Mahima Chaudhry : महिमा चौधरीची ब्रेस्ट कॅन्सरशी झुंज; अनुपम खेर यांनी शेअर केला व्हिडीओ
अनुपम खेर (Anupam Kher) यांनी नुकताच महिमाचा एक व्हिडीओ शेअर केला आहे.
Mahima Chaudhry : बॉलिवूडमधील प्रसिद्ध अभिनेत्री महिमा चौधरीचा (Mahima Chaudhry) चाहता वर्ग मोठा आहे. परदेस या चित्रपटामुळे महिमाला विशेष लोकप्रियता मिळाली. महिमा ही गेल्या काही वर्षांपासून अभिनय क्षेत्रापासून दूर आहे. ती सोशल मीडियावर वेगवेगळ्या पोस्ट शेअर करत असते. प्रसिद्ध अभिनेते अनुपम खेर (Anupam Kher) यांनी नुकताच महिमाचा एक व्हिडीओ शेअर केला आहे. या व्हिडीओमध्ये महिमानं सांगितलं आहे की, ती कॅन्सरला झुंज देत आहे.
अनुपम खेर यांनी शेअर केलेल्या व्हिडीओला कॅप्शन दिले की, 'मी एक महिन्या आधी महिमा चौधरीला फोन केला. तेव्हा मी यूएसमध्ये होतो. माझ्या 525 व्या चित्रपटामधील एका महत्त्वाच्या भूमिकेबाबत मला महिमा यांच्यासोबत चर्चा करायची होती. त्यानंतर आमचे बोलणे झाले. तेव्हा मला कळाले की, महिमाला ब्रेस्ट कॅन्सर झाला आहे. तिची जगण्याची पद्धत आणि तिचा दृष्टिकोन जगभरातील महिलांना जीवन जगण्याची नवी प्रेरणा देऊ शकतो. तिचा हा प्रवास मी सर्वांसमोर आणावा अशी तिची इच्छा होती. महिमा तू माझी हिरो आहेस. मित्रांनो, तिच्यासाठी प्रार्थना करा. आता ती पुनरागमन करत आहे. ' व्हिडीओमध्ये महिमा ही भावूक झालेली दिसत आहे.
View this post on Instagram
महिमा लवकरच एका नव्या प्रोजेक्टमधून प्रेक्षकांच्या भेटीस येणार आहे. अनुपम यांनी शेअर केलेल्या व्हिडीओला कमेंट करुन अनेक नेटकऱ्यांनी महिमाला तिच्या नव्या प्रोजेक्टसाठी शुभेच्छा दिल्या आहेत.
महिमानं या चित्रपटांमध्ये केले काम
परदेस या चित्रपटाबरोबरच धडकन, ओम जय जगदीश या हिट चित्रपटांमध्ये महिमानं काम केलं. 1999 मध्ये प्रदर्शित झालेल्या 'दिल क्या करे' या चित्रपटामुळे महिमाला विशेष लोकप्रियता मिळाली. 2016 मध्ये प्रदर्शित झालेल्या डार्क चॉकलेट चित्रपटामध्ये महिमानं प्रमुख भूमिका साकारली. परदेस चित्रपटामधील शाहरुख आणि महिमाच्या जोडीला प्रेक्षकांची पसंती मिळाली. 2006 साली महिमानं बॉबी मुखर्जीसोबत लग्न केले. पण 2013 मध्ये महिमानं घटस्फोट घेण्याचा निर्णय घेतला.
संबंधित बातम्या
महत्त्वाच्या बातम्या
