Entertainment News Live Updates 8 July : टीव्हीपासून ते बॉलिवूडपर्यंत... मनोरंजन विश्वात काय घडतंय जाणून घ्या एका क्लिकवर!
Entertainment Live : मनोरंजन विश्वात सध्या काय नवं घडतंय, याची देखील सर्वांनाच उत्सुकत असतेच. या माध्यमातून अशाच काही चटपटीत बातम्या आम्ही सगळ्यात आधी तुमच्यापर्यंत पोहचवणार आहोत.
LIVE
Background
Entertainment Live : मनोरंजन विश्व म्हटलं की, रोज नवनवे गॉसिप हे आलेच. याशिवाय रोज मालिकांमध्ये काय घडतंय? बॉलिवूड विश्वात सध्या काय सुरु आहे? आपल्या लाडक्या अभिनेत्री आणि अभिनेत्यांच्या आयुष्यात काय सुरु आहे, या सगळ्याची संपूर्ण आणि जलद माहिती आम्ही तुम्हाला देणार आहोत. आपल्या लाडक्या सेलेब्सबद्दल जाणून घेण्यासाठी सगळेच चाहते उत्सुक असतात. इतकंच नाही तर मनोरंजन विश्वात सध्या काय नवं घडतंय, याची देखील सर्वांनाच उत्सुकत असतेच. या माध्यमातून अशाच काही चटपटीत बातम्या आम्ही सगळ्यात आधी तुमच्यापर्यंत पोहचवणार आहोत.
काली पोस्टर वादावर महुआ मोईत्रा यांनी केलेल्या वक्तव्याचं प्रकाश राज यांच्याकडून समर्थन; म्हणाले, 'रॉकस्टार...'
सध्या काली या डॉक्युमेंट्रीमुळे चित्रपट दिग्दर्शक लीना मणिकेलाई (Leena Manimekalai) या चर्चेत आहे. या डॉक्युमेंट्रीचं पोस्टर काही दिवसांपूर्वी लीना मणिमेकलई यांनी सोशल मीडियावर शेअर केलं होतं. त्यानंतर मोठा वाद निर्माण झाला होता. काली या डॉक्युमेंट्रीच्या पोस्टरबाबत तृणमूल काँग्रेसच्या खासदार महुआ मोईत्रा (Mahua Moitra) यांनी वक्तव्य केलं होतं. महुआ मोईत्रा यांनी एक ट्वीट देखील शेअर केलं होतं. त्या ट्वीटमध्ये त्यांनी लिहिलं होतं, 'मला अशा भारतात राहायचे नाही जिथे हिंदू धर्माबद्दल भाजपचा पितृसत्ताक ब्राह्मणवादी दृष्टीकोन प्रचलित असेल आणि बाकीचे लोक धर्माभोवती घुटमळतील. मी मरेपर्यंत या विषयी लढा देईल. तुम्ही गुन्हा दाखल करा. मी कोणत्याही न्यायालयात लढा द्यायला तयार आहे.' महुआ मोईत्रा यांच्या या ट्वीटला रिप्लाय देत प्रसिद्ध अभिनेते प्रकाश राज (Prakash Raj) यांनी समर्थन केलं आहे.
Ashadhi Wari 2022 : चित्ररथाला विठूभक्तांचा उत्तम प्रतिसाद; विठ्ठल रखुमाईच्या दर्शनाची भक्तांना मिळतेय अनुभूती
Ashadhi Wari 2022 : आषाढी एकादशी म्हटलं की, आपल्याला आठवते पंढरपूरच्या (Pandharpur) विठुरायाच्या दर्शनासाठी मार्गक्रमण करणारी पंढरीची वारी आणि त्यात सहभागी झालेले लाखो वारकरी. पंढरीची वारी म्हणजे महाराष्ट्राच्या सांस्कृतिक लोकजीवनातील सर्वव्यापी आनंद सोहळाच. हा आनंद अधिक वृद्धिगंत करण्यासाठी झी टॉकीजने विठ्ठल रखुमाईची भव्य मूर्ती असलेला आकर्षक चित्ररथ वारी मार्गक्रमण करीत असलेल्या ठिकाणी नेत भाविकांना विट्ठल रखुमाईच्या अखंड दर्शनाचा लाभ उपलब्ध करून दिला. झी टॉकीजच्या या संकल्पनेला आणि चित्ररथाला भक्तांचा जोरदार प्रतिसाद मिळतोय.
अभिनेता श्रीजीत रवीला पोक्सो अॅक्ट अंतर्गत अटक; दोन अल्पवयीन मुलींनं केली होती तक्रार
मल्याळम चित्रपटसृष्टीतील प्रसिद्ध अभिनेता श्रीजीत रवी (Sreejith Ravi) याला दोन अल्पवयीन मुलींसोबत अश्लील चाळे केल्याप्रकरणी अटक करण्यात आली आहे. पोक्सो या (POCSO) कमलाअंतर्गत त्याला अटक करण्यात आली आहे. रिपोर्टनुसार, एका काळ्या गाडीमध्ये एका व्यक्तीनं अश्लील चाळे केले, अशी तक्रार 4 जुलै रोजी 14 आणि 9 वर्षांच्या दोन अल्पवयीन मुलींनी पोलिसांकडे केली. मुलींनी केलेल्या तक्रारीनंतर त्रिशूर पश्चिम पोलिसांनी कारवाई करत सीसीटीव्ही फुटेज तपासले. पोलिस जेव्हा आरोपीच्या घरी पोहोचले तेव्हा कळले की, तो अभिनेता श्रीजीत आहे. पोलिसांनी त्याला ताब्यात घेऊन या प्रकरणाची चौकशी करण्यास सुरुवात केली.
'शमशेरा' मधील 'फितूर' गाणं रिलीज; रणबीर आणि वाणीचा रोमँटिक अंदाज
लवकरच शमशेरा (Shamshera) हा चित्रपट रिलीज होणार आहे. काही दिवसांपूर्वी शमशेरा चित्रपटामधील 'जी हुजूर' हे गाणं रिलीज झालं होतं. या गाण्याला नेटकऱ्यांची पसंती मिळाली. शमशेरा या चित्रपटामध्ये अभिनेता रणबीर कपूर (Ranbir Kapoor), वाणी कपूर (Vaani Kapoor) आणि संजय दत्त (Sanjay Dutt) यांनी प्रमुख भूमिका साकारली आहे. या चित्रपटामधील फितूर हे गाणं रिलीज झालं आहे. या गाण्यामध्ये रणबीर आणि वाणी यांचा रोमँटिक अंदाज दिसत आहे.शमशेरामधील फितूर हे गाणं अरिजीत सिंह आणि नीती मोहन यांनी गायले आहे. 3 मिनीट 24 सेकंदाच्या या गाण्याला प्रेक्षकांची पसंती मिळाली आहे. मिथुननं या गाण्याचे संगीत दिग्दर्शन आणि निर्मिती केली आहे. वाणीनं या चित्रपटात सोना नावाच्या डान्सरची भूमिका साकारली आहे तर रणबीरनं या चित्रपटात डबल रोल साकारणार आहे. या दोघांची ऑन-स्क्रिन केमिस्ट्री पाहण्यासाठी प्रेक्षक उत्सुक आहेत.
'स्वयंवर : मिका दी वोटी'मध्ये फराह खान घेणार मुलींची परीक्षा
प्रसिद्ध गायक मिका सिंहच्या (Mika Singh) गाण्यांना प्रेक्षकांची पसंती मिळते. लवकरच मिका विवाहबंधनात अडकणार आहे. 'स्टार भारत'च्या 'स्वयंवर: मिका दी वोटी' (Swayamvar: Mika Di Vohti) या शोमधून मिका आपली आयुष्यभराची जोडीदार निवडणार आहे. सध्या या स्वयंवरामध्ये मिकाला एक मुलगी आवडली आहे. स्वयंवर- मिका दी वोटीमध्ये मिकासोबत लग्न करण्याचे स्वप्न घेऊन अनेक सुंदर आणि हुशार मुली आल्या आहेत. एवढेच नाही तर प्रत्येक मुलगी मिकाला इम्प्रेस करण्याचे प्रयत्न करत आहेत. या कार्यक्रमात मुली मिकावरचं प्रेम व्यक्त करताना दिसत आहेत. पण, प्रेक्षकांच्या मनात एकच प्रश्न उपस्थित होत आहे, तो म्हणजे मिका सिंहला या कार्यक्रमामधील कोणती मुलगी सर्वात जास्त आवडते.
Santosh Juvekar : संतोष जुवेकरने उघडली अभिनयाचं प्रशिक्षण देणारी शाळा; विद्यार्थ्यांना देणार अभिनयाचे धडे
Santosh Juvekar : मराठमोळा अभिनेता संतोष जुवेकरचं (Santosh Juvekar) स्वप्न साकार झालं आहे. संताषने ठाण्यात अभिनयाचं प्रशिक्षण देणारी शाळा उघडली आहे. 'ई दृश्यम फिल्म अॅन्ड एंटरटेनमेंट स्कूल' (E-Drishyam film and Entertainment school) असे संतोषच्या नव्या शाळेचे नाव आहे. सोशल मीडियाच्या माध्यमातून संतोषने यासंदर्भात माहिती दिली आहे.
View this post on Instagram
Ponniyin Selvan Teaser : 'पोन्नियिन सेल्वन'चा टीझर आऊट; ऐश्वर्या रायचा राजेशाही लूक
Ponniyin Selvan : 'पोन्नियिन सेल्वन' (Ponniyin Selvan) हा सिनेमा लवकरच प्रेक्षकांच्या भेटीला येणार आहे. नुकताच या बहुचर्चित सिनेमाचा टीझर आऊट झाला आहे. टीझर प्रेक्षकांच्या पसंतीस उतरत असून आता प्रेक्षक सिनेमाची प्रतीक्षा करत आहेत. हा सिनेमा आजवरचा सर्वात महागडा सिनेमा असणार आहे.
Man Udu Udu Zhala : प्रतीकच्या परवानगीने इंद्रा करणार दीपूसोबत लग्न; लवकरच होणार शूटिंगला सुरुवात
Man Udu Udu Zhala : 'मन उडू उडू झालं' (Man Udu Udu Zhala) ही मालिका सध्या लोकप्रियतेच्या शिखरावर आहे. मालिकेत सध्या नव-नविन ट्विस्ट येत आहेत. इंद्राचं सत्य देशपांडे सरांसमोर आल्यानंतर मालिकेत एक वेगळचं वळण आलं आहे. इंद्राने गुंडागिरी सोडून चांगल काम करण्याचा निर्णय घेतला आहे. त्यामुळे मालिकेत लवकरच प्रेक्षकांना इंद्रा-दीपूला लग्नसोहळा पाहायला मिळणार आहे.
Shinzo Abe Death : शिंजो आबेंच्या निधनावर अनुपम खेर यांनी व्यक्त केला शोक, केली भावनिक पोस्ट
Anupam Kher On Shinzo Abe Death : जपानचे माजी पंतप्रधान शिंजो आबे (Shinzo Abe) यांचे शुक्रवारी निधन झाले आहे. काही दिवसांपूर्वी त्यांच्यावर गोळीबार करण्यात आला होता. त्यानंतर त्यांना रुग्णालयात दाखल करण्यात आले. पण उपचारादरम्यान त्यांचे निधन झाले. त्यामुळे आता दिग्गजांकडून शोक व्यक्त केला जात आहे. बॉलिवूड अभिनेता अनुपम खेर (Anupam Kher) यांनीदेखील सोशल मीडियाच्या माध्यामातून श्रद्धांजली वाहिली आहे.
View this post on Instagram
Thor Love And Thunder : रिलीजच्या पहिल्याच दिवशी 'थोर लव्ह अॅन्ड थंडर'चा धुमाकूळ; भारतात केली रेकॉर्डब्रेक कमाई
Thor Love And Thunder Day 1 Collection In India : हॉलिवूड सुपरस्टार क्रिस हेम्सवर्थचा (Chris Hemsworth) 'थोर लव्ह अॅन्ड थंडर' (Thor Love And Thunder) हा सिनेमा नुकताच सिनेमागृहात प्रदर्शित झाला आहे. या सिनेमाने रिलीजच्या पहिल्याच दिवशी भारतात रेकॉर्डब्रेक कमाई केली आहे. जगभरात हा सिनेमा बॉक्स ऑफिसवर धुमाकूळ घालतो आहे.
View this post on Instagram
महत्त्वाच्या बातम्या
ट्रेंडिंग न्यूज
