Kanye West Instagram : प्रसिद्ध रॅपर कान्ये वेस्टला वादग्रस्त टिप्पणी करणे पडले महागात, इन्स्टाग्रामकडून खाते बंद 

प्रसिद्ध रॅपर कान्ये वेस्टला (Kanye West) वादग्रस्त टिप्पणी करणे चांगलेच महागात पडले आहे. वादग्रस्त टिप्पणी केल्याबद्द इन्स्टाग्रामकडून त्याचे खाते बंद करण्यात आले आहे.  

Kanye West

Kanye West Instagram : जागतिक सेलिब्रिटी किम कार्दशियनपासून विभक्त झाल्यामुळे चर्चेत आलेला प्रसिद्ध रॅपर कान्ये वेस्ट पुन्हा एकदा वादात सापडला आहे. कान्ये वेस्टचे इन्स्टाग्राम अकाउंट बंद करण्यात आले आहे. द डेली शो होस्ट ट्रेव्हर नूहवर वादग्रस्त टिप्पणी केल्याबद्दल कान्ये वेस्टचे इन्स्टाग्रामकडून 24 तासांसाठी तात्पुरते त्याचे खाते बंद करण्यात आले आहे. कान्ये वेस्टवर इन्स्टाग्रामवर द्वेषयुक्त भाषण, छळ आणि वर्णद्वेषी टिप्पणी पोस्ट केल्याचा आरोप आहे.  

कान्ये वेस्टला इन्स्टाग्रामवर पोस्ट, कमेंट किंवा मेसेज पाठवण्यास 24 तासांसाठी बंदी घालण्यात आली आहे. या प्रकरणी इन्स्टाग्रामच्या वतीने सांगण्यात आले की, कान्ये याने पुन्हा अशी काही हरकत केली तर त्याच्यावर कठोर कारवाई केली जाईल.

इन्स्टाग्रामवर कान्येचे दीड कोटींहून अधिक फॉलोअर्स आहेत. 24 तासांनंतर त्याचे इन्स्टाग्राम खाते परत सुरू करण्यात आले आहे. दरम्यान, यापूर्वी कान्ये याने आपले नाव बदलले होते. त्यामुळे तो चर्चेत होतो. त्याने आपले नाव कान्येवरून 'ये' असे केले होते. 

दरम्यान, फेब्रुवारीमध्ये  किम आणि कान्येने घटस्फोटासाठी अर्ज दाखल केला आहे. दोघेही काही काळापासून वेगळे राहत असून दोघांना चार मुले आहेत. घटस्फोटासाठी अर्ज केला असला तरी ते दोघेही अजूनही चांगले मित्र आहेत. परंतु, पती-पत्नी म्हणून ते पुन्हा एकत्र येण्याची शक्यता नाही.

किम कार्दशियन आणि कान्ये वेस्टने 2014 मध्ये लग्न केले होते. दोघेही बराच काळ चांगले वैवाहिक जीवन जगत होते. परंतु, गेल्या एक वर्षापासून दोघांमधील संबंध बिघडले होते. त्यामुळे त्यांनी घटस्फोट घेण्याचा निर्णय घेतला. किम कार्दशियन सध्या तिच्या चार मुलांसह लॉस एंजेलिसमध्ये राहत आहे.  

महत्वाच्या बातम्या