Home Shanti Trailer : होम शांतीचा ट्रेलर रिलीज; 'या' दिवशी येणार प्रेक्षकांच्या भेटीस

डिस्नी प्लस हॉटस्टार (DisneyPlus Hotstar) या ओटीटी प्लॅटफोर्मवर ही वेब सीरिज रिलीज होणार आहे.

Supriya pathak,manoj pahwa

Home Shanti Trailer : अनेक वेब सीरिज आणि चित्रपट प्रेक्षकांच्या भेटीस येत असतात. लवकरच होम शांती (Home Shanti ) ही वेब सीरिज प्रेक्षकांच्या भेटीस येणार आहे. या सीरिजचा ट्रेलर नुकताच प्रदर्शित झाला आहे. अभिनेत्री सुप्रिया पाठक (Supriya Pathak) आणि अभिनेता मनोज पाहवा (Manoj Pahwa) यांनी या वेब सीरिजमध्ये देहरादून येथील एका मध्यमवर्गीय जोडप्याची भूमिका साकारली आहे. डिस्नी प्लस हॉटस्टार (DisneyPlus Hotstar) या ओटीटी प्लॅटफोर्मवर ही वेब सीरिज सहा मे रोजी प्रदर्शित होणार आहे. 

होम शांती या सीरिजचे कथानक अक्षय अस्थाना, आकांक्षा दुआ, निधी बिष्ट, मयंक पांडे, निखिल सचान आणि सौरभ खन्ना या लेखकांनी लिहिले आहे. चकोरी द्विवेदी आणि पूजन छाबरा या कलाकारांनी या वेब सीरिजमध्ये महत्वाची भूमिका साकारली आहे. तसेच आकांक्षा दुआनं या सीरिजचं दिग्दर्शन केलं आहे. पोशम पा पिक्चर्स यांनी या चित्रपटाची निर्मित केली आहे. ट्रेलर पाहिल्यानंतर अनेक प्रेक्षक या सीरिजची उत्सुकतेनं वाट पाहात आहेत. 

सीरिजच्या ट्रेलरमध्ये असे दिसत आहे की, स्वत:चे घर बांधण्याचे स्वप्न जोशी कुटुंबीयांचे आहे. यासाठी ते तयारी देखील करत आहेत. पण स्वत:चे घर बांधताना येणाऱ्या अडचणींचा जोशी कुटुंबातील सदस्य कसा सामना करतात हे या सीरिजमध्ये दाखवण्यात येणार आहे.   

हेही वाचा :