Entertainment News Live Updates 19 December : टीव्हीपासून ते बॉलिवूडपर्यंत... मनोरंजन विश्वात काय घडतंय जाणून घ्या एका क्लिकवर!
Entertainment Live : मनोरंजन विश्वात सध्या काय नवं घडतंय, याची देखील सर्वांनाच उत्सुकता असतेच. या माध्यमातून अशाच काही चटपटीत बातम्या आम्ही सगळ्यात आधी तुमच्यापर्यंत पोहचवणार आहोत.
Vaalvi Movie: झी स्टुडिओज आणि दिग्दर्शक परेश मोकाशी (Paresh Mokashi) हे एक समीकरणच आहे. या दोघांनी एकत्र येऊन केलेली कलाकृती ही नेहमीच अफलातून असते. असाच एक जबरदस्त विषय घेऊन पुन्हा एकदा झी स्टुडिओज आणि दिग्दर्शक परेश मोकाशी प्रेक्षकांच्या भेटीला येण्यास सज्ज झाले आहेत. 'दिसतं तसं नसतं' अशी टॅगलाईन असलेल्या 'वाळवी' (Vaalvi) या चित्रपटाचे एक भन्नाट टीझर सोशल मीडियावर सध्या धुमाकूळ घालत असून नवीन वर्षात म्हणजेच येत्या 13 जानेवारी रोजी हा चित्रपट सिनेमागृहात प्रदर्शित होणार आहे.
पाहा टीझर:
Yashoman Apte On Shubhvivah : अभिनेता यशोमन आपटे (Yashoman Apte) हा छोट्या पडद्यावरील लोकप्रिय अभिनेता आहे. याआधी रोमॅंटिक हिरोच्या भूमिकेत यशोमन प्रेक्षकांच्या भेटीला आला आहे. आता 'शुभविवाह' (Shubhvivah) या मालिकेत तो मानसिक स्थैर्य गमावलेल्या आकाशच्या भूमिकेत दिसणार आहे.
Bigg Boss Telugu 6 Winner: छोट्या पडद्यावरील प्रसिद्ध शो बिग बॉसला प्रेक्षकांची पसंती मिळते. काल (19 डिसेंबर) बिग बॉस तेलगू (Bigg Boss Telugu 6) सीझन-6 चा ग्रँड फिनाले पार पडला. हा शो 4 सप्टेंबर 2022 रोजी सुरु झाला होता. बिग बॉस सीझन-6 च्या या सीझनता रेवंत (LV Revanth) हा विजेता ठरला. तर फर्स्ट रनर-अप श्रीहन (Shrihan) हा ठरला. हे दोघेही बिग बॉस तेलगूच्या या सीझनचे प्रसिद्ध स्पर्धक आहेत.
Amit Antil : मॉडेल व छोट्या पडद्यावरील लोकप्रिय अभिनेता अमित अंतिल (Amit Antil) विरोधात लैंगिक शोषण आणि खंडणीचा गुन्हा दाखल करण्यात आला आहे. सध्या पोलीस या प्रकरणाचा तपास करत आहेत.
South Films In 2023 : दाक्षिणात्य सिनेसृष्टीसाठी 2022 हे वर्ष खूपच आनंददायी होतं. केजीएफ चॅप्टर 2 (KGF 2), कांतारा (Kantara) आणि आरआरआर (RRR) सारख्या अनेक पॅन इंडिया सिनेमांनी बॉक्स ऑफिसवर रेकॉर्डब्रेक कमाई केली. एकंदरीतच या वर्षात दाक्षिणात्य सिनेमांचा बोलबाला पाहायला मिळाली. आता दाक्षिणात्य सिनेमांची क्रेझ पुढील वर्षातदेखील कायम राहणार आहे.
Christmas Weekend OTT Films-Web Series : जगभरात नाताळचा उत्साह पाहायला मिळत आहे. आता नाताळचा वीकेंड सिनेरसिकांना घरबसल्या साजरा करता येणार आहे. या आठवड्यात एका पेक्षा एक सिनेमे आणि वेबसीरिज प्रेक्षकांच्या भेटीला येणार आहेत.
Current Laga Re Song: बॉलिवूडमधील प्रसिद्ध अभिनेता रणवीर सिंह(Ranveer Singh) हा त्याच्या सर्कस (Cirkus) या आगामी चित्रपटामुळे चर्चेत आहे. सर्कसमधील करंट लगा रे (Current Laga) हे गाणं काही दिवसांपूर्वी रिलीज झालं. या गाण्यातील दीपिका पादुकोण (Deepika Padukone) आणि रणवीरच्या केमिस्ट्रीनं अनेकांचे लक्ष वेधलं. काही लोकांची या गाण्याला पसंती मिळाली. तर काही नेटकरी या गाण्याला ट्रोल करत आहेत. नुकताच या गाण्याचा एक व्हिडीओ सोशल मीडियावर व्हायरल झाला. या व्हिडीओला पाहून रणवीर आणि दीपिकाचं करंट लगा हे गाणं कॉपी केलं आहे का? असा प्रश्न आता नेटकऱ्यांना पडला आहे.
Santosh Juvekar : अभिनेता संतोष जुवेकरच्या (Santosh Juvekar) चाहत्यांसाठी एक आनंदाची बातमी आहे. संतोषचा आगामी 'कुत्ते' (Kuttye) हा सिनेमा लवकरच प्रेक्षकांच्या भेटीला येणार आहे. सोशल मीडिया पोस्ट शेअर करत त्याने आगामी सिनेमाची घोषणा केली आहे.
Sargam Koushal: भारताच्या सरगम कौशलने (Sargam Koushal) अमेरिकेत आयोजित केलेल्या मिसेस वर्ल्ड 2022-23 (Mrs. World 2022-23 Pageant) या स्पर्धेचे विजेते पद पटकावलं आहे. लास वेगसमध्ये आयोजित करण्यात आलेल्या ‘मिसेस वर्ल्ड 2022’ या स्पर्धेत 63 देशांमधील स्पर्धकांनी सहभाग घेतला होता. 21 वर्षांनी भारतात सरगमने 21 वर्षांनंतर हा मुकुट भारतात आणला आहे. सध्या देशभरातील लोक सरगमला शुभेच्छा देत आहेत. सरगम कौशल हिच्याबद्दल जाणून घेऊयात...
सरगम ही जम्मू-काश्मिरची असून सध्या ती मुंबईमध्ये राहते. तिनं इंग्रजी साहित्यात पदव्युत्तर शिक्षण घेतले आहे. तिने विशाखापट्टणम येथील शाळेत शिक्षिका म्हणूनही काम केले आहे. पुढे शिक्षकी पेशा सोडून सरगमनं मॉडेलिंग क्षेत्रात एन्ट्री केली. मिसेस इंडिया वर्ल्ड 2022 हा किताब देखील सरगमनं जिंकला. भारतीय नौदलातील अधिकारी आदित्य मनोहर शर्मा यांच्याशी 2018 मध्ये सरगमनं लग्न केलं.
Prabhas: दाक्षिणात्य चित्रपटसृष्टीतील प्रसिद्ध अभिनेता प्रभासचा(Prabhas) चाहता वर्ग मोठा आहे. प्रभास हा त्याच्या अभिनयानं नेहमीच प्रेक्षकांचे मनोरंजन करतो. बाहुबली आणि बाहुबली-2 या चित्रपटांमुळे प्रभासला विशेष लोकप्रियता मिळाली. या चित्रपटामुळे प्रभास पॅन इंडिया स्टार झाला. 43 वर्षाचा प्रभास अजूनही अविवाहित आहे. प्रभास कधी लग्न करणार? असा प्रश्न त्याच्या चाहत्यांना पडत असतो. नुकतीच प्रभासनं नंदमुरी बालकृष्ण यांच्या अनस्टॉपेबल 2 (Unstoppable 2) मध्ये हजेरी लावली. या शोमध्ये प्रभासला विविध प्रश्न विचारण्यात आले. तसेच प्रभासला त्याच्या लग्नाबद्दल देखील प्रश्न विचारण्यात आला. यावेळी त्यानं दिलेल्या उत्तरानं अनेकांचे लक्ष वेधले.
लग्नाबाबत प्रश्न विचारल्यानंतर प्रभास म्हणाला, 'सलमान खाननं लग्न केल्यानंतर मी लग्न करेन'
Celebs Reaction On Argentina Win : कतारमधील लुसेल स्टेडियमवर रविवारी अर्जेंटिना विरुद्ध फ्रान्स (Argentina VS France) यांच्यात फिफा विश्वचषक 2022 (Fifa World Cup Final 2022) चा अंतिम सामना रंगला. या सामन्यात तब्बल 36 वर्षांनंतर अर्जेंटिनानं फिफा विश्वचषकावर नाव कोरलं आहे. अर्जेंटिनाच्या या विजयावर बॉलिवूडच्या कलाकारांनी सोशल मीडियाच्या माध्यमातून आपला आनंद व्यक्त केला आहे.
FIFA World Cup Final 2022 : Shahrukh Khan ते Sushmita Sen; 'अर्जेंटिना'च्या विजयाचे बॉलिवूडकरही साक्षीदार; 'असं' केलं सेलिब्रेशन
Avatar The Way Of Water Box Office Collection Day 3 : 'अवतार 2' (Avatar 2) म्हणजेच 'अवतार : द वे ऑफ वॉटर' (Avatar The Way Of Water) हा सिनेमा प्रेक्षकांच्या पसंतीस उतरत आहे. 2009 साली या सिनेमाचा पहिला भाग प्रदर्शित झाला होता. आता 13 वर्षानंतर या सिनेमाचा दुसरा भाग प्रेक्षकांच्या भेटीला आला आहे.
Deepika Padukone FIFA : अर्जेंटिना-फ्रान्सदरम्यान सामना रंगतदार वळणावर असताना या ऐतिहासिक सामन्याच्या ट्रॉफी अनावरण सोहळ्यासाठी बॉलीवूड अभिनेत्री दीपिका पादुकोणला (Deepika Padukone) निमंत्रण देण्यात आलं होतं. ट्रॉफी अनावरण करणारी दीपिका फक्त बॉलीवूडमधीलच नव्हे तर जगातील पहिली अभिनेत्री बनली आहे.
Amruta Deshmukh : 'बिग बॉस मराठी' (Bigg Boss Marathi 4) हा छोट्या पडद्यावरील चर्चेत असणारा कार्यक्रम आहे. पण आता या कार्यक्रमाची लोकप्रियता दिवसेंदिवस कमी झालेली पाहायला मिळत आहे. त्यामुळे आता या कार्यक्रमात वेगवेगळे प्रयोग होत आहेत. विकास सावंतनंतर लगेचच पुण्याची टॉकरवडी अर्थात अमृता देशमुखचा (Amruta Deshmukh) बिग बॉसच्या घरातील प्रवास संपला आहे.
पार्श्वभूमी
Entertainment Live : मनोरंजन विश्व म्हटलं की, रोज नवनवे गॉसिप हे आलेच. याशिवाय रोज मालिकांमध्ये काय घडतंय? बॉलिवूड विश्वात सध्या काय सुरु आहे? आपल्या लाडक्या अभिनेत्री आणि अभिनेत्यांच्या आयुष्यात काय सुरु आहे, या सगळ्याची संपूर्ण आणि जलद माहिती आम्ही तुम्हाला देणार आहोत. आपल्या लाडक्या सेलेब्सबद्दल जाणून घेण्यासाठी सगळेच चाहते उत्सुक असतात. इतकंच नाही तर मनोरंजन विश्वात सध्या काय नवं घडतंय, याची देखील सर्वांनाच उत्सुकत असतेच. या माध्यमातून अशाच काही चटपटीत बातम्या आम्ही सगळ्यात आधी तुमच्यापर्यंत पोहचवणार आहोत.
Sargam Koushal : सरगम कौशलनं तब्बल 21 वर्षांनंतर पटकावला 'मिसेस वर्ल्ड 2022' चा किताब
Sargam Koushal Mrs. World 2022 : भारताच्या नावावर आणखी एक सुवर्ण किताब नोंदविण्यात आला आहे. भारतासाठी हा एक सुवर्ण टप्पा आहे. भारताच्या सरगम कौशलने (Sargam Koushal) अमेरिकेत आयोजित मिसेस वर्ल्ड 2022-23 (Mrs. World 2022-23 Pageant) चे विजेतेपद पटकावले आहे. सरगमचा मुकुट परिधान केल्याचा एक व्हिडीओ सोशल मीडियावर व्हायरल होत आहे. देशाची प्रतिष्ठा वाढवल्याबद्दल सर्व भारतीय आणि सेलिब्रिटींकडून सरगमचे अभिनंदन करत आहेत.
Sath Sobat : 'साथ सोबत' चित्रपटाचा उत्कंठावर्धक टीझर प्रदर्शित
Sath Sobat : 'साथ सोबत' (Sath Sobat) या आगामी मराठी चित्रपटाचा टिझर नुकताच प्रदर्शित झाला आहे. सोशल मीडियावर रिलीज करण्यात आलेल्या 'साथ सोबत'च्या टिझरला नेटकऱ्यांकडून अल्पावधीतच भरभरून प्रतिसाद मिळत आहे. राष्ट्रीय पारितोषिक विजेते दिग्दर्शक रमेश मोरे यांनी 'साथ सोबत' या चित्रपटात काहीसं वेगळं कथानक सादर केल्याची जाणीव टिझर पाहिल्यावर होते. हा नवा कोरा चित्रपट 13 जानेवारी 2023 रोजी प्रेक्षकांच्या भेटीला येणार आहे.
Avatar 2 Box Office Collection: 'अवतार 2' नं केली छप्पर फाड कमाई
Avatar 2 Box Office Collection: दिग्दर्शक जेम्स कॅमेरून (James Cameron) यांच्या 'अवतार' या चित्रपटाच्या दुसऱ्या भागातची प्रेक्षक उत्सुकतेने वाट बघत होते. 'अवतार 2'
(Avatar 2) म्हणजेच 'अवतार द वे ऑफ वाटर' (Avatar The Way Of Water) हा चित्रपट रिलीज होऊन दोन दिवस झाले आहेत. या चित्रपटानं भारतातील बॉक्स ऑफिसवर धुमाकूळ घातला आहे. या चित्रपटानं ओपनिंग-डेला चांगली कमाई केली असून दुसऱ्या दिवशी देखील या चित्रपटानं बॉक्स ऑफिसवर कोट्यवधींची कमाई केली आहे. रिलीज झाल्यानंतर पहिल्या दिवशी 'अवतार 2' ने भारतात 41 कोटींची कमाई केली आहे. दुसऱ्या दिवशीही या चित्रपटानं जवळपास 42-43 कोटींची कमाई केली आहे. दोन दिवसांत या चित्रपटानं जवळपास 83-84 कोटींचे कलेक्शन केले आहे. या चित्रपटाने जगभरात दोन दिवसांमध्ये 1500 कोटींची कमाई केली आहे.
- - - - - - - - - Advertisement - - - - - - - - -