Pushpa 2: पुष्पा-2 मध्ये करणार काम? मनोज वाजपेयी यांची भन्नाट प्रतिक्रिया
प्रसिद्ध अभिनेते मनोज वाजपेयी (Manoj Bajpayee) देखील पुष्पा-2 (Pushpa-2) या चित्रपटामध्ये प्रमुख भूमिका साकारणार आहेत, अशी चर्चा आहे.
Allu Arjun : दाक्षिणात्य चित्रपटसृष्टीमधील प्रसिद्ध अभिनेता अल्लू अर्जुननं (Allu Arjun) त्याच्या ‘पुष्पा’ (Pushpa: The Rise) या चित्रपटामधून विशेष लोकप्रियता मिळवली. पुष्पा द राइज या चित्रपटानं बॉक्स ऑफिसवर धुमाकूळ घातला. आता या चित्रपटाचा दुसरा भाग म्हणजेच पुष्पा-2 (Pushpa-2) लवकरच प्रेक्षकांच्या भेटीस येणार आहे. अल्लू अर्जुनचे चाहते पुष्पाः2 या चित्रपटाची उत्सुकतेने वाट बघत आहेत. प्रसिद्ध अभिनेते मनोज वाजपेयी (Manoj Bajpayee) देखील या चित्रपटामध्ये प्रमुख भूमिका साकारणार आहेत, अशी चर्चा आहे. आता या चर्चेवर मनोज वाजपेयी यांनी प्रतिक्रिया दिली आहे.
एका ट्वीटमध्ये पुष्पा चित्रपटाच्या दुसऱ्या भागामध्ये मनोज वाजपेयी हे एका पोलीस अधिकाऱ्याची भूमिका साकारणार आहेत, असं लिहिलं होतं. या ट्वीटला मनोज वाजपेयी यांनी भन्नाट रिप्लाय दिला. 'कुठून या बातम्या आणता तुम्ही?' त्यामुळे आता मनोज वाजपेयी हे पुष्पा चित्रपटात काम करणार नाहीत, हे स्पष्ट झालं आहे.
कहाँ कहाँ से समाचार लातें हैं आप लोग ? 😂😂 https://t.co/O6RBDwMUAK
— manoj bajpayee (@BajpayeeManoj) July 20, 2022
पुष्पा द राइज हा चित्रपट 2021 मध्ये जगभरात रिलीज झाला होता. या चित्रपटानं बॉक्स ऑफिसवर धुमाकूळ घातला. सुकुमार द्वारा यांनी पुष्पा: द राइज या चित्रपटाचं दिग्दर्शन केलं आहे. या चित्रपटाचा दुसरा भाग लवकरच प्रेक्षकांच्या भेटीस येणार आहे. ‘पुष्पा: द रूल’ असं या दुसऱ्या भागाचं नाव आहे. रिपोर्टनुसार, ‘पुष्पा: द रूल’ हा चित्रपट 2023 मध्ये रिलीज होणार आहे. ‘पुष्पा: द रूल’ चित्रपटाचं शूटिंग डिसेंबर 2022 मध्ये सुरु होणार आहे. रिपोर्टनुसार, अभिनेता विजय सेतुपती हा पुष्पा: द रूल या चित्रपटामध्ये महत्त्वाची भूमिका साकारणार आहे. पुष्पा चित्रपटाच्या पहिल्या भागामध्ये अल्लु अर्जुन, रश्मिका मंदाना, फहाद फासिल, जगदीश, अजय घोष, सुनील आणि अनसूया या कलाकारांनी प्रमुख भूमिका साकारली.
हेही वाचा:
Allu Arjun: हिंदी चित्रपटात काम करणार का? 'पुष्पा' फेम अल्लू अर्जुन म्हणतो, 'अवघड वाटतं...'
महत्त्वाच्या बातम्या
ट्रेंडिंग न्यूज
