Govinda legal Action: दुसरं लग्न अन् घटस्फोटाच्या चर्चांना कंटाळला अभिनेता; गोविंदाने उचललं ठोस पाऊल, घेतला मोठा निर्णय
Govinda on Legal Notice: गोविंदाने दुसरं लग्न आणि घटस्फोटाच्या अफवांविरोधात सार्वजनिक नोटीस जारी केली आहे.

Govinda Takes Legal Action: 90च्या दशकातील 'हिरो नंबर वन 1' (Hero No.1) गोविंदा सध्या आपल्या वैयक्तिक आयुष्यामुळे चर्चेत आहे. त्याच्या वैवाहिक जीवनाबाबत सोशल मीडियात उलट सूलट चर्चा सुरू आहेत. अभिनेत्याचं कथित दुसरं लग्न आणि घटस्फोटाच्या संबंधित अनेक गोष्टी सोशल मिडियात व्हायरल होत आहेत. अलिकडेच गोविंदाची पत्नी सुनीताचा एक व्हिडीओ सोशल मीडियात व्हायरल झाला होता. यानंतर गोविंदानेही (Govinda) सुनीताला प्रत्युत्तर दिलं असल्याचं बोललं जात होतं. दरम्यान, या सर्व प्रकरणांवर गोविंदाने ठोस पाऊल (Sunita Ahuja) उचललं आहे. गोविंदाने एका सार्वजनिक नोटीस जारी केली आहे. तसेच नोटीशीतून थेट इशाराही दिला आहे. नेमकं काय आहे त्या नोटीशीत? आणि नोटीशीतून अभिनेत्याने काय इशारा दिला? पाहूयात.
गोविंदाने कायदेशीर मार्गाचा अवलंबला मार्ग (Govinda Takes Legal Action Over False Marriage and Divorce)
खरंतर, अलिकडेच सोशल मीडियातून असे दावे समोर आले होते की, गोविंदाने कोमल रानीसोबत कोर्ट मॅरेज केले आहे. यापूर्वी सुनीता आहुजासोबत घटस्फोट झाला असल्याच्या बातम्याही सोशल माध्यमांमध्ये व्हायरल झाल्या होत्या. दरम्यान, या बातम्या खोट्या होत्या. आता, या खोट्या बातम्या पसरवणाऱ्यांवर गोविंदाने कायदेशीर भूमिका घेतली आहे. गोविंदाने जारी केलेल्या पब्लिक नोटीशीमधून सोशल मिडिया संस्था, डिजिटल प्लॅटफॉर्म, कंटेट क्रिएटर्स आणि इतर सोशल मिडिया वापरकर्त्यांना अभिनेता किंवा त्याच्या कुटुंबाच्या संबंधित कोणतीही खोटी, बदनामीकारक, पडताळणी न केलेली माहिती तयार करुन प्रसारित करु नये, असा इशारा दिला आहे.
विशेषत: सोशल मीडियावर शेअर केल्या जाणाऱ्या फोटो, व्हिडीओ, ऑडिओ, मॉर्फ केलेले फोटो, डीपफेक आणि एआय निर्मित कंटेटबाबत कठोर भूमिका घेण्यात येणार असल्याचं सांगितलं. नोटीशीत असेही नमूद करण्यात आले की, एआय किंवा डिजिटल तंत्रज्ञानाचा वापर करुन मजकूर तयार करण्यासाठी किंवा बदल करण्यासाठी आवाज, इमेज, ओळख कोणत्याही गोष्टींचा वापर करण्यास मनाई आहे. दरम्यान, अशा प्रकरणांमध्ये मानहानी, गोपनीयतेचे उल्लंघन, ओळखीचा गैरवापर आणि सायबर गुन्हेगाराशी संबंधित कायद्यानुसार, कारवाई केली जाणार आहे.
इतकंच नाही तर, माहिती तंत्रज्ञान 2000 अंतर्गत कडक कारवाई केली जाईल. यासह दोषी आढळल्यास, त्याच्या विरोधात 100 कोटी रुपयांपर्यंत अभिनेता नुकसान भरपाई मागू शकतो. गरज पडली तर, बँक खाते, संपत्ती, पासपोर्टच्या संबंधित इतर बाबींसह न्यायालयात कायदेशीर कारवाई करण्याचे आवाहनही नोटीशीत करण्यात आले आहे. नोटीसमध्ये असेही म्हणण्यात आले आहे की, गोविंदाची प्रतिमा खराब करण्यासाठी हेतुपुरस्सर खोट्या बातम्या पसरवल्या जाऊ शकतात. यामुळे मानसिक आणि सामाजिक हानी होत असल्याचं अभिनेत्याने म्हटलं आहे.
महत्त्वाच्या इतर बातम्या:






















