Haiwaan Box Office Collection: अक्षय कुमार अन् सैफ अली खानच्या 'हैवान'ला प्रेक्षकांनी फिरवली पाठ? दुसऱ्या दिवशी किती कमावले?
Haiwaan Box Office Collection: 'हैवान' सिनेमाने दुसऱ्या दिवशी किती कोटींचे कलेक्शन केले?
Haiwaan Box Office: प्रदर्शनापूर्वी 'हैवान' (Haiwaan) या सिनेमाची प्रचंड चर्चा झाली. 11 सप्टेंबर 2026 रोजी हा सिनेमा रिलीज झाला. सुरुवातीला या सिनेमाला पॉझिटिव्ह रिस्पॉन्स मिळाला. पण बॉक्स ऑफिसवर (Box Office) या सिनेमाला फारसं यश मिळत नसल्याचं चित्र दिसत आहे. ओपनिंग डेला हा सिनेमा अधिक कमाई करु शकतो, अशी शक्यता होती. पण तसं घडताना दिसत नाहीये. प्रेक्षकांकडून या सिनेमाला फारसं रिस्पॉन्स मिळत नाहीये. दुसऱ्या दिवशी म्हणजेच शनिवारी या सिनेमाने (Box Office Collection) किती कोटींचे कलेक्शन केले? विकेंड असल्यामुळे या सिनेमाला प्रेक्षकांकडून चांगला रिस्पॉन्स मिळाला आहे की नाही? जाणून घेऊयात.
'हैवान' सिनेमाने दुसऱ्या दिवशी किती कोटी कमावले? (Haiwaan Box Office Collection Day 2)
प्रियदर्शन दिग्दर्शित 'हैवान' या सिनेमात सैफ अली खान, अक्षय कुमार, बोमण इरानी यांच्या मुख्य भूमिका आहेत. श्रिया पिळगावकर आणि सैयामी खेर यांच्याही महत्त्वाच्या भूमिका आहेत. सॅकनिल्कच्या अर्ली ट्रेंड रिपोर्ट्सनुसार, या सिनेमाने दुसऱ्या दिवशी 2.50 कोटी रुपयांचे बॉक्स ऑफिस कलेक्शन केले आहे. 'हैवान' या सिनेमाचे एकूण 5759 शोज पार पडले होते. मीडिया रिपोर्ट्सनुसार, 'हैवान' या सिनेमाने पहिल्या दिवशी 3 कोटींचे कलेक्शन केले आहे. पहिल्या दिवशी या सिनेमाचे एकूण 7,224 शोज पार पडले होते. मिळालेल्या माहितीनुसार, 'हैवान' या सिनेमाने आतापर्यंत 5.50 कोटींचे कलेक्शन केले आहे. तर, 6.60 कोटींचे ग्रॉस कलेक्शन केले आहे.
वर्ल्डवाईड या सिनेमाने एकूण 8.60 कोटींचे कलेक्शन केले असल्याची माहिती समोर आली आहे. 'हैवान' या सिनेमाचे दिग्दर्शन प्रियदर्शनने केले आहे. अक्षय कुमार आणि सैफ अली खान यांच्या महत्त्वाच्या भूमिका आहेत. 'हैवान' हा सिनेमा 2016 रिलीज झालेल्या 'ओप्पम' या मल्याळम सिनेमाचे हिंदी रिमेक आहे. 'ओप्पम' या सिनेमाला प्रेक्षकांकडून जबरदस्त रिस्पॉन्स मिळाला. हा सिनेमा सुपरहिट ठरला. परंतु, हिंदी प्रेक्षकांकडून या सिनेमाला फारसं यश मिळत नसल्याचं दिसत आहे.
दरम्यान, विशेष म्हणजे 'हैवान' या सिनेमात मोहनलाल यांचा कॅमिओ रोल आहे. या चित्रपटात श्रिया पिळगावकर, सैयामी खेर आणि बोमण ईरानी यांच्याही महत्त्वाच्या भूमिका आहेत. या सिनेमात ज्येष्ठ कलाकार असरानी यांचीही भूमिका आहे. पण आता असरानी आपल्यात नाहीत. मिळालेल्या माहितीनुसार, जेव्हा 'भूत बंगला' या सिनेमाचे शूटिंग सुरू होते, तेव्हा प्रियदर्शन यांनी अक्षयसोबत या सिनेमाविषयी चर्चा केली होती. यानंतर अक्षयने त्वरित या सिनेमासाठी होकार दिला.
महत्त्वाच्या इतर बातम्या:
महत्त्वाच्या बातम्या
