Entertainment News Live Updates 3 December : टीव्हीपासून ते बॉलिवूडपर्यंत... मनोरंजन विश्वात काय घडतंय जाणून घ्या एका क्लिकवर!
Entertainment Live : मनोरंजन विश्वात सध्या काय नवं घडतंय, याची देखील सर्वांनाच उत्सुकता असतेच. या माध्यमातून अशाच काही चटपटीत बातम्या आम्ही सगळ्यात आधी तुमच्यापर्यंत पोहचवणार आहोत.
Har Har Mahadev Movie : 'हर हर महादेव' हा वादग्रस्त चित्रपट टिव्हीवर प्रदर्शित केल्यास होणाऱ्या गंभीर परिणामांना झी स्टुडिओ जबाबदार असेल. इतिहासाचे चुकीच्या पद्धतीने सादरीकरण करण्यात आलेला आणि तमाम शिवभक्तांच्या भावना दुखावणारा हा चित्रपट टिव्हीवर प्रदर्शित करू नये, याबाबत #स्वराज्य संघटनेने झी स्टुडीओला पत्र लिहून सूचित केले आहे.
Apurva Agnihotri Shilpa Baby : बॉलिवूड अभिनेता अपूर्व अग्निहोत्री (Apurva Agnihotri) आणि अभिनेत्री शिल्पा सकलानी (Shilpa Saklani) हे बॉलिवूडमधील सर्वाधिक लोकप्रिय जोडपं आहे. आता लग्नाच्या 18 वर्षानंतर ते आई-बाबा झाले आहेत. सोशल मीडियावर एक व्हिडीओ शेअर करत त्यांनी चाहत्यांना आनंदाची बातमी दिली आहे.
Daar Ughad Baye : 'दार उघड बये' (Daar Ughad Baye) ही मालिका आता रंजक वळणावर येऊन पोहोचली आहे. येत्या 5 डिसेंबरपासून या मालिकेचा अॅक्शन पॅक आठवडा प्रेक्षकांना अनुभवता येणार आहे. पुरुषी मक्तेदारीला छेद देत घरातील स्त्रियांना सन्मान मिळवून देण्यासाठी मुक्ता झटणार आहे. त्यामुळे आता या मालिकेत प्रेक्षकांना नव-नविन ट्विस्ट पाहायला मिळणार आहेत.
Sumeet Raghavan : अभिनेता सुमीत राघवन (Sumeet Raghavan) सोशल मीडियावर नेहमीच अॅक्टिव्ह असतो. सोशल मीडियाच्या माध्यमातून तो व्यक्त होत असतो. गोरेगाव येथील आरे कारशेड प्रकल्पाला सुरुवातीपासूनच त्याने पाठिंबा दर्शवला आहे. आता पुन्हा एकदा त्याने यासंदर्भात एक वादग्रस्त ट्वीट केलं आहे.
Shah Rukh Khan: बॉलिवूडचा बादशाह अशी ओळख असणारा अभिनेता शाहरुख खानचा (Shah Rukh Khan) चाहता वर्ग मोठा आहे. फक्त भारतातच नाही तर परदेशातही शाहरुखचे चाहते आहेत. शाहरुखच्या आगामी चित्रपटांची प्रेक्षक उत्सुकतेने वाट बघतात. शाहरुखनं सौदी अरेबिया येथील रेड सी फिल्म फेस्टिव्हलमध्ये हजेरी लावली. या इव्हेंटमध्ये शाहरुखला सन्मानित करण्यात आलं. नुकताच या कार्यक्रमातील शाहरुखचा एक व्हिडीओ सोशल मीडियावर व्हायरल झाला आहे. या व्हिडीओला नेटकऱ्यांची पसंती मिळाली असून व्हिडीओमधील एका हॉलिवूड अभिनेत्रीच्या रिअॅक्शननं अनेकांचे लक्ष वेधले आहे.
Mohsin Khan: छोट्या पडद्यावरील प्रसिद्ध अभिनेता मोहसिन खान (Mohsin Khan) हा सोशल मीडियावर सक्रिय असतो. मोहसिननं नुकतीच एक भावूक पोस्ट शेअर केली आहे. या पोस्टच्या माध्यमातून त्यानं चाहत्यांना त्याच्या आजोबांच्या निधनाबाबत सांगितलं.
Kanye West : अमेरिकन रॅपर कान्ये वेस्ट (Kanye West) सध्या चर्चेत आहे. कान्ये गेल्या काही दिवसांपासून अमेरिकेच्या राष्ट्राध्यक्षपदाच्या निवडणुकीच्या रिंगणात उतरल्याने चर्चेत होता. पण आता तो एका वेगळ्या कारणाने चर्चेत आला आहे. नुकत्याच एका मुलाखतीत कान्येने अॅडॉल्फ हिटलरचं कौतुक केलं आहे. त्यामुळे आता नवा वाद सुरू झाला आहे.
Dev Anand : देव आनंद (Dev Anand) यांचं नाव सिनेसृष्टीतील दिग्गज अभिनेत्यांच्या यादीत घेतलं जातं. जवळपास सहा दशके त्यांनी आपल्या अभिनयाने प्रेक्षकांची मनं जिंकली आहेत. 50-60 च्या दशकातील ते दिग्गज अभिनेते होते. आजही त्यांचे सिनेमे चाहते आवडीने पाहतात.
Jubin Nautiyal Health Update : लोकप्रिय गायक जुबिन नौटियाल (Jubin Nautiyal) सध्या चर्चेत आहे. जिन्यांवरुन खाली पडल्याने जुबिन गंभीर जखमी झाला होता. त्यामुळे त्याला रुग्णालयात दाखल करण्यात आले होते. पण आता प्रकृतीत सुधारणा होत असून त्याला रुग्णालयातून डिस्चार्ज मिळाला आहे. जुबिनने एक खास पोस्ट शेअर करत चाहत्यांना प्रकृतीसंदर्भात माहिती दिली आहे.
Konkona Sen Sharma : बॉलिवूड अभिनेत्री कोंकणा सेन शर्मा (Konkona Sen Sharma) आज 42 वा वाढदिवस साजरा करत आहे. ती आजवर अभिनयासह वैयक्तिक आयुष्यामुळे चर्चेत राहिली आहे. कोंकणाला आतापर्यंत दोन वेळा राष्ट्रीय पुरस्काराने सन्मानित करण्यात आले आहे.
पार्श्वभूमी
Entertainment Live : मनोरंजन विश्व म्हटलं की, रोज नवनवे गॉसिप हे आलेच. याशिवाय रोज मालिकांमध्ये काय घडतंय? बॉलिवूड विश्वात सध्या काय सुरु आहे? आपल्या लाडक्या अभिनेत्री आणि अभिनेत्यांच्या आयुष्यात काय सुरु आहे, या सगळ्याची संपूर्ण आणि जलद माहिती आम्ही तुम्हाला देणार आहोत. आपल्या लाडक्या सेलेब्सबद्दल जाणून घेण्यासाठी सगळेच चाहते उत्सुक असतात. इतकंच नाही तर मनोरंजन विश्वात सध्या काय नवं घडतंय, याची देखील सर्वांनाच उत्सुकत असतेच. या माध्यमातून अशाच काही चटपटीत बातम्या आम्ही सगळ्यात आधी तुमच्यापर्यंत पोहचवणार आहोत.
Anupam Kher : द काश्मीर फाइल्स'ची गोष्ट माझ्यासह अनेक लोकांची, नदाव लॅपिड यांचं वक्तव्य चुकीचं : अनुपम खेर
Anupam Kher : 'द काश्मीर फाइल्स' चित्रपटातील गोष्ट फक्त माझीच नाहीये तर माझ्यासारख्या अनेक लोकांची आहे. ज्यांना आपल्या घरातून जबरदस्तीने हाकलून देण्यात आले. त्यावेळी अनेक महिलांवर अमानुष अत्याच्यार करण्यात आले. अलीकडेच ज्युरी नदाव लॅपिड (Nadav Lapid) यांनी द काश्मीर फाइल्स' (The Kashmir Files) चित्रपटाबाबत एक व्यक्तव्य केलं. परंतु, त्यांचं हे वक्तव्य अत्यंत चुकीचं आहे, असं मत ज्येष्ठ अभिनेते अनुपम खेर (Anupam Kher) यांनी व्यक्त केलंय. ते एबीपी माझाच्या माझा कट्टा या कार्यक्रमात बोलत होते. यावेळी अुपम खेर यांनी त्यांच्या करिअरच्या स्ट्रगलविषयी देखील मन मोकळ्या गप्पा मारल्या.
Jubin Nautiyal : लोकप्रिय गायक जुबिन नौटियालचा अपघात
लोकप्रिय गायक जुबिन नौटियाल (Jubin Nautiyal) जिन्यांवरून खाली पडल्याने गंभीर जखमी झाला आहे. मिळालेल्या माहितीनुसार, ही घटना आज (शुक्रवारी) सकाळी घडली. जुबिनला मुंबईतील रुग्णालयात दाखल करण्यात आले आहे. या अपघातात जुबिनची कोपर फ्रॅक्चर झाली आहे. मात्र, बिल्डींगच्या पायऱ्यांवरून खाली उतरत असताना त्याच्या डोक्यालाही दुखापत झाली आहे. जुबिन नौटियाल अलीकडच्या काळात 'तू सामना आये', 'माणिके' आणि 'बना शराबी' सारख्या लोकप्रिय ट्रेडिंग गाण्यांसाठी प्रसिद्धीच्या झोतात आहे. मिळालेल्या माहितीनुसार, अपघातात जखमी झाल्यानंतर जुबिनच्या उजव्या हातावर शस्त्रक्रिया करण्यात येणार आहे. उजव्या हाताचा वापर न करण्याचा सल्ला डॉक्टरांनी दिला आहे.
रणवीर सिंहच्या 'सर्कस'चा धमाकेदार ट्रेलर प्रदर्शित
बॉलिवूड दिग्दर्शक रोहित शेट्टीचा (Rohit Shetty) आगामी चित्रपट 'सर्कस' (Cirkus) हा या वर्षातील बहुप्रतिक्षित सिनेमांपैकी एक आहे. या चित्रपटात रणवीर सिंह (Ranveer Singh) मुख्य भूमिकेत आहे. गेल्या आठवड्यात निर्मात्यांनी 'सर्कस'चे पोस्टर आणि एक मजेशीर व्हिडीओ क्लिप शेअर करून चित्रपटातील कलाकारांच्या लूकची झलक शेअर केली होती. त्यानंतर या चित्रपटाबद्दल प्रेक्षकांची उत्सुकता आणखी वाढली आहे. त्याचबरोबर सर्कसचा ट्रेलरही मुंबईत लाँच करण्यात आला आहे. ट्रेलर लाँचच्या आधी, सर्कस कलाकारांनी लाल रंगाच्या पोशाखात लोकप्रिय गाणे, ईना मीना डीका देखील रिक्रिएट केले आहे.
- - - - - - - - - Advertisement - - - - - - - - -