Entertainment News Live Updates 15 January : टीव्हीपासून ते बॉलिवूडपर्यंत... मनोरंजन विश्वात काय घडतंय जाणून घ्या एका क्लिकवर!
Entertainment Live : मनोरंजन विश्वात सध्या काय नवं घडतंय, याची देखील सर्वांनाच उत्सुकता असतेच. या माध्यमातून अशाच काही चटपटीत बातम्या आम्ही सगळ्यात आधी तुमच्यापर्यंत पोहचवणार आहोत.
Makar Sankranti 2023 : आज देशभरात मकरसंक्रांतीचा (Makar Sankranti 2023) सण साजरा होत आहे. अनेक सेलिब्रिटी सोशल मीडियाच्या माध्यमातून चाहत्यांना मकरसंक्रांतीच्या शुभेच्छा देत आहेत. पण या सगळ्यात दाक्षिणात्य सुपरस्टार महेश बाबूच्या (Mahesh Babu) लेकीने नेटकऱ्यांचं लक्ष वेधून घेतलं आहे.
Bamboo Trailer Out : आपल्या आजुबाजुला असा एकतरी मित्र असतो, ज्याचे प्रेमात बांबू लागलेले असतात. प्रेमातील हाच अनुभव सांगणाऱ्या 'बांबू' (Bamboo) या सिनेमाचा ट्रेलर प्रेक्षकांच्या भेटीला आला आहे.
Ketaki Chitale Facebook Post On Makar Sankranti 2023 : मराठमोळी अभिनेत्री केतकी चितळे (Ketaki Chitale) वादग्रस्त वक्तव्यामुळे नेहमीच चर्चेत असते. सोशल मीडियाच्या माध्यमातून ती व्यक्त होत असते. आज मकरसंक्रांतीच्या (Makar Sankranti) निमित्ताने तिने तिच्या स्टाइलने चाहत्यांना शुभेच्छा दिल्या आहेत.
Akshay Kumar Emraan Hashmi Selfiee Motion Poster Out : बॉलिवूडचा (Bollywood) खिलाडी कुमार अर्थात अक्षय कुमारने (Akshay Kumar) नववर्षाच्या सुरुवातीला चाहत्यांना एक आनंदाची बातमी दिली आहे. मकरसंक्रांतीच्या (Makar Sankranti) निमित्ताने अक्षयने त्याच्या आगामी 'सेल्फी' (Selfiee) या सिनेमाचं मोशन पोस्टर आऊट केलं आहे.
Riteish Deshmukh Genelia Deshmukh Ved Movie Box Office Collection : हिंदी सिनेसृष्टीत धुमाकूळ घातल्यानंतर रितेश देशमुख (Riteish Deshmukh) आणि जिनिलिया देशमुखने (Genelia Deshmukh) मराठी सिनेसृष्टीतदेखील चांगलाच धमाका केला आहे. रितेश आणि जिनिलियाचा 'वेड' (Ved) हा सिनेमा सिनेप्रेमींच्या पसंतीस उतरत आहे. कोरोनानंतर सर्वाधिक कमाई करणारा मराठी सिनेमा 'वेड' (Ved Movie) ठरला आहे.
Abdu Rozik New Song Launch : अभिनेता अब्दू रोजिकने (Abdu Rozik) 'बिग बॉस'च्या (Bigg Boss 16) घराचा निरोप घेतला आहे. अब्दूने आगामी प्रोजेक्टसाठी 'बिग बॉस'च्या (Bigg Boss) घरातून एक्झिट घेतली आहे त्यामुळे त्याचे चाहते नाराज झाले आहेत. अब्दूच्या एक्झिटमुळे घरातील सदस्यांसह चाहत्यांना मोठा धक्का बसला आहे.
Urfi Javed Struggle Story : अभिनेत्री उर्फी जावेद (Urfi Javed) गेल्या काही दिवसांपासून तिच्या पोस्ट आणि हटके फॅशन स्टाईलमुळे चर्चेत आहे. स्पवक्तेपणामुळे उर्फी नेहमीच चर्चेत असते. गेल्या काही दिवसांपूर्वीच उर्फीने इंडस्ट्रीत काम करायला सुरुवात केली आहे. अल्पावधीतच ती लोकप्रिय झाली असली तरी तिला प्रचंड संघर्षाचा सामना करावा लागला आहे.
Sajid Khan On Bigg Boss 16 : 'बिग बॉस 16' (Bigg Boss 16) हा छोट्या पडद्यावरचा वादग्रस्त पण तितकाच लोकप्रिय कार्यक्रम आहे. या कार्यक्रमाचे जगभर चाहते आहेत. पण 'बिग बॉस'च्या (Bigg Boss) चाहत्यांसाठी हा आठवडा मात्र धक्कादायक ठरला आहे. अब्दू रोजिकनंतर (Abdu Rozik) या पर्वाचा मास्टरमाइंड साजिद खान (Sajid Khan) 'बिग बॉस 16'मधून एक्झिट घेणार आहे.
अभिनेत्री ऊर्फी जावेदची महिला आयोगाकडे शनिवारी रात्री उशीरा ऑनलाईन तक्रार. सार्वजनिकरित्या मारण्याची धमकी दिल्याचा तक्रारीत उल्लेख करण्यात आला आहे. पोलिस कारवाई करण्यासाठी आदेश देण्याचा तक्रारीत उल्लेख आहे. ऊर्फी जावेदच्या तक्रारीनंतर महिला आयोगाच्या भुमिकेकडे सर्वांचं लक्ष लागलं आहे.
Miss Universe 2022: अमेरिकेची आर बोनी गॅब्रिएल (R’Bonney Gabriel) ही 'मिस युनिव्हर्स-2022' (Miss Universe 2022) या स्पर्धेची विजेती ठरली आहे. 15 जानेवारी रोजी न्यू ऑर्लिन्स येथे झालेल्या समारंभात 71 व्या मिस युनिव्हर्स स्पर्धाच्या विजेतीची घोषणा करण्यात आली. अमेरिकेच्या (USA) आर बोनी गॅब्रिएलनं मिस युनिव्हर्स 2022 चा मुकुट जिंकला. 'मिस युनिव्हर्स-2022' या स्पर्धेत 80 हून अधिक ब्युटी क्वीन्स सहभागी झाल्या होत्या. भारताची दिविता राय टॉप 16 मध्ये पोहोचली पण टॉप-5 मध्ये तिला स्थान मिळाले नाही.
Sanjay Raut: बॉलिवूडमधील प्रसिद्ध अभिनेता शाहरुख खानचा (Shahrukh Khan) पठाण (Pathaan) हा चित्रपट गेल्या काही दिवसांपासून चर्चेत आहे. या चित्रपटातील बेशरम गाण्यामधील दीपिका पादुकोणच्या (Deepika Padukone) बिकिनीच्या रंगामुळे वाद निर्माण झाला होता. अनेकांनी दीपिकाच्या बिकिनीच्या रंगावर टीका केली होती. आता या वादावर संजय राऊत (Sanjay Raut) यांनी प्रतिक्रिया दिली आहे. एबीपी न्यूजच्या Press Conference या शोमध्ये संजय राऊत यांनी हजेरी लावली होती. या शोमध्ये त्यांनी विविध विषयावर चर्चा केली. यावेळी संजय राऊत यांना पठाणमधील गाण्याच्या वादाबाबत प्रश्न विचारण्यात आला. या प्रश्नाला संजय राऊत यांनी दिलेल्या उत्तरानं अनेकांचे लक्ष वेधले.
पार्श्वभूमी
Entertainment Live : मनोरंजन विश्व म्हटलं की, रोज नवनवे गॉसिप हे आलेच. याशिवाय रोज मालिकांमध्ये काय घडतंय? बॉलिवूड विश्वात सध्या काय सुरु आहे? आपल्या लाडक्या अभिनेत्री आणि अभिनेत्यांच्या आयुष्यात काय सुरु आहे, या सगळ्याची संपूर्ण आणि जलद माहिती आम्ही तुम्हाला देणार आहोत. आपल्या लाडक्या सेलेब्सबद्दल जाणून घेण्यासाठी सगळेच चाहते उत्सुक असतात. इतकंच नाही तर मनोरंजन विश्वात सध्या काय नवं घडतंय, याची देखील सर्वांनाच उत्सुकत असतेच. या माध्यमातून अशाच काही चटपटीत बातम्या आम्ही सगळ्यात आधी तुमच्यापर्यंत पोहचवणार आहोत.
Urfi Javed : बलात्कार, डान्सबार, कपड्यांवरुन एखाद्याला मारणं हा भारतीय संस्कृतीचा भाग नाही; पोलीस चौकशीनंतर उर्फीचं ट्वीट
उर्फीने दुसरं ट्वीट केलं आहे,"बलात्कार, डान्सबार, कपड्यांवरुन एखाद्याला मारणं हा भारतीय संस्कृतीचा भाग नाही. एकीकडे त्यांना हिंदू राष्ट्र हवं आहे तर दुसरीकडे महिलांच्या कपड्यांवर नियंत्रण ठेवण्याचे तालिबानी नियम लागू करायचे. हिंदू धर्म हा सर्वात जुना धर्म आहे. तो स्त्रियांच्या बाबतीत खूप उदारमतवादी म्हणून ओळखला जातो. मग तुम्ही कोणत्या संस्कृतीबद्दल बोलत आहात?"
Makar Sankranti 2023 : Shilpa Shetty ते Arjun Kapoor; सेलिब्रिटींनी चाहत्यांना दिल्या मकरसंक्रांतीच्या शुभेच्छा
Celebs Wishes Makar Sankranti : मकरसंक्रांतीचा (Makar Sankranti 2023) सण देशभरात धुमधडाक्यात साजरा केला जाणार आहे. शिल्पा शेट्टीपासून (Shilpa Shetty) अर्जुन कपूरपर्यंत (Arjun Kapoor) अनेक सेलिब्रिटींनी सोशल मीडियाच्या माध्यमातून चाहत्यांना मकरसंक्रांतीच्या शुभेच्छा दिल्या आहेत.
Mazhi Tuzhi Reshimgath : 'माझी तुझी रेशीमगाठ' मालिका घेणार प्रेक्षकांचा निरोप
Mazhi Tuzhi Reshimgath Marathi Serial : 'माझी तुझी रेशीमगाठ' (Mazhi Tuzhi Reshimgath) ही छोट्या पडद्यावरील लोकप्रिय मालिका आहे. पण गेल्या काही दिवसांपासून ही मालिका टीआरपीच्या शर्यतीत मागे पडली असून आता ही मालिका प्रेक्षकांचा निरोप घेणार आहे.
Ghar Bandook Biryani: 'आशेच्या भांगेची नशा भारी...'; नागराज मंजुळेंच्या 'घर, बंदूक, बिरयानी' सिनेमाची रिलीज डेट जाहीर
मराठी चित्रपटसृष्टीतील प्रसिद्ध दिग्दर्शक नागराज मंजुळे (Nagraj Manjule) हा त्याच्या चित्रपटांमुळे चर्चेत असतो. त्याच्या आगामी चित्रपटांची प्रेक्षक उत्सुकतेने वाट बघत असतात. लवकरच त्याचा 'घर, बंदूक, बिरयानी' हा चित्रपट प्रेक्षकांच्या भेटीस येणार आहे. या चित्रपटाचा टीझर प्रेक्षकांच्या भेटीस आला होता. त्या टीझरला प्रेक्षकांची पसंती मिळाली. नुकतंच नागराजनं या चित्रपटाचं नवं पोस्टर सोशल मीडियावर शेअर केलं. या पोस्टरला त्यानं दिलेल्या कॅप्शननं अनेकांचं लक्ष वेधलं आहे.
- - - - - - - - - Advertisement - - - - - - - - -