भारतातही धुमाकूळ घालणार Friends: The Reunion, 'या' प्लॅटफॉर्म वर होणार स्ट्रीमिंग
जगभरातील चाहत्यांच्या मनावर अधिराज्य गाजवणारी मित्रांची ही टोळी भारतीयांच्या भेटीला एका खास माध्यमातून येणार आहे
Friends: The Reunion : जगभरातील चाहत्यांच्या मनावर अधिराज्य गाजवणारी मित्रांची ही टोळी भारतीयांच्याही भेटीला एका खास माध्यमातून येणार आहे. अर्थात Friends: The Reunion चं खास स्ट्रीमिंग भारतीय प्रेक्षकांसाठीसुद्धा करण्यात येणार आहे. होम ग्रोन व्हिडीओ स्ट्रीमिंग प्लॅटफॉर्म झी-5 नं यासंदर्भातील घोषणा केली असून, याच माध्यमातून चाहत्यांना या मित्रांची धमाल पाहता येणार आहे.
एचबीओ मॅक्स लाँचला एक वर्ष पूर्ण झाल्याच्या निमित्तानं Friends: The Reunion फ्रेंड्स - द रियुनियन रिलीज करत आहे. जेनिफर अॅनिस्टन, कटेर्नी कॉक्स, लिसा क्रुडो, मॅट लेब्लांक, मॅथ्यू पेरी, डेविड श्विमर हे कलाकार स्टेज 24 वर परतत आहेत. Friends: The Reunion मध्ये डेव्हिड बेकहम, जस्टिन बिबर, बीटीएस, जेम्स कॉर्डन, सिंडी क्रॉफर्ड, कारा डेलेविंगने, लेडी गागा, इलियट गोल्ड, किट हॅरिंगटन, लॅरी हॅकिन, मिंडी कलिंग, थॉमस लेनन, क्रिस्टीना पिकल्स, टॉम सेलेक, जेम्स माइकल टायलर, मॅगी व्हीलर, रीज विदरस्पून आणि मलाला यूसुफजई सहित अनेक खास पाहुण्यांची उल्लेखनीय उपस्थिती असणार आहे.
बेन विंस्टन यांनी 'फ्रेंड्स'चे कार्यकारी निर्माता केविन ब्राईट, मार्टा कॉफमॅन आणि डेविड क्रेन यांच्या जोडीनं या खास भागाचं दिग्दर्शन केलं आहे.
ग्लोबल स्टार Lady Gaga कडून वेदनादायक सत्य उघड; 19 व्या वर्षी बलात्कारानंतर झालेली गर्भधारणा
झी -5 इंडियाचे चीफ बिझनेस ऑफिसर मनीष कालरा यांनी दिलेल्या माहितीनुसार, जागतिक स्तरावर गाजलेल्या या चेहऱ्यांना आणि Friends: The Reunion ला झी च्या प्लॅटफॉर्मवर आणण्यासाठी फार उत्सुक आहोत. सध्या सारं जग याचविषयी चर्चा करत असून, हा कार्यक्रम झी- 5 वर प्रदर्शित करणं एक चांगली संधी असेल.
महत्त्वाच्या बातम्या
