी कुलकर्णी हिने इट्स मज्जाला मुलाखत दिली होती. या मुलाखतीत तिने, दुसऱ्या लग्नाबद्दल आपली प्रतिक्रिया दिली. अभिनेत्री म्हणाली की, 'मला घरचे, अजूनही, तरुण आहेस, दुसरं लग्न करण्याचा विचार कर, असं सांगतात. कुटुंब, मित्रपरिवार, नातेवाईक लग्न करण्याचा सल्ला देतात. माझे सासरकडचे लोकही याविषयी माझ्याशी बोलले आहेत. लग्न करण्यासाठी सपोर्ट करत असल्याचं त्यांनी सांगितलं. लेक लहान आहे, वयही झालं नाही, असं मला सांगितलं'.
'मी स्वत:वर इतक्या मर्यादा घातल्या नाहीत, पण मला सध्या तशी काही गरज वाटत नाही', असं मानसी कुलकर्णी म्हणाली. 'मी स्वत:ला स्ट्राँग ठेवते असं नाही. कधीतरी मी देखील कोलमडते. शेवटी मी देखील माणूस आहे. फिजिकलपेक्षा मानसिकरित्या स्वत:ला स्ट्राँग ठेवायला खूप मेहनत घ्यावी लागते. शारीरिक फिटनेससाठी योगा, व्यायाम बरेच पर्याय आहेत. पण मेंटल हेल्थ स्ट्राँग ठेवण्यासाठी कोणतेही क्लासेस नाहीत. आपल्याला यासाठी मेहनत घ्यावी लागते', असं मानसी म्हणाली.
'वाईट काळात कुणीतरी सोबत असावं, काही शेअर करण्यासाठी, समजून घ्यायला कुणीतरी हवं, असं वाटतं. नाही कोण तर मग, अशावेळी मी वॉकला जाते. अशा स्थितीत माझ्या लेकीने मला असं बघू नये, असं वाटतं. कारण तिच्यावर काय परिणाम होईल, हे मला ठाऊक नाही. तो परिणाम निगेटिव्ह होऊ नये, असं वाटतं. मी बाहेर असेन तर, एकटीच बाहेर थांबून शांत होते. मी तिच्यापासून माझे सगळे इमोशन्स लपवून ठेवेन असं नाही. लेक मोठी झाली की तिच्यासमोर नक्कीच व्यक्त होईल. माझे गुरु आहेत, जे सतत माझ्या पाठीशी उभे असतात, त्यांच्यासमोर शेअर करते. माझ्या बहिणीबरोबरही सगळं काही शेअर करते', असं मानसी कुलकर्णी म्हणाली.
महत्त्वाच्या इतर बातम्या:
महत्त्वाच्या बातम्या
