शालेय मुलांच्या उपस्थितीमध्ये पार पडला धर्मवीर-2 चा म्युझिल लॉन्च सोहळा; जावेद अली, सुखविंदर सिंग यांच्या आवाजात सिनेमातील गाणी संगीतबद्ध
Dharmaveer 2 : 'धर्मवीर 2' या सिनेमातील गाणं नुकतच प्रेक्षकांच्या भेटीला आलं आहे. सुरेश वाडकर यांच्या हस्ते पार पडला.
Dharmaveer 2 Music Launch : काही दिवसांपूर्वीच 'धर्मवीर-2' (Dharmaveer 2) या सिनेमाची घोषणा करण्यात आली होती. त्यानंतर आता नुकतच या सिनेमाचा म्युझिक लॉन्च सोहळा पार पडला आहे. ज्येष्ठ गायक सुरेश वाडकर (Suresh Wadkar) यांच्या हस्ते पार पडला. विशेष म्हणजे या सोहळ्याला शाळकरी मुलांची खास उपस्थिती होती. याप्रसंगी चित्रपटाचे निर्माते, दिग्दर्शक, कलाकार, म्युझिक टीम आणि इतर मान्यवर मंडळी आवर्जून उपस्थित होती.
यावेळी शालेय मुलांनी यावेळी गुरुपौर्णिमा आणि आषाढी एकादशीच्या निमित्ताने तब्बल 45 बाल कलाकारांनी पहिल्यांदाच धर्मवीर चित्रपटातील "गुरुपौर्णिमा" हे गीत गाऊन उपस्थितांची मने जिंकली. धर्मवीर सिनेमातील चल करुया तयारी हे गाणं प्रेक्षकांच्या भेटीला आलं आहे. या निमित्ताने दहावी परीक्षेत उत्तीर्ण झालेल्या विद्यार्थ्यांचा सत्कार करण्यात आला आहे.
जावेद अली, सुखविंदर सिंगच्या आवाजात गाणी संगीतबद्ध
या सिनेमात एकूण चार गाणी आहेत. गीतकार मंगेश कांगणे, स्नेहल तरडे , डॉक्टर प्रसाद बिवरे, विश्वजीत जोशी यांनी लिहिलेल्या गीतांना अविनाश - विश्वजीत आणि चिनार-महेश यांचे सुमधुर संगीत लाभले आहे. तसेच ही गाणी सुप्रसिद्ध गायक हरिहरन, जावेद अली, सुखविंदर सिंग,विशाल दादलानी, आदर्श शिंदे, मनीष राजगिरे सुप्रसिद्ध गायिका बेला शेंडे यांच्या आवाजात मराठी आणि हिंदी गाणी स्वरबद्ध करण्यात आली आहेत.
सुरेश वाडकरांनी दिल्या सिनेमाला शुभेच्छा
यावेळी सुरेश वाडकरांनी या सिनेमाला शुभेच्छा दिल्या आहेत. तसेच त्यांनी आनंद दिघेंच्या आठवणी देखील शेअर केल्या आहेत. त्यांनी म्हटलं की, आनंद दिघेंना मी जवळून भेटलो आहे. त्यांच्याकडे पाहिल्यावर भीती वाटायची पण मनातून एकदम निर्मळ होते. हा सिनेमा 98 चालावा अशा मी शुभेच्छा देतो आणि मला इथे बोलावल्याबदल मी सर्वांचे आभार मानतो.
View this post on Instagram
ही बातमी वाचा :
Marathi Serial : आकाश आणि वसूचं नात्यात नवं वादळ येणार? 'पुन्हा कर्तव्य आहे' मालिका रंजक वळणावर
महत्त्वाच्या बातम्या
