Kiara Advani: बाळानंतरचा पहिलाच प्रोजेक्ट; अभिनेत्यासोबतच्या बोल्ड- इंटिमेट सीनवरून कियारा नाखूश, मेकर्सकडे केली 'ही' डिमांड
मात्र अंतिम आउटपुट पाहिल्यानंतर कियारा या सीनबाबत पुन्हा विचार करत असल्याचं समोर येत आहे.
Kiara Advani on Toxic Bold Scenes: बॉलीवूड अभिनेत्री कियारा अडवाणी सध्या तिच्या व्यावसायिक आणि वैयक्तिक आयुष्यात रमली आहे. तिच्या या वर्षातील बहुचर्चित चित्रपटांपैकी ‘टॉक्सिक’ ची चर्चा आहे. (Toxic Movie) चित्रपटाची रिलीज डेट वारंवार पुढे ढकलली जात असल्याने चाहते निराश झाले असले तरी, त्याच वेळी ते चित्रपटाच्या प्रदर्शनाची आतुरतेने वाट पाहत आहेत. मिळालेल्या माहितीनुसार, या चित्रपटात कियारा आणि यश यांच्यात काही बोल्ड रोमँटिक सीन आहेत. मात्र हे सीन कियाराला पसंत पडले नाहीत आणि तिने ते काढून टाकण्याची मागणी केल्याचं म्हटलं जात आहे. ‘टॉक्सिक’ या चित्रपटाची प्रेक्षकांमध्ये प्रचंड उत्सुकता आहे. या चित्रपटात यशसोबत कियारा अडवाणी दिसणार आहे. मात्र आता या चित्रपटातील काही बोल्ड सीनवरून कियारा अडवाणीने आक्षेप घेतल्याची चर्चा रंगली आहे. (Kiara Advani)
कियाराने बोल्ड सीन हटवण्याची मागणी
एका रिपोर्टनुसार, कियारा अडवाणीने चित्रपटाचा अंतिम कट पाहिल्यानंतर यश आणि दिग्दर्शक गितू मोहनदास यांच्याशी चर्चा केली. यावेळी तिने काही इंटिमेट सीन हटवण्याबाबत स्पष्टपणे सांगितल्याची माहिती समोर आली आहे. काही दिवसांपूर्वी आलेल्या बातम्यांनुसार, कियाराने यशसोबत एक बोल्ड रोमँटिक सीन शूट केला होता. दिग्दर्शकांनी तो सीन तिच्या कम्फर्ट झोनमध्ये राहून शूट केला जाईल, असं आश्वासन दिलं होतं. मात्र अंतिम आउटपुट पाहिल्यानंतर कियारा या सीनबाबत पुन्हा विचार करत असल्याचं समोर येत आहे.
‘टॉक्सिक’ची रिलीज पुन्हा लांबणीवर
‘टॉक्सिक’च्या टीझरमधील एका बोल्ड सीनवर यापूर्वीही सोशल मीडियावर मोठा वाद निर्माण झाला होता. एका कारमधील सीनवर टीका झाली होती. सुरुवातीला हा चित्रपट 4 जूनला रिलीज होणार होता, मात्र आता तो पुढे ढकलण्यात आला आहे. नवीन रिलीज डेट अद्याप जाहीर करण्यात आलेली नाही.
‘रामायण’मध्ये रावणच्या भूमिकेत यश
‘टॉक्सिक’चे दिग्दर्शन गितू मोहनदास यांनी केले आहे, तर यश हा चित्रपटाचा निर्माता देखील आहे. याशिवाय यश नितेश तिवारी यांच्या ‘रामायण’ चित्रपटात रावणाची भूमिका साकारणार आहे. या चित्रपटात रणबीर कपूर भगवान रामाच्या भूमिकेत, तर साई पल्लवी सीतेच्या भूमिकेत दिसणार आहेत. तसेच अरुण गोविल (दशरथ), लारा दत्त (कैकेयी), रवी दुबे(लक्ष्मण), सनी देओल (हनुमान), विजय सेतुपती , कुणाल कपूर (इंद्र), रकुल प्रीत सिंग आणि राघव जुयाल (मेघनाथ) यांसारखे अनेक कलाकार महत्त्वाच्या भूमिकांमध्ये दिसणार आहेत.
महत्त्वाच्या बातम्या
