Happy Birthday Nora Fatehi : 5 हजार रुपये घेऊन भारतात आली, प्रसिद्ध अभिनेत्रीसाठी केलं डान्स टीचरचं काम! नोरा फतेहीबद्दल ‘या’ गोष्टी माहितीयेत का?

Nora fatehi Birthday : आज नोरा तिचा 30 वा वाढदिवस साजरा करत आहे. नोरा एक अभिनेत्री, नृत्यांगना आणि मॉडेल देखील आहे. ती तिच्या बेली डान्ससाठी विशेष ओळखली जाते.

nora_fatehi

Nora Fatehi : 'दिलबर' गर्ल नोरा फतेहीचा (Nora Fatehi) आज (6 फेब्रुवारी) वाढदिवस आहे. नोराचा जन्म 6 फेब्रुवारी 1992 रोजी कॅनडामध्ये झाला. आज नोरा तिचा 30 वा वाढदिवस साजरा करत आहे. नोरा एक अभिनेत्री, नृत्यांगना आणि मॉडेल देखील आहे. ती तिच्या बेली डान्ससाठी विशेष ओळखली जाते. नोरा सोशल मीडियावरही खूप सक्रिय आहे. ती दररोज तिचे लेटेस्ट फोटो आणि व्हिडीओ शेअर करत असते.

सोशल मीडियावर नोराचे लाखो फॅन्स आहेत. 'रोर : टायगर ऑफ द सुंदरबन्स' या चित्रपटातून तिने बॉलिवूडमध्ये पदार्पण केले होते. यानंतर तिला टॉलिवूडमध्येही अनेक संधी मिळाल्या. नोरा फतेहीच्या वाढदिवसाच्यानिमित्ताने तिच्या आयुष्याशी संबंधित अशा अनेक खास गोष्टी जाणून घेऊया...

• नोरा फतेही एक मोरोक्कन-कॅनडियन नृत्यांगना, मॉडेल आणि अभिनेत्री आहे. तिने 2014 मध्ये 'रोर' चित्रपटातून बॉलिवूडमध्ये पदार्पण केले आणि त्यानंतर तिला तेलुगू चित्रपटांमध्ये अनेक संधी मिळाल्या. त्यात 'बाहुबली' आणि 'किक 2' सारख्या चित्रपटांचाही समावेश आहे.  
• रिअ‍ॅलिटी शो 'बिग बॉस'च्या सीझन 9मध्ये झळकल्यानंतर नोराने प्रेक्षकांमध्ये एक खास स्थान निर्माण केले. सलमान खानच्या या शोमध्ये जो कोणी येतो, तो ओळख निर्माण करूनच जातो. यानंतर 2016 मध्ये 'झलक दिखला जा' या रिअ‍ॅलिटी शोमध्ये नोराने तिची डान्सची प्रतिभा दाखवली.
• नोरा फतेही इंग्रजी आणि हिंदीशिवाय फ्रेंच व अरबी भाषा देखील बोलू शकते. 
• नोरा केवळ एक उत्तम नृत्यांगनाच नाही, तर मार्शल आर्ट्सची मास्टर देखील आहे.
• नोरा फतेहीने बॉलिवूड अभिनेत्री दिशा पाटनीसाठी ‘डान्स टीचर’ म्हणून देखील काम केले आहे. 
• नोरा अनेक मोठ्या ब्रँड्सच्या जाहिरातींमध्येही दिसली आहे. 
• नोरा सचिन तेंडुलकरची फॅन आणि युवराज सिंगची चांगली मैत्रीण आहे. तिला क्रिकेट प्रचंड आवडते.
• नोरा फतेही कॅनडातून भारतात आली तेव्हा तिच्याकडे फक्त 5000 रुपये होते. 
• नोरा फतेहीने बॉलिवूड अभिनेत्री नेहा धुपियाचा पती अंगद बेदीला डेट केले आहे . बराच काळ रिलेशनशिपमध्ये राहिल्यानंतर दोघांचे ब्रेकअप झाले होते. ब्रेकअपनंतर या परिस्थितीतून सावरण्यासाठी तिला वेळ लागल्याचे नोराने सांगितले होते.
• मनोरंजन विश्वात येण्यापूर्वी अभिनेत्रीने टेलिकॉलर, वेट्रेस आणि लॉटरीची तिकिटे विकण्याचे काम देखील केले होते.

संबंधित बातम्या : 

LIVE TV | मराठी बातम्या, ब्रेकिंग न्यूज, महाराष्ट्रासह देश-विदेशातील प्रत्येक घडामोडी पाहा लाईव्ह - ABP Majha