OM chapter 1: साऊथ सिनेसृ्ष्टीत 'या' बिग बजेट सिनेमाची चर्चा; धनुष अन् ममूटी पहिल्यांदाच एकाच स्क्रीनवर, कधी होणार रिलीज?
Dhanush And Mammootty: धनुष अन् ममूटी एकाच स्क्रीनवर झळकणार, चित्रपटाचं नाव काय? कधी होणार रिलीज?
OM chapter 1: भारतीय सिनेसृष्टीतील दोन सुपरस्टार (South Superstar) एकत्र एका सिनेमासाठी येणार आहेत. तामिळ सुपरस्टार धनुष (Dhanush) अन् मल्याळम सिनेमातील अभिनेता ममूटी (Mammootty) हे दोघेही एक सिनेमासाठी एकत्र येणार आहेत 'OM: Chapter 1: Udhiram – The Blood Wood' असे चित्रपटाचे नाव असून, या सिनेमातून दोघेही एकत्र स्क्रीन शेअर करण्यास सज्ज झाले आहेत. हे दोन्ही कलाकार साऊथ इंडस्ट्रीतील लोकप्रिय कलाकार असून, या चित्रपटातून आपल्याला एक वेगळाच सिनेमॅटिक अनुभव पाहायला मिळणार आहे.
धनुष अन् ममूटी एकाच स्क्रीनवर, कधी होणार रिलीज? (Dhanush And Mammootty will Share screen in OM chapter 1)
या महत्त्वाच्या प्रोजेक्टच्या केंद्रस्थानी RTake Studiosचे संस्थापक आणि निर्माता श्रद्धा अग्रवाल आहेत. ज्यांच्या दूरदृष्टीने या दमदार सहयोगाला प्रत्यक्षात आणण्यात मोलाची भूमिका बजावलीये. एका भव्य प्रोजेक्टसाठी विविध इंडस्ट्रीतील दोन दिग्गज कलाकारांना एकत्र आणणे, हे प्रादेशिक सीमा ओलांडणारा सिनेमा निर्माण करण्याच्या त्यांच्या महत्त्वाकांक्षेचे प्रतीक आहे. 'OM: Chapter 1: Udhiram – The Blood Wood' या बिग बजेट सिनेमाच्या माध्यमातून श्रद्धा अशा सिनेमांच्या संकल्पनेला प्रोत्साहन देत आहे, जिथे दमदार स्टोरी अन् नेत्रदिपक यांचा मिलाफ होऊन एक अद्वितीय पॅन इंडिया सिनेमॅटिक अनुभव निर्माण होतो.
दोन विविध इंडस्ट्रीतील दिग्गज कलाकारांना एकत्र आणण्याबाबत श्रद्धा अग्रवाल म्हणाली की, 'एक निर्माता म्हणून आमचा एकच दृष्टिकोन राहिला आहे, आम्ही सिनेमा तयार करावा, जो लोकांना सिनेमा, चित्रपट उद्योगांना आणि प्रेक्षकांना जोडणारा ठरेल. 'OM: Chapter 1: Udhiram – The Blood Wood' या चित्रपटासाठी धनुष आणि ममूटी यांना एकत्र आणणे RTake Studiosसाठी अत्यंत खास क्षणाची बाब आहे. दोघेही आपआपल्या इंडस्ट्रीत दिग्गज कलाकारांपैकी एक आहेत. दोन दिग्गज कलाकारांना एकाच पडद्यावर एकत्र आणण्याची संधी निर्माण करणे, हा आमच्यासाठी रोमांचक प्रवास राहिला आहे'.
राजकुमार पेरियासामी दिग्दर्शित 'OM: Chapter 1: Udhiram – The Blood Wood' या सिनेमात धनुष, ममूटी, साई पल्लवी, श्रीलीला, नसीरुद्दीन शाह आणि इंद्रन्स या दमदार कलाकारांची भूमिका आहे. या सिनेमाचे संगीत साई अभ्यंकर यांनी तयार केले असून, प्रतिष्ठित कलाकार एकत्र आल्यामुळे, या सिनेमासाठी प्रेक्षकांमधील उत्सुकता अधिक वाढली आहे. माहितीनुसार, हा चित्रपट 20 नोव्हेंबर रोजी रिलीज होणार आहे.
महत्त्वाच्या इतर बातम्या:
महत्त्वाच्या बातम्या
