Gangubai Kathiawadi : रणवीर सिंगकडून आलियाच्या ‘गंगूबाई काठियावाडी’चं जोरदार प्रमोशन, ‘ढोलिडा’वर धरला ठेका!

Alia Bhatt-Ranveer Singh : या व्हिडीओत आलिया आणि रणवीर ‘ढोलिडा’ या गाण्यावर धमाल डान्स करताना दिसत आहेत. दोघांचा हा व्हिडीओ चांगलाच व्हायरल होत आहे.

Alia Bhatt-Ranveer Singh

Gangubai Kathiawadi : बॉलिवूड अभिनेत्री आलिया भट्ट (Alia Bhatt) तिच्या ‘गंगूबाई काठियावाडी’ (Gangubai Kathiawadi) या चित्रपटाद्वारे सर्वांचे मनोरंजन करण्यासाठी सज्ज झाली आहे. चित्रपटाचा ट्रेलर रिलीज झाला असून, नुकतेच निर्मात्यांनी चित्रपटाचे पहिले गाणे ‘ढोलिडा’ रिलीज केले आहे, ज्यामध्ये आलिया गरबा करताना दिसत आहे. आलियाचा डान्स पाहिल्यानंतर, असाच गरबा खेळण्यासाठी सर्वजण नवरात्रीची वाट पाहत आहेत. आता आलियासोबत अभिनेता रणवीर सिंगनेही (Ranveer Singh) तिच्या या चित्रपटाचे प्रमोशन केले आहे. रणवीरने आलियासोबत ‘ढोलिडा’ या गाण्यावर डान्स केला, ज्याचा व्हिडीओ सोशल मीडियावर व्हायरल झाला आहे.

या व्हिडीओत आलिया आणि रणवीर ‘ढोलिडा’ या गाण्यावर धमाल डान्स करताना दिसत आहेत. दोघांचा हा व्हिडीओ चांगलाच व्हायरल होत आहे. नेहमीप्रमाणेच रणवीर यावेळी देखील एनर्जीने भरलेला दिसत आहे. आलियाने तिच्या इन्स्टाग्राम स्टोरीवर चाहत्यांना याची एक झलक दाखवली आहे.

आलियाने शेअर केला व्हिडीओ

आलियाने रणवीरसोबत डान्स करतानाचा व्हिडीओ सोशल मीडियावर शेअर केला आहे. व्हिडीओमध्ये रणवीर कॅज्युअल लूकमध्ये दिसत आहे. त्याने डेनिमसह टी-शर्ट परिधान केले आहे आणि सनग्लास घातला आहे. त्याचबरोबर आलिया फ्लोरल साडीमध्ये दिसत आहे.

रणवीर सिंगने संजय लीला भन्साळी यांच्यासोबत अनेक चित्रपटांमध्ये काम केले आहे. त्यांनी ‘राम लीला’, ‘बाजीराव मस्तानी’ आणि ‘पद्मावत’मध्ये एकत्र काम केले आहे. त्यांचे हे तिन्ही चित्रपट सुपरहिट ठरले. त्याचबरोबर आलिया भट्ट आणि रणवीर सिंग यांनीही ‘गली बॉय’मध्ये एकत्र काम केले आहे. आता दोघे करण जोहरच्या ‘रॉकी और रानी की प्रेमकहानी’मध्ये एकत्र दिसणार आहेत.

हेही वाचा :

LIVE TV | मराठी बातम्या, ब्रेकिंग न्यूज, महाराष्ट्रासह देश-विदेशातील प्रत्येक घडामोडी पाहा लाईव्ह - ABP Majha